یوحەنا 16:32 - کتاب مقدس به زبان کردی جنوبی - گویش کلهوری

³² بنوڕن وەختێ دێرێ رەسێ، وه ڕاسی هەر ئیرنگه رەسیه که تەفرتویناوه بوین و هەر کامدانیش چوده ئەڕا ماڵ خوەێ و مه تەنیا هیلین؛ وەلێ من تەنیا نیم، چوینکه باوگ ها گەرد مه.

یوحەنا 16:32 ပူးပေါင်းရင်းမြစ်များ

ئنجیل مەتا 26:31

ئمجا عیسا وەپێان وەت: «ئیمشەو گشتدان پشت کینه پێم، چوینکه وەناو کتاو موقەدەس نویسریاس، «”دەمه شوانەگه و پەسیل ریەنەگه دا تویچیەن.“

ئنجیل مەتا 26:56

وەلێ ئیانه گشتێ هەڵکەفتیه تا پێشگویییل پەێخەمەریل باێه دی.» ئمجا گشت شاگردەگان هیشتنەێ جێ و دەر چین.

مەرقوس 14:27

عیسا وەپێان وەت: «گشتدان پشت کینه پێم، چوینکه وەناو کتاو موقەدەس نویسریاس، «”دەمه شوانەگه و پەسیل دا تویچیەن.“

مەرقوس 14:50

ئمجا گشت شاگردەگان هیشتنەێ جێ و دەر چین.

یوحەنا 12:23

عیسا وەپێان وەت: «وەخت جەڵاڵ پەێا کردن کوڕ ئنسان ڕەسیه.

یوحەنا 16:2

له کەنیسەگان دەردان کەن و تەنانەت زەمانێگ رەسێ که هەر کەس بکوشێدەدان، خیاڵ کێ که وه خودا خزمەت کێ.

یوحەنا 16:25

«ئی قسیەیله وه مەسلەتەو وەپێدان وەتم؛ وەختێگ تێ که دی وه مەسلەتەو وەگەرددان قسیه نیەکەم، بەڵکەم ئاشکرا باس باوگ ئەڕادان کەم.

یوحەنا 16:31

عیسا وەپێان وەت: «ئێرنگه ئیمان دێرین؟

یوحەنا 19:27

ئمجا وه ئەو شاگرده وەت: «بنوڕ، داڵگد.» له ئەو ساتەو، شاگردەگه، ئەوه بردێ ئەڕا ماڵ خوەێ.

یوحەنا 20:10

ئمجا ئەو دو شاگرده چینەو ئەڕا ماڵ خوێان.

یوحەنا 4:21

عیسا وەپێ وەت: «ژنەگه، باوەڕ بکه، زەمانێ رەسێ که باوگ ئاسمانی نه وەناو ئی کویه پەرەسش کین، نه وەناو ئورشەلیم.

یوحەنا 4:23

وەلێ زەمانێگ رەسێ، هەڵبەت ئێرنگەیش ڕەسیه، که خوداپەرەسیل ڕاسەکانی، وه روح و ڕاسی باوگ ئاسمانی پەرەسش کەن، چوینکه باوگ ها شون ئیجور کەسیلێ تا پەرەسشێ بکەن.

یوحەنا 5:25

وه ڕاسی، وه ڕاسی، وەپێدان ئویشم، زەمانێگ رەسێ، بەڵکەم هەر ئیسەسه که مردگیل دەنگ کوڕ خودا شنەفن و کەسیلێگیش که شنەفن، زنیەو بون.

یوحەنا 5:28

له ئیه ئەڵاجویدان نای، چوینکه زەمانێگ تێ که گشت ئەوانه که هانه ناو قەور، دەنگ ئەیو شنەفن

یوحەنا 8:16

وەلێ تەنانەت ئەگەر داوەریش بکەم، داوەریەگەم درسه، چوینکه تەنیا مه نیم داوەری کەم، بەڵکەم منم و باوگ ئاسمانی که کلم کرد.

یوحەنا 8:29

ئەیو که کلم کرد ها گەردمەو. ئەیو تەنیام نەێشتیه، چوینکه مه هەمویشه ئەو کارەیله کەم که خوەشنودێەو کەێد.»

کاریل ڕەسولەیل 21:6

وەشون ماڵئاوایی، سوار کەشتی بویمن و ئەوانیش چینەو ئەڕا ماڵ خوێان.

کاریل ڕەسولەیل 8:1

شائول رزایەت دا تا ئستیفان بکوشن. وه ئەو ڕوژه، کلیساێ شار ئورشەلیم تویش عەزاو سەختێگ هات و گشت بێجگه ڕەسولەگان، وه دەوروەر یەهودیه و سامره تەفرتوینا بین.