یوحەنا 14:23 - کتاب مقدس به زبان کردی جنوبی - گویش کلهوری

²³ عیسا جواو دا: «ئەگەر کەسێگ دوس مه بیاشتود، کەڵامم پارێزنێد و باوگم دوسی دێرێ و ئیمه تێیمنه لاێ و لەلاێ نیشتەجێ بویمن.

یوحەنا 14:23 ပူးပေါင်းရင်းမြစ်များ

یوحەنا 10:30

من و باوگ یەکیگیم.»

یوحەنا 14:15

«ئەگەر دوسم بیاشتوین، حوکمەگانم پارێزنێن.

یوحەنا 14:17

یانێ روح ڕاسی که دنیا نیەتویەنی قەبوڵێ بکێ، چوینکه نه دوینیدێ و نه ناسێدێ؛ وەلێ ئیوه ناسینێ، چوینکه له لاێ ئیوه نیشتەجێه و وەناو ئیوه مینێ.

یوحەنا 14:21

ئەوه که حوکمەگان مه دێرێ و پارێزنێدێان، ئەوه کەسێگه که مه دوس دێرێ؛ ئەویشه که مه دوس دێرێ، باوگمیش دوسی دێرێ و منیش دوسی دێرم و خوەم وەپێ نیشان دەم.»

یوحەنا 14:24

ئەوه که دوس مه نێری، کەڵاممیش نیەپارێزنێد؛ ئی کەڵامیشه که شنەفین له مه نیه، بەڵکەم له باوگیگه که کلم کرد.

یوحەنا 15:10

ئەگەر حوکمەگان مه بپارێزنین، لەناو مابەت من نیشتەجێ بوین؛ هەر ئەوجورە که من حوکمەگان باوگم پارێزانمه و لەناو مابەتێ نیشتەجێیم.

یوحەنا 16:27

چوینکه باوگ خوەێ دوسدان دێرێ، ئەڕا ئیه که ئیوه دوسم داشتینه و باوەڕ کردینه که له لاێ خوداوه هاتمه.

یوحەنا 6:56

هەر کەس جەسەێ مه بخوێ و خوینم بنوشێ، وه ناو مه نیشتەجێه و مه وەناو ئەو نیشتەجێیم.

یوحەنا 8:51

وه ڕاسی، وه ڕاسی، وەپێدان ئویشم، ئەگەر کەسێگ قسیەی مه بپارێزنێ، هەراێهەر مەرگ وه چەو نیوینی.»

یوحەنا 8:52

جویلەکەیل وەپێ وەتن: «ئێرنگه دی خاس زانستیم خوو دێرێ! ئێبراهیم مرد و ئەو باقی پەێخەمەریلیش مردن، ئێرنگه تو ئویشێ، ”ئەگەر کەسێ وه قەوڵم بکێ، هەراێهەر تام مردن نیەکێ!“

دویم قورنتییل 6:16

یا چ وه یەکەو کەفتنێگ ها له بین مابەد خودا و بتیل؟ چوینکه ئیمه مابەد خوداێ زنەیمن. هەر ئەوجورە که خودا وەناو تەورات و کتاویل پەێخەمەریل فەرمایش کێ: «وەناوێان نیشتەجێ بوم و وەناوێان ڕێ کەم و مه بومه خوداێ ئەوانه و ئەوانه بونه قەوم من.»

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

یەکم یوحەنا 2:24

بیلێن ئەو چشته که له سەرەتاوه شنەفتین وەناودان نیشتەجێ بود. ئەگەر ئەو چشته که له سەرەتاوه شنەفتین وەناودان نیشتەجێ بود، ئمجا ئیوەیش وەناو کوڕ و وەناو باوگ نیشتەجێ بوین.

یەکم یوحەنا 2:5

وەلێ کەسێ که کەڵامی وه جا تیەرێ، مابەت خودا وه ڕاسی وەناوێ وه کەماڵ ڕەسیه. وه ئیجوره تویەنیم بزانیم که هایمنه ناو خودا:

یەکم یوحەنا 4:4

ئێ ڕوڵەیل ورد، ئیوه له خوداین و وه سەر ئەو نەبوەتکەریل دروەکانیه زاڵەو بوینه، چوینکه ئەوه که ها ناو ئیوه له ئەوه که ها ناو ئی جهانه گەوراتره.

یەکم یوحەنا 5:3

چوینکه دوس داشتن خودا ئیەسه که حوکمیلێ وه جێ باریم، حوکمیل ئەیو بار قورسیگ نیه.

دویم یوحەنا 1:6

مابەت ئیەسه که وه پێ حوکمیل خودا زنەیی بکێم، هەر ئەوجورە که له سەرەتا شنەفتینه، حوکم ئیەسه که وەناو مابەت زنەیی بکێم.

وەحی وه یوحەنا 21:22

مابەدێگ له ناو شار نێیم، چوینکه خوداوەند خوداێ هەر وه تویەنا و وەرکەگه، مابەد ئەوەنه.

وەحی وه یوحەنا 21:3

له تەختەگه، دەنگ بەرزێگ شنەفتم که وەت: «بنوڕ، جیگەێ نیشتەجێ خودا ها گەرد ئایەمیل، ئەیو وەگەردێانەو نیشتەجێ بود؛ جا ئەوانه بونه قەوم ئەیو و خودا خوەێ ها گەردێانەو و بوده خوداێ ئیانه.

وەحی وه یوحەنا 22:3

جا دیتر هویچ لانەتێگ نیه. بەڵکەم تەخت خودا و تەخت وەرکەگه ها ناوێ و خزمەتکاریلی پەرەسنێ.