یوحەنا 15:19 - کتاب مقدس به زبان کردی جنوبی - گویش کلهوری

¹⁹ ئەگەر ئیوه هن جهان بویاتیاین، جهان ئیوه جور ئەوانه که هن خوەێن، دوسدان داشت. وەلێ ئیوه هن جهان نین، بەڵکەم من ئیوه له جهان هەڵوژاردمه، وه ئی بونه جهان قینێ له لێدان تێ.

یوحەنا 15:19 ပူးပေါင်းရင်းမြစ်များ

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

یەکم یوحەنا 3:12

ئیمه نەبایه جور قائن بویمن، ئەوه که هن ئەو شەڕئاشوه بی و براگەێ خوەێ کوشت. ئەڕا چه کوشتی؟ چوینکه کاریل خوەێ خراو بی و کاریل براگەێ درس بی.

لوقا 6:32

«ئەگەر تەنیا دوس ئەو کەسیله بیاشتوین که دوسدان دێرن، چ نەفێ ئەڕادان دێرێ؟ تەنانەت گوناکاریلیش وه ئەوانه که دوسیان دێرن، مابەت کەن.

یەکم پتروس 4:3

ئەڕا ئیه که جاران وه ئەنازەێ کافی ژیان خوێان له وه جێ هاوردن ئەو چشته که قەومیل بتپەرەس خوەشیانه لێ تێد، خەرج کردینه و ڕوژگار وه هەرزەی و هەواوهەوەس و سەرخوەشی و عەێاشی و بەزمەیل شراوخوەری و بتپەرەسی قیزهاوەر داینەسەێ سەر.

وەحی وه یوحەنا 12:17

ئمجا ئەژدەها وه مل ژنەگه توڕه بی و چی تا وەگەرد ئەو باقی نەتەوەگەێ بجەنگێ؛ یانێ وەگەرد ئەوانه که حوکمیل خودا وه جێ تیەرن و شاێەتی عیسا پارێزنن.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

ئنجیل مەتا 10:22

گشتیەکی وەبونەێ ناو مه قینێانه لێدان تێ. وەلێ هەر کەس تا وه ئاخر بەردەوام بمینێ، نجات پەێا کەی.

ئنجیل مەتا 24:9

«ئمجا دەنەدانه دەسەو تا بەرد باێه ملدان و بکوشنەدان. گشت ملەتیل وەبونەێ ناو من قینێانه لێدان تێ.

یوحەنا 6:70

عیسا وەپێان جواو دا: «مەر خوەم ئیوه دوانزه نەفەره هەڵنەوژاردمه؟ وەلێ، یەکی له لێدان ئبلیسیه.»

یوحەنا 13:18

ئیه که ئویشم له باوەت گشتدان نیه. من ئەوانه که هەڵوژاردمه، ناسمێان. وەلێ ئی قسیەێ کتاو موقەدەسه باێه وه دی باێ که ئویشێ ”ئەوه که نان مه خوارد، وەگەردمەو دشمەنی کردێه.“

یاقوب 4:4

ئی مەردم داوانپێس، مەگەر نيەزانين که دوسی وەگەرد ئی جهانه دشمەنی وەگەرد خوداس؟ جا هەر کەسێگ وەشون دوسی وەگەرد جهان بود، خوەێ کەێده دشمەن خودا.