یوحەنا 15:5 - کتاب مقدس به زبان کردی جنوبی - گویش کلهوری

⁵ «مه مەیوم و ئیوه پەلەگانێ. ئەوه که وەناو من نیشتەجێ بود و مه وەناو ئەوه، بەر فرەێگ دەێده دەسەو؛ چوینکه جیا له مه، هویچه دەسدان نیەتێد.

یوحەنا 15:5 ပူးပေါင်းရင်းမြစ်များ

ئنجیل مەتا 13:21

وەلێ چوینکه وەناو خوەێ ریشه نێری، تەنیا قێر کەمێگ دەوام تیەرێ. وەختێ وەبونەێ کەڵام، تویش بەرد یا عەزاو تێ، زویزی له ئیمان کەفێ.

یوحەنا 12:24

وه ڕاسی، وه ڕاسی، وەپێدان ئویشم، ئەگەر دەنگ گەنم نەکەفیه ناو خاک و نەمرێ، تەنیا مینێ؛ وەلێ ئەگەر بمرێ، بەر فرەێگ تیەرێ.

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

یوحەنا 5:19

جا عیسا وەپێان وەت: «وه ڕاسی، وه ڕاسی، وەپێدان ئویشم: کوڕ نیەتویەنی وه خوێەو هویچ کارێگ بکێ مەر کاریلێ که دوینی باوگ ئاسمانی کەی؛ چوینکه هەر کارێگ باوگ کەی، کوڕیش هەر ئەو کاره کەی.

یوحەنا 9:33

ئەگەر ئی پیا له لاێ خودا نویاد، کارێ له دەسێ ناتیاد.»

کاریل ڕەسولەیل 4:12

وەناو هویچکەس بێجگه ئەیو نجات نیه، ئەڕا ئیه که له ژێر ئاسمان ناوێگ تر وه مەردم نێریاس تا وەگەردێ نجات پەێا بکێم.»

رومیەگان 12:5

ئیمەیش هەرچەن فرەیمن، وەناو مەسیح یە جەسەیمن و هەر کام، گله وه گله ئەنامیل یەکترەکێم.

رومیەگان 6:22

وەلێ ئێرنگه که له گونا ڕزگار کریاینه و بینەسه خوڵامیل خودا، بەرێگ که دەێده دەسدانەو وەرەو قودوسیەت بێدەدان و ئاخرەگەێ زنەیی ئەبەدیه.

رومیەگان 7:4

هەر ویجوره، ئێ برایلم، ئیوەیش له ڕێ جەسەێ مەسیح له باوەت شەریعەت مردینه تا هن کەسێگ تر بوین، یانێ بوینه هن ئەیو که له ناو مردگیل زنیەو بیه، تا ئەڕا خودا بەر باریم.

یەکم قورنتییل 10:16

ئێ جام بەەرکەته که ئەڕاێ سپاس ئویشیمن، هاوبەشی وەناو خوین مەسیح نیه؟ ئێ نانێگ که لەت کيمن، هاوبەشی وەناو جەسەێ مەسیح نیه؟

یەکم قورنتییل 12:12

چوینکه هەرئەوجوره که جەسه یەکێگە و ئەنامیل فرەێگ دێرێ و گشت ئەنامیل جەسه هەر چەن فرەن، یە جەسەن. له باوەت مەسیحیش هەر ئیجورەسه.

یەکم قورنتییل 12:27

ئێرنگه ئیوه جەسەێ مەسیحین و گله وه گلەدان ئەنامیل ئەیوین.

دویم قورنتییل 13:8

چوینکه نیەتویەنیم هویچ کارێ وه چەواشەێ ڕاسی بکێمن، بەڵکەم هەر چی کيمن ئەڕا ڕاسیه.

دویم قورنتییل 9:10

جا ئەوه که تویەمەگه ئەڕا جفتیار و نان ئەڕا خواردن گورجەو کێ، تویەمەگەدان گورجەو کردێه و فرەوه کێ و بەر سالح بویندان فرەوه کێ.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

ئەفسوسیێل 5:9

چوینکه بەر نویر، وەناو هەر جور خاسێ، ڕاسی و درسی پەێا بود.

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

نامەێ فیلیپییل 4:13

هەر کارێگ تویەنم بکەم له ڕێ مەسیح که تویەنایی بەخشیده پێم.

نامەێ فیلیپییل 4:17

نه ئیەک وەشون گردن خەڵاتی بوم، بەڵکەم هامه شون بەرێگەو که وه حساودان فرەوه بود.

نامه وه کولوسییل 1:10

تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

یاقوب 1:17

هەر خەڵات خاس و هەر خەڵات کامڵ له بانه، له لاێ باوگ نویریل تێدە خوار. هەر ئەو باوگه که وەناوێ نه گویڕیانیگ هەس و نه هویچ ساێەڕکیگ که وەبونەێ گویڕیان بود.

یەکم پتروس 2:4

وه نزیکەو بوین وه ئەیو، یانێ وه ئەو کوچگ زنیه که ئایەمیل دانەێ لا وەلێ له چەو خودا هەڵوژاریای و گران قیمەتە،

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.