یوحەنا 16:2 - کتاب مقدس به زبان کردی جنوبی - گویش کلهوری

² له کەنیسەگان دەردان کەن و تەنانەت زەمانێگ رەسێ که هەر کەس بکوشێدەدان، خیاڵ کێ که وه خودا خزمەت کێ.

یوحەنا 16:2 ပူးပေါင်းရင်းမြစ်များ

ئنجیل مەتا 10:28

وه کەسیلێگ که جەسه کوشن وەلێ تویەناێ کوشتن گیان نێرن ڕخدان نەچود؛ بەڵکەم وه ئەوه ڕخدان بچود که تویەنێ گیان و جەسه وەیەکەو وەناو جەهەنم نابود بکێ.

ئنجیل مەتا 24:9

«ئمجا دەنەدانه دەسەو تا بەرد باێه ملدان و بکوشنەدان. گشت ملەتیل وەبونەێ ناو من قینێانه لێدان تێ.

لوقا 6:22

«خوەش وه حاڵ ئیوه ئەو وەخته که مەردم وەبونەێ کوڕ ئنسان، قینێانه لێدان تێد و وەناو جەم خوێان کەنەدانه دەیشت و خراو دەنه پێدان و بەدناودان کەن.

یوحەنا 12:42

وە ئی هەمگه، قێر فرەێگ وه گەورایل قەوم جویلەکیش‎ ئیمان هاوردنه عیسا، وەلێ وه بونەێ ئیه که له فەریسیەیل رخێان چیا، وه ئیمان خوێان ئێقرار نەکردن، نەخواێ له کەنیسه دەرێان بکەن.

یوحەنا 16:25

«ئی قسیەیله وه مەسلەتەو وەپێدان وەتم؛ وەختێگ تێ که دی وه مەسلەتەو وەگەرددان قسیه نیەکەم، بەڵکەم ئاشکرا باس باوگ ئەڕادان کەم.

یوحەنا 16:32

بنوڕن وەختێ دێرێ رەسێ، وه ڕاسی هەر ئیرنگه رەسیه که تەفرتویناوه بوین و هەر کامدانیش چوده ئەڕا ماڵ خوەێ و مه تەنیا هیلین؛ وەلێ من تەنیا نیم، چوینکه باوگ ها گەرد مه.

یوحەنا 4:21

عیسا وەپێ وەت: «ژنەگه، باوەڕ بکه، زەمانێ رەسێ که باوگ ئاسمانی نه وەناو ئی کویه پەرەسش کین، نه وەناو ئورشەلیم.

یوحەنا 4:23

وەلێ زەمانێگ رەسێ، هەڵبەت ئێرنگەیش ڕەسیه، که خوداپەرەسیل ڕاسەکانی، وه روح و ڕاسی باوگ ئاسمانی پەرەسش کەن، چوینکه باوگ ها شون ئیجور کەسیلێ تا پەرەسشێ بکەن.

یوحەنا 9:22

داڵگ و باوگێ وه ئی بونه ئیانه وەتن چوینکه له جویلەکەیل زاورێان چیا. چوینکه جویلەکەیل وەرجەوە کەفتوینه یەکەو ئەگەر کەسێگ ئێقرار بکێ عیسا هەر ئەو مەسیح واده دریایه، باێه له کەنیسه دەر بکریەد.

یوحەنا 9:34

وەپێ جواو دان: «تو سەرتاپا وەناو گونا هاتیدەسە دنیا. ئێرنگه تو درس ئیمه دەی؟» جا له کەنیسه دەرێ کردن.

کاریل ڕەسولەیل 5:33

وەختێ ئی قسیەيله شنەفتن ئەوجورە توڕه بین که تواسیان بکوشنێان.

کاریل ڕەسولەیل 7:56

جا وەت: «ئێرنگه دوینم ئاسمان وازه و کوڕ ئنسان وه دەس ڕاس خودا وساس.»

یەکم قورنتییل 4:13

وەختێ خراو دەنه پێمان، وه مێرەبانیەو جواو دیمن. هەر تا ئیسه، بیمنەسه جور سلپ جهان و گناڵخەێ گشت چشتێگ.

نامەێ فیلیپییل 3:6

له باوەت غیرەت، ئەزیەتکەر کلیسا؛ له باوەت سالح بوینی که له شەریعەتەو تێد، بی نەخسم.

وەحی وه یوحەنا 6:9

وەختێ وەرکەرگه مور پەنجمەگه واز کرد، له ژێر قوروانگا، گیانیل کەسیلێگ دیم که له ڕێ کەڵام خودا و شاێەتیێگ که داوین، کوشریاوین.