یوحەنا 15:4 - کتاب مقدس به زبان کردی جنوبی - گویش کلهوری

⁴ وەناو مه نیشتەجێ بون و منیش وەناو ئیوه نیشتەجێ بوم. ئەوجورە که پەل نیەتویەنی له خوێەو بەر بارێ ئەگەر وەناو مەیو نیشتەجێ نود، ئیوەیش نیەتویەنین بەر بارین ئەگەر وەناو مه نیشتەجێ نوین.

یوحەنا 15:4 ပူးပေါင်းရင်းမြစ်များ

ئنجیل مەتا 12:33

«ئەگەر میوەێ خاس تواین، دارەگدان باێه خاس بود، چوینکه دار خراو میوەێ خراو دەێده دەس. دار له میوەگەێ بود بناسێ.

لوقا 8:15

وەلێ تویەمیلی که کەفنه ناو زەوی خاس، کەسیلێگن کەڵام خودا وەگەرد دڵ پاک و خاس شنەفن و خوێان پارێزنن، بەردەوام مینن و بەر تیەرن.

یوحەنا 14:20

وه ئەو ڕوژه، زانین که مه هامه ناو باوگم و ئیوەیش هاینه ناو من و مه هامه ناو ئیوه.

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

یوحەنا 6:56

هەر کەس جەسەێ مه بخوێ و خوینم بنوشێ، وه ناو مه نیشتەجێه و مه وەناو ئەو نیشتەجێیم.

یوحەنا 8:31

ئمجا عیسا وه جویلەکەیلی که وەپێ ئیمان هاوردوین، وەت: «ئەگەر وەناو کەڵام مه نیشتەجێ بین، وەڕاسی شاگردیل منین و

کاریل ڕەسولەیل 11:23

وەختێ ڕەسیه ئەوره و فیز خودا دی، دڵشادەو بی و گشتێان هان دا تا وه کوڵ دڵەو وه خوداوەند وەفادار بمینن،

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

دویم قورنتییل 13:5

خوەدان ئەزمون بکێن تا بزانین هاینه ناو ئیمان یا نه. وردەو بونه خوەدان. ئێ نیەزانین که عیسا مەسیح ها ناودان؟ مەر ئەوەکه وەناو ئی ئەزمونه ڕفوزه بوین!

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

نامه وه کولوسییل 2:6

جا هەر ئەوجورە که خوداوەند مەسیح عیسا قەبوڵ کردین، با وەناو ئەیو گام هەڵبگریم:

یەکم تسالونیکییل 3:5

وه ئی بونه، وەختێ دیتر تویەنا نیاشتم، تیموتاوس کل کردم تا له ئیماندان ئاگادارەو بوم، چوینکه ڕخم چیاد که ئەو خەڵەتنه یانێ ئبلیس وه لەونێ ئیوه بخەڵەتنی و زامەت ئیمه له کیس بچود.

عبرانییل 10:39

وەلێ ئیمه له ئەو کەسیله نیمن که خوێان کیشنه دویا و نابود بون، بەڵکەم له ئەوانیمنە که ئیمان دێرن و گیان خوێان پارێزنن.

یەکم یوحەنا 2:6

هەر کەس که ئویشێ وەناو خودا نیشتەجێه، باێه هەر ئەو جوره زنەیی بکێ که عیسا زنەیی کردیا.

دویم یوحەنا 1:9

هەر کەسێگ له تالیم مەسیح پا بنێه ئەولاتر و وەناوێ نیشتەجێ نود، خودا نێری. ئەوه که وەناو ئەو تالیمه نیشتەجێه، هەم باوگ دێرێ و هەم کوڕ.