یوحەنا 16:7 - کتاب مقدس به زبان کردی جنوبی - گویش کلهوری

⁷ وی حاڵەو ڕاسێه پێدان ئویشم که چیێنم وه نەفدانه. چوینکه ئەگەر نەچم، ئەو پشتیوانه نیەتێدە ئەڕا لادان؛ وەلێ ئەگەر بچم کلی کەمه ئەڕا لادان.

یوحەنا 16:7 ပူးပေါင်းရင်းမြစ်များ

لوقا 24:49

من وادەێ باوگم ئەڕادان کل کەم؛ وەلێ ئیوه وەناو ئەو شاره بمینن تا ئەو وەخته که هێز خودا له ئاسمانەو بڕشیەده ملدانەو.»

لوقا 4:25

وه ڕاسی وەپێدان ئویشم که وه دەوران ئەلیاس پەێخەمەر، وەختێ که سێ ساڵ و کوتێگ ئاسمان بەسریایوێ و وشکساڵی سەختێگ ئەو وڵاته گردویه وەر، بێوه ژنیل فرەێگ وەناو وڵات ئێسرائیل بین.

لوقا 9:27

وه ڕاسی وەپێدان ئویشم، بڕێگ وه ئێرا وسانه تا پادشایی خودا نوینن، تام مردن نیەکەن.»

یوحەنا 14:26

وەلێ ئەو پشتیوانه، یانێ روح‌القودوس، که باوگ وه ناو منەو کلی کەی، گشت چشتێگ یاێدان دی و هەر چی که وەپێدان وەتمه، وه هویردان تیەرێ.

یوحەنا 14:28

شنەفتین که وەپێدان وەتم، ”مه چم، وەلێ وه دواره تیەمەو ئەڕا لادان.“ ئەگەر دوس مه بیاشتیاین، خوەشاڵەو بویاین که چمه ئەڕا لاێ باوگ، چوینکه باوگ له مه گەوراتره.

یوحەنا 14:3

ئمجا که چیم و شونێگ ئەڕادان گورجەو کردم، وەدواره تیەمەو بەمەدانه ئەڕا لاێ خوەم، تا ئەو شونه که مه هەم ئیوەیش بوین.

یوحەنا 15:26

«وەلێ وەختێ ئەو پشتیوانێگ که له لاێ باوگ ئەڕادان کلی کەم، باێد، یانێ روح ڕاسی که له لاێ باوگەو تێد، ئەیو خوەێ له باوەت من شاێەتی دەێ،

یوحەنا 16:8

وەختێ ئەیو باێد، جهان دڵنیا کەید که له باوەت گونا و سالح بوین و داوەری، تاوانباره.

یوحەنا 7:39

عیسا ئی قسیه له باوەت روح خودا وەت، که ئەوانه که ئیمان وەپێ تیەرن، گرنەێ وەر؛ چوینکه هێمراێ روح خودا نێریاوی، ئەڕا ئیه که عیسا هێمراێ جەڵاڵ پەێا نەکردوی.

کاریل ڕەسولەیل 10:34

پتروس دەم واز کرد و وەت: «وه ڕاسی زانستم خودا وەناو قەومیل دوچەوەکی نیەکێ؛

کاریل ڕەسولەیل 2:33

ئێرنگه که عیسا وه دەس ڕاس خودا بەرزەو کریاس، وادەێ روح‌القودوس له باوگ گرد و ڕشان، ئیەسه که ئیوه دوینین و شنەفین.

رومیەگان 8:28

جا ئیمه زانیمن ئەڕا کەسیلێگ که خودا دوس دێرن و وه پێ ئامانج ئەیو دەنگ کریانه، گشت چشتێگ وه یەکەو ئەڕا خاسێ ئەوانه کار کەێ.

دویم قورنتییل 4:17

چوینکه ورده بەرد و گوزەراێ ئیمه جەڵاڵێگ ئەبەدی ئەڕامان گورجەو کێ که نیود وەگەرد هویچ بەردێگ بەراوردێ بکی.