یوحەنا 16:5 - کتاب مقدس به زبان کردی جنوبی - گویش کلهوری

⁵ «وەلێ ئێرنگه چمه ئەڕا لاێ ئەیو که کلم کرد و هویچکامدانیش له لێم نیەپرسین، ”ئەڕا کوره چید؟“

یوحەنا 16:5 ပူးပေါင်းရင်းမြစ်များ

یوحەنا 13:3

عیسا که زانستیا باوگ گشت چشتێگ سپاردێەسه دەسێ و لەلاێ خودا هاتێه و چودەو ئەڕا لاێ خودا،

یوحەنا 13:36

شەمعون پتروس وەت: «گەورەم، ئەڕا کوره چید؟» عیسا جواو دا: «تو ئێرنگه نیەتویەنی ئەڕا ئەو شونێگ که چم وەشونمەو باێ؛ وەلێ دویاجار وەشونمەو تێی.»

یوحەنا 14:28

شنەفتین که وەپێدان وەتم، ”مه چم، وەلێ وه دواره تیەمەو ئەڕا لادان.“ ئەگەر دوس مه بیاشتیاین، خوەشاڵەو بویاین که چمه ئەڕا لاێ باوگ، چوینکه باوگ له مه گەوراتره.

یوحەنا 16:10

له باوەت سالح بوین، چوینکه چمه ئەڕا لاێ باوگ و دی مه نیوینین.

یوحەنا 16:16

«وەشون ماوەێ کەمێگ، دی مه نیوینین، وه دواره وەشون ماوەێ کەمێگ، مه دوینین.»

یوحەنا 16:17

ئمجا بڕێگ له شاگردیلێ وه یەکترەکی وەتن: «ئیه چەس که وەپێمان ئویشێ، ”وەشون ماوەێ کەمێگ، مه نیوینین، جا وه دواره وەشون ماوەێ کەمێگ، مه دوینین“؟ یا ئیه که ئویشێد ”چوینکه چمه ئەڕا لاێ باوگ“؟»

یوحەنا 16:28

مه له لاێ باوگ هاتم و هاتمەسه ناو ئی جهانه؛ ئێرنگەیش ئی جهانه هیلمه جێ و چمه ئەڕا لاێ باوگ.»

یوحەنا 17:13

وەلێ ئێرنگه تیەمه ئەڕا لاێ تو، ئی قسیەیلیشه وەختێ دێرم کەم که هێمراێ هامه ناو جهان، تا شادی مه وه تەمامی وەناو دڵیانەو بود.

یوحەنا 17:4

کارێگ که وەپێم سپاردی تا وه جێ بارم، وه کەماڵ رەسانم و ئیجوره مه تو وەبان زەوی جەڵاڵد دام،

یوحەنا 6:62

جا ئەگەر بوینین که کوڕ ئنسان چوده بان ئەڕا ئەو شونه که یەکم جار له ئەوره بی، ئەوسا چه کین؟

یوحەنا 7:33

ئمجا عیسا وەت: «ماوەێ کەمێگ تر هامه گەرددانە‎و، ئمجا چمه ئەڕا لاێ ئەو کەسه که کلم کرد.

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.