یوحەنا 15:16 - کتاب مقدس به زبان کردی جنوبی - گویش کلهوری

¹⁶ ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

یوحەنا 15:16 ပူးပေါင်းရင်းမြစ်များ

ئنجیل مەتا 21:22

جا هەر چی وەناو دوعا وه ئیمان داوا بکێن، وه دەس تیەرێن.»

ئنجیل مەتا 7:7

«داوا بکەن که درێیده پێدان؛ مینه بکەن که دوینینەو؛ دەر بکوتن، که وه ڕویدان واز بود.

لوقا 6:13

شەوەکی شەفەق شاگردەگانێ چڕێ، وەناوێان دوانزه نەفەر له لێان دیاری کرد و وەپێان وەت ڕەسول:

یوحەنا 13:18

ئیه که ئویشم له باوەت گشتدان نیه. من ئەوانه که هەڵوژاردمه، ناسمێان. وەلێ ئی قسیەێ کتاو موقەدەسه باێه وه دی باێ که ئویشێ ”ئەوه که نان مه خوارد، وەگەردمەو دشمەنی کردێه.“

یوحەنا 15:19

ئەگەر ئیوه هن جهان بویاتیاین، جهان ئیوه جور ئەوانه که هن خوەێن، دوسدان داشت. وەلێ ئیوه هن جهان نین، بەڵکەم من ئیوه له جهان هەڵوژاردمه، وه ئی بونه جهان قینێ له لێدان تێ.

یوحەنا 15:5

«مه مەیوم و ئیوه پەلەگانێ. ئەوه که وەناو من نیشتەجێ بود و مه وەناو ئەوه، بەر فرەێگ دەێده دەسەو؛ چوینکه جیا له مه، هویچه دەسدان نیەتێد.

یوحەنا 6:70

عیسا وەپێان جواو دا: «مەر خوەم ئیوه دوانزه نەفەره هەڵنەوژاردمه؟ وەلێ، یەکی له لێدان ئبلیسیه.»

کاریل ڕەسولەیل 1:24

جا ئەوانه دوعا کردن و وەتن: «خوداوەندا، تو له دڵ گشتمان ئاگا و بینای. ئەڕامان ئاشکرا بکه کام له ئی دوانیه هەڵوژاردیده

کاریل ڕەسولەیل 1:8

وەلێ وەختێ روح‌القودوس باێده ملدانەو، قەوەت گرين و بوینه شاێەتیل من، وەناو شار ئورشەلیم و گشت یەهودیه و سامره و تا ئەو پەر دنیا.»

کاریل ڕەسولەیل 10:41

وەلێ نه ئەڕا گشتیەکی، بەڵکەم تەنیا وه شاێەتیلێگ که خودا وەرجەوە هەڵوژاردوی، یانێ وه ئیمه که وەشون زنیەو بوینی له مردگیل، وەگەردیەو خواردیمن و نوشایمن.

کاریل ڕەسولەیل 22:14

«ئەوه وەت: ”خوداێ باپیریلمان تو هەڵوژاردیه تا خاست ئەوه بزانێ و ئەو سالحانه بوینی و قسیەیلی له دەمێ بشنەفێ.

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

رومیەگان 1:13

ئێ برایل، نیەتوام بی خەوەر بوین که چەن جار تواسمه بامه ئەڕا لادان، وەلێ هەر جار ڕێه لێم بەسریا. توام که وەناو ئیوەیش خەلەێگ درەو بکەم، هەر ئەوجورە که وەناو ئەو باقی ناجویلەکەیل ئی کاره کردمه.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

رومیەگان 15:4

چوینکه هەر چشتێ که وه ڕوژیل جارانەو نویسریاس، ئەڕا تالیم ئیمه نویسریاس تا له ڕێ بەردەوامی و له ڕێ دڵگەرمیێگ که نویسریایل موقەدەس بەخشێد، ئمید بیاشتویمن.

رومیەگان 9:21

مەر کویزەدرسکەر حەق نێری که له یە پاخوا خەڕێ، دەفرێگ ئەڕا کاریل گرنگ و دەفرێگ تر ئەڕا کاریل مامولی درس بکێ؟

یەکم قورنتییل 10:11

ئێرنگه ئی چشتیله جور نمونەێگ هاته سەریان و نویسریا تا بوده عبرەتێگ ئەڕا ئیمه، چوینکه وەناو ڕوژگاریل ئاخر زنەیی کەیمن.

نامه وە غەلاتییل 1:15

وەلێ وەختێگ خودا که وەرجه ئیه له زگ داڵگ بامه دنیا، جیامەو کردوی و وه فیز خوەێ دەنگم کردوی،

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

یەکم نامەێ تیموتاوس 2:7

ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

دویم تیموتاوس 1:11

ئەڕا ئیه که مه هەڵوژاریامه تا بانگەوازیکەر، ڕەسول و ماموستاێ ئی ئینجیله بوم.

دویم تیموتاوس 2:2

و ئەو چشته که له لاێ شاێەتیل فرەێگ له مه شنەفتی، وه مەردمیل ئەمینێگ بسپار که بتویەنن وه کەسێلێگتر یاێ بێەن.

تیتوس 1:5

وه ئەو بونه توی له جەزیرەی کرت هیشتمه جێ تا کاریل نا تەمامێگ که مەنوی، سەرسامان بێید و هەر ئەوجورە که ئەمر کردمه پێد، له ناو هەر شارێگ شێخیلێگ دیاری بکێ.

عبرانییل 11:4

وه ئیمان بی که هابیل قوروانی قەبوڵ‎کریاێگتر له قوروانیەگەی قائن وه خودا پیشکەش کرد و له ڕێ هەر ئی ئیمانه له باوەت هابیل شاێەتی دریاس که سالحانه، چوینکه خودا وەگەرد قەبوڵ کردن پیشکەشییلێ له لێ تاریف کرد. له ڕێ ئیمانێه، هەرچەن مردگه وەلێ هێمراێ قسیه کەید.

یاقوب 3:18

سالح بوین، خەڵەێگه که وەناو ئاشتی و سڵامەتی و وه دەس ئاشتیخوازیل کاڵێید.

یەکم پتروس 3:15

بەڵکەم له دڵ خوەدانەو‎و خوداوەند مەسیح که قودوسه حرمەت بگرن و هەمویشه گورجەو بوین تا هەر کەسێگ مدوێ ئمیدێگ که ها له ناو ئیوه بپرسێد، جواوی بێین، وەلێ ئی کاره وه نەرمی و وه حرمەت بکەن.

یەکم پتروس 3:2

وەختێ که ڕێ رەوشت وه حرمەت و پاک ئیوه بوینن.

یەکم یوحەنا 4:10

مابەت هەر ئیەسه، نه ئەوه که ئیمه خودا مابەت کردیمنه، بەڵکەم ئەیو ئیمه مابەت کرد و کوڕەگەێ خوەێ کل کرد تا بوده کەفارەت گونایلمان.

یەکم یوحەنا 4:19

ئیمه مابەت کەیمن چوینکه یەکم جار ئەیو مابەتمان کرد.