یوحەنا 13:34 - کتاب مقدس به زبان کردی جنوبی - گویش کلهوری

³⁴ حوکم تازەێگ دەمه پێدان، که یەکترەکی مابەت بکێن. هەر ئەوجورە که مه مابەتدان کردمه، ئیوەیش باێه یەکترەکی مابەت بکێن.

یوحەنا 13:34 ပူးပေါင်းရင်းမြစ်များ

ئنجیل مەتا 5:44

وەلێ مه وەپێدان ئویشم دشمەنیلدان دوس بیاشتون و ئەڕا ئەوانەیش که ئازاردان دەن دوعای خیر بکەن.

یوحەنا 15:17

حوکم من وه ئیوه ئیەسه که یەکترەکی مابەت بکێن.

یوحەنا 17:21

تا ئەوانه گشتێان یەکی بون، ئێ باوگه، هەر ئەوجورە که تو هایده ناو مه منیش هامه ناو توی. با ئەوانیش وەناو ئیمه بون، تا جهان ئیمان بارێ تو مه کل کردیده.

رومیەگان 12:10

وەگەرد مابەت براێانه، یەکترەکی دوس بیاشتوین. وەناو حرمەت ناین وه یەکترەکی، بێەنه نوای یەکانەو.

رومیەگان 13:10

مابەت، وه هاوساگەێ خوەێ خراوی نیەکێ؛ جا مابەت وه دی هاتن شەریعەته.

رومیەگان 13:8

هویچ چشتێگ وه کەسێ قەرددار نەون، بێجگه ئیەک یەکترەکی مابەت بکێن. چوینکه کەسێگ که وه یەکیگ تر مابەت بکێ، شەریعەت وه جێ هاوردێه.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

نامه وە غەلاتییل 6:10

جا تا دەرفەت دێریم بان تا وه گشتیەکی خاسێ بکێم، وه تایبەتی وه کەسیلێ که وه مەسیح ئیمان دێرن.

نامه وە غەلاتییل 6:2

باریل قورس یەکترەکی هەڵبگرن که ئیجوره شەریعەت مەسیح وه جێ تیەرێن.

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

نامه وه کولوسییل 1:4

چوینکه تاریف ئیماندان وه مەسیح عیسا و مابەتێگ که وه گشت ئیمانداریل وه مەسیح دێرین، شنەفتیم.

یەکم تسالونیکییل 3:12

و هەر ئەوجورە که مابەت ئیمه وه ئیوه فرەوه بود، خوداوەند مابەتدان وه یەکترەکی و وه گشت مەردم فرەوه بکێ و فراوانیەو بکێد.

دویم تسالونیکییل 1:3

ئێ برایل، ئیمه باێه هەمویشه وەبونەێ ئیوه سپاس خودا بکێم و درسیشێ هەر ئیەسه، چوینکه ئیمان ئیوه فره فره گەوراوه بود و مابەت هەر کامدان وه یەکترەکی فرەوه بود.

عبرانییل 13:1

بیلن مابەت برایی بەردەوام بود.

یاقوب 2:8

ئەگەر وه ڕاسی شەریعەت شاهانه وه پێ ئی وەتریای کتاو موقەدەسه وه جێ بارین که فەرمایش کەێد: «هاوساگەد هەر جور خوەد دوس بیاشتو،» کار خاسێگ کین.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

دویم پتروس 1:7

وه مل خوداناسی، دوسی براێانه و وه مل دوسی براێانه، مابەت.

یەکم یوحەنا 3:11

چوینکه ئیه هەر ئەو پێخامەسه که له سەرەتا شنەفتینه، که باێه یەکترەکی دوس بیاشتویم.

یەکم یوحەنا 3:23

حوکمەگەیشێ ئیەسه که، وه ناو عیسا مەسیح کوڕێ ئیمان باریم و یەکترەکی مابەت بکێم، هەر ئەوجورە که وەپێمان حوکم کردێه.

یەکم یوحەنا 4:21

ئیمەیش ئی حوکمه له ئەیو گردیمنه که هەر کەسێگ که خودا دوس دێرێ، باێه براگەێ خویشێ دوس بیاشتود.

دویم یوحەنا 1:5

ئێرنگەیش ئێ خاتوین عەزیز گرامی، له لێد توام که یەکترەکی مابەت بکێم، حوکم تازەێگ ئەڕاد نیەنویسم، بەڵکەم ئیه هەر ئەو حوکمەسه که له سەرەتا داشتیم.