یوحەنا 15:8 - کتاب مقدس به زبان کردی جنوبی - گویش کلهوری

⁸ جەڵاڵ باوگم ها ناو ئیه که ئیوه بەر فرەێگ بارین؛ وه ئیجوره بوینه شاگردیل مه.

یوحەنا 15:8 ပူးပေါင်းရင်းမြစ်များ

ئنجیل مەتا 5:16

هەرئیجوره بیلن نویردان ئەڕا مەردم بدرەوشێد تا کردەوەیل خاسدان بوینن و باوگدان که ها ناو ئاسمان، جەڵاڵ بێەن.

ئنجیل مەتا 5:44

وەلێ مه وەپێدان ئویشم دشمەنیلدان دوس بیاشتون و ئەڕا ئەوانەیش که ئازاردان دەن دوعای خیر بکەن.

ئنجیل مەتا 9:8

وەختێ جەماێەت ئی هەڵکەفته دین، زاورێان چی و خوداێگ جەڵاڵ دان که ئیجور دەسڵاتی وه ئنسان بەخشاس.

لوقا 6:35

وەلێ ئیوه، دشمەنیلدان دوس بیاشتون و وەپێان خاسێ بکەن و قەرد بێەنه پێان و ئی ئمیده نیاشتون که له لێان بسینینێەو، چوینکه پاداشدان فره گەوراس و بوینه ڕوڵەێ خوداێ هەربەرز، چوینکه ئەوه وەگەرد ناسپاسیل و بەدکارەیل، مێرەبانه.

یوحەنا 13:35

وه ئیجوره گشت مەردم زانن که شاگرد منین، ئەگەر وه یەکترەکی مابەت بکێن.»

یوحەنا 15:5

«مه مەیوم و ئیوه پەلەگانێ. ئەوه که وەناو من نیشتەجێ بود و مه وەناو ئەوه، بەر فرەێگ دەێده دەسەو؛ چوینکه جیا له مه، هویچه دەسدان نیەتێد.

یوحەنا 8:31

ئمجا عیسا وه جویلەکەیلی که وەپێ ئیمان هاوردوین، وەت: «ئەگەر وەناو کەڵام مه نیشتەجێ بین، وەڕاسی شاگردیل منین و

یەکم قورنتییل 10:31

جا هەرچێ کین چ خواردن و چ نوشان، یا هەر کارێگ‎تر، گشتێ ئەڕا جەڵاڵ خودا بکێن.

یەکم قورنتییل 6:20

ئەڕا ئیه که وه نرخ گرانێگ سەنریاینه، جا خودا وەناو جەسەدان جەڵاڵ بێەن.

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

تیتوس 2:10

له ئەوانه دزی نەکەن، بەڵکەم باێه ئیمان خاس وه تەمامی نیشان بێەن تا ئیجوره وه گشت چشتێگ ڕەنگینی تالیمێگ که له باوەت نجات دەر ئیمه خوداس، وه خاسێ نیشان بێەن.

تیتوس 2:5

وەسەرخوێان زاڵ بون و داوان‎پاک و ماڵداریکەر و مێرەبان بون و له شویەگەێان گوش بتەکنن تا کەسێگ نەتویەنێ له کەڵام خودا خراو بویشی.

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

یەکم پتروس 4:11

هەر کەسێگ قسیه کەێد، با قسیەێ جور قسیەيل خودا بود؛ هەر کەسێگ خزمەت کەێد، وەگەرد هێزێگ که خودا وه پێ بەخشێد خزمەت بکێد، تا له گشت چشتێگ، خودا له ڕێ عیسا مەسیح جەڵاڵ پەێا بکێ. جەڵاڵ و حوکمرانی تا ئەبەد و تا ئەبەد وه ئەیو بود. ئامین.