یوحەنا 14:12 - کتاب مقدس به زبان کردی جنوبی - گویش کلهوری

¹² «وه ڕاسی، وه ڕاسی، وەپێدان ئویشم، هەر کەس وه مه ئیمان بارێ، ئەو کاریله که مه کەم، کێ، له ئەوانه گەوراتریش کێ، چوینکه مه چمه ئەڕا لاێ باوگ.

یوحەنا 14:12 ပူးပေါင်းရင်းမြစ်များ

ئنجیل مەتا 21:21

عیسا وەپێان جواو دا: «وه ڕاسی، وەپێدان ئویشم، ئەگەر ئیمان بیاشتوین و شک وه دڵ نارین، نه تەنیا ئەوه که وه سەر دار هەنجیرەگه هات، کین بەڵکەم تەنانەت ئەگەر وه ئی کویه بویشین ”وه جا هەڵکەنریه و بکەفه ناو دەریا،“ ئیجوره بود.

مەرقوس 11:13

له دویرەو دار هەنجیرێگ دی که گڵا داشت؛ جا چیه نوا تا بوینی میوه دێرێ یا نه. وەختێ نزیکەو بی، بێجگه گڵا چشتێ وه قەێەو نی، چوینکه هێمراێ وەرز هەنجیر نوی.

مەرقوس 16:17

ئەوانه که ئیمان تیەرن، ئی نیشانەیله ها گەردیان: وه ناو من دێویل کەنه دەیشت و وه زوانیل تازه قسیه کەن،

یوحەنا 14:28

شنەفتین که وەپێدان وەتم، ”مه چم، وەلێ وه دواره تیەمەو ئەڕا لادان.“ ئەگەر دوس مه بیاشتیاین، خوەشاڵەو بویاین که چمه ئەڕا لاێ باوگ، چوینکه باوگ له مه گەوراتره.

یوحەنا 16:7

وی حاڵەو ڕاسێه پێدان ئویشم که چیێنم وه نەفدانه. چوینکه ئەگەر نەچم، ئەو پشتیوانه نیەتێدە ئەڕا لادان؛ وەلێ ئەگەر بچم کلی کەمه ئەڕا لادان.

یوحەنا 4:37

جێ ئی قسیه ها ئێره که ئویشێ: ”یەکی تویەم خەێ و یەکیگ تر درەو کەێ“.

یوحەنا 5:20

چوینکه باوگ کوڕ دوس دێرێ و گشت کاریلێ که خوەێ کەی وەپێ نیشان دەێ. کاریل له ئیانه گەوراتریش نیشانی دەێ تا ئەڵاجویدان باێ.

یوحەنا 7:33

ئمجا عیسا وەت: «ماوەێ کەمێگ تر هامه گەرددانە‎و، ئمجا چمه ئەڕا لاێ ئەو کەسه که کلم کرد.

یوحەنا 7:39

عیسا ئی قسیه له باوەت روح خودا وەت، که ئەوانه که ئیمان وەپێ تیەرن، گرنەێ وەر؛ چوینکه هێمراێ روح خودا نێریاوی، ئەڕا ئیه که عیسا هێمراێ جەڵاڵ پەێا نەکردوی.

کاریل ڕەسولەیل 10:46

چوینکه شنەفتیان که ئەوانه وه زوانیل تر قسیه کەن و ستایش خودا کەن. ئمجا پتروس وەت:

کاریل ڕەسولەیل 16:18

ئەوه ڕوژیل فرەێگ ئیجوره کردیا. دەس ئاخر پولوس تاقەت ناورد و هەڵوگەردێ و وه ئەو روحه وەت: «وه ناو عیسا مەسیح وەپێد دەستور دەم که له ئی دویەته باێده دەیشت!» هەر ئەو ئانه، روح له لێ هاته دەیشت.

کاریل ڕەسولەیل 19:12

ئەوجورە که مەردم دەسریل و پێشبەنیلی که خواردیانه قێ گیانێ، بردیانه ئەڕا نەخوەشیل و نەخوەشییلیان خاسەو بیاد و روحیل شەڕئاشو له لێان چیانه دەیشت.

کاریل ڕەسولەیل 2:33

ئێرنگه که عیسا وه دەس ڕاس خودا بەرزەو کریاس، وادەێ روح‌القودوس له باوگ گرد و ڕشان، ئیەسه که ئیوه دوینین و شنەفین.

کاریل ڕەسولەیل 2:41

جا کەسیلێ که قسیەیلی قەبوڵ کردن، تەعمید گردن. له ئەو ڕوژه نزیک سێ هەزار نەفەر وه ئەوانه فێشترەو بی.

کاریل ڕەسولەیل 4:16

وه یەکترەکی وەتن: «وەگەرد ئی پیاێله چه بکێم؟ چوینکه گشت نیشتەجێیل ئورشەلیم زانن که موجزەێگ ئاشکرا وه دەسێان ئەنجام گردێه و ئیمه نیەتویەنیم بێیمنه ژێرێ.

کاریل ڕەسولەیل 4:33

ڕەسولەیل وه هێز فره گەوراێگ شاێەتی زنیەو بوین خوداوەند عیسا دیان و فیز گەوراێگ وه سەر گشتێانەو بی.

کاریل ڕەسولەیل 4:4

وەلێ قێر فرەێگ لەلێان که پێخامەگه شنەفتوین، ئیمان هاوردن و ژمارەێ پیاگان ڕەسیه نزیک پەنج هەزار نەفەر.

کاریل ڕەسولەیل 5:15

جوری که تەنانەت نەخوەشیل هاوردیانه سەر کویچەیل و له سەر تەختیل و شونیل خەفانیان تا وەختێ پتروس له ڕێەو برەسێ بەڵکەم ساێەڕەگەێ بکەفێه سەر بڕێگیان.

کاریل ڕەسولەیل 6:7

جا کەڵام خودا پەخشەو بویاد و ژمارەێ شاگردەگان له شار ئورشەلیم فره فرەوه بی و جەم فرەێگ له کاهنيلیش ئیمان هاوردن.

کاریل ڕەسولەیل 8:7

ئەڕا ئیه که روحیل ناپاک قیڕانیان و له فره وه ئەوانەێ که وەناوێان بین هاتیانه دەیشت و فره له فەلەجەیل و شەلەیل شەفا گردیان.

کاریل ڕەسولەیل 9:34

پتروس وەپێ وەت: «ئینیاس، عیسا مەسیح شەفاد دەێ. هەڵس و جیەگەد گردە‎و که!» ئەویش زویزی هەڵساد،

کاریل ڕەسولەیل 9:40

پتروس گشتێان له وتاخ کرده دەیشت و زرانی دا، دوعا کرد. ئمجا ڕوی کرده جنازەگه و وەت: «تابیتا، هەڵسه پا!» تابیتا چەویلی واز کرد و وەختێ پتروس دی، دانیشت.

رومیەگان 15:19

وەگەرد هێز نیشانەیل و موجزەیل، وەگەرد هێز روح خودا - ئەوجورە که له شار ئورشەلیم تا شار ئیلیریکوم دەور دامه و خزمەت ئینجیل مەسیح وه تەمامی، ئەنجام دامه.