یوحەنا 15:20 - کتاب مقدس به زبان کردی جنوبی - گویش کلهوری

²⁰ کەڵامی که وەپێدان وەتم بارینه هویردان: ”خزمەتکار له ئەرواو خوەێ گەوراتر نیه.“ ئەگەر مه عەزاو دانه، ئیوەیش عەزاو دەن؛ ئەگەر کەڵام مه پارێزانن، کەڵام ئیوەیش پارێزنن.

یوحەنا 15:20 ပူးပေါင်းရင်းမြစ်များ

ئنجیل مەتا 10:24

«شاگرد، وه ماموستاگەێ خوەێ سەرتر نیه و خوڵامیش وه ئەرواو خوەێ گەوراتر نیه.

مەرقوس 10:39

وەتن: «بەڵێ، تویەنيمن.» عیسا وەت: «له جامی که مه نوشم، ئیوەیش نوشین و تەعمیدی که مه گرم، ئیوەیش گرين.

لوقا 2:34

ئمجا شەمعون بەەرکەتێان داد و وه مریەم، داڵگ عیسا وەت: «بنوڕ، ئی مناڵه بوده بایس کەفتن و هەڵساین فرەێگ له قەوم ئێسرائیل، هەر ئیجوره بوده نیشانەێگ که وه نوای وسن،

لوقا 6:40

شاگرد، وه ماموستاگەێ خوەێ سەرتر نیه، وەلێ هەر کەس تالیم و تەربیەتی وه کەماڵ برەسێ، بوده جور ماموستاگەێ خوەێ.

یوحەنا 10:31

جارێگتر جویلەکەیل کوچگ هەڵگردن تا عیسا کوچگواران بکەن.

یوحەنا 11:57

وەلێ سەران کاهنیل و فەریسیەیل دەستور داوین که ئەگەر کەسێ بزانێ عیسا ها کوره، باێه خەوەر بێەنه پێان تا بگرنەێ.

یوحەنا 13:16

وه ڕاسی، وه ڕاسی، وەپێدان ئویشم، نه خزمەتکار له ئەرواو خوەێ گەوراتره، نه ئەوه که کل کریاس له ئەوه که کلی کردێه گەوراتره.

یوحەنا 5:16

وەبونەێ ئیه که عیسا ئی کاریله وه ڕوژ شەبات کردیا، جویلەکەیل ئەزیەتی کردیان.

یوحەنا 7:32

زانایل فرقەێ فەریسی شنەفتن جەماێەت له باوەت عیسا ئیجوره قسیه و باسیلێگ کەن. جا گەورایل کاهنیل و فەریسیەیل، نگابانیل مابەد کل کردن تا بگرنەێ.

یوحەنا 8:51

وه ڕاسی، وه ڕاسی، وەپێدان ئویشم، ئەگەر کەسێگ قسیەی مه بپارێزنێ، هەراێهەر مەرگ وه چەو نیوینی.»

یوحەنا 8:52

جویلەکەیل وەپێ وەتن: «ئێرنگه دی خاس زانستیم خوو دێرێ! ئێبراهیم مرد و ئەو باقی پەێخەمەریلیش مردن، ئێرنگه تو ئویشێ، ”ئەگەر کەسێ وه قەوڵم بکێ، هەراێهەر تام مردن نیەکێ!“

یوحەنا 8:59

جا کوچگ هەڵگردن تا کوچگوارانی بکەن، وەلێ عیسا خوەێ شاردەو و لەناو مابەدەگه چیه دەیشت.

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

یەکم قورنتییل 4:12

زامەت کیشیمن و وه دەس خوەمان کار کەیمن. وەختێ نووڕمان بکەن، داواێ بەەرکەت کیم؛ جا وەختێ ئەزیەتمان بکەن، تاموڵ کيمن؛

دویم قورنتییل 4:9

عەزاو کیشیمن، وەلێ تەنیا نیمن؛ دریایمنەسه زەویا، وەلێ له پا نەکەفتیمنه.

یەکم تسالونیکییل 2:15

هەر له ئەو جویلەکەیلی که هەم خوداوەند عیسا و هەم پەێخەمەریل کوشتن و ئیمەیش دەرکردن. ئەوانه خودا خوەشنودەو نیەکەن و وەگەرد گشت ئایەمیل دشمەنی کەن

دویم تیموتاوس 3:12

وه ڕاسی، گشت کەسیلێگ که بتوان وەناو مەسیح عیسا وەگەرد خوداپەرەسی زنەیی بکەن، عەزاو دوینن؛