یوحەنا 13:3 - کتاب مقدس به زبان کردی جنوبی - گویش کلهوری

³ عیسا که زانستیا باوگ گشت چشتێگ سپاردێەسه دەسێ و لەلاێ خودا هاتێه و چودەو ئەڕا لاێ خودا،

یوحەنا 13:3 ပူးပေါင်းရင်းမြစ်များ

ئنجیل مەتا 11:27

باوگم گشت چشتێگ وه مه سپاردیه. هویچکەس کوڕ نیەناسێ بێجگه باوگ، هویچکەیش باوگ نیەناسێ بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.

ئنجیل مەتا 28:18

عیسا نزیکیانەو بی وەپێان وەت: «گشت دەسڵات وەناو ئاسمان و وەبان زەوی دریاسه پێم.

لوقا 10:22

باوگم گشت چشتێگ وه مه سپاردیه. هویچکەس نیەزانێ کوڕ کیه بێجگه باوگ، هویچکەیش نیەزانێ باوگ کیه بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.»

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

یوحەنا 13:1

وەرجه جەشن پسەخ، عیسا زانستیا وەختێ ڕەسیه که له ئی جهانه بچوده ئەڕا لاێ باوگ ئاسمانی، جا شاگردیل خوەێ که وەناو ئی جهانه دوسیان داشت، وه تەمامی مابەتێان کرد.

یوحەنا 17:2

چوینکه تو دەسڵات گشت ئنسانیل سپاردێەسه دەسێ تا وه گشت کەسیلێ که تو وەپێ بەخشایده زنەیی ئەبەدی بێی.

یوحەنا 3:13

هویچکەسێگ وه ئاسمان نەچیەسه ‎بان، مەر ئەوه که له ئاسمانەو هاته خوار، یانێ کوڕ ئنسان که ها له ئاسمان.

یوحەنا 3:35

باوگ ئاسمانی، دوس کوڕ دێرێ و گشت چشتێ سپاردێەسه دەسێ.

یوحەنا 7:29

وەلێ مه ناسمێ، چوینکه مه له لاێ ئەیو تیەم و ئەیویش مه کل کرد.»

یوحەنا 7:33

ئمجا عیسا وەت: «ماوەێ کەمێگ تر هامه گەرددانە‎و، ئمجا چمه ئەڕا لاێ ئەو کەسه که کلم کرد.

یوحەنا 8:14

عیسا وه جواوێانەو وەت: «تەنانەت ئەگەر خوەم ئەڕا خوەم شاێەتی بێەم، شاێەتیەگەم درسه، چوینکه زانم له کوره هاتمه و چمه ئەڕا کوره. وەلێ ئیوه نيەزانين مه له کوره هاتمه یا چمه ئەڕا کوره.

یوحەنا 8:42

عیسا وەپێان وەت: «ئەگەر خودا باوگدان بویاد، دوسم داشتیاین، چوینکه مه له لاێ خوداوه هاتمه و هامه ئێره. مه له خوەمەو ناتمه، بەڵکەم ئەیو کلم کرد.

کاریل ڕەسولەیل 2:36

«جا گشت قەوم ئێسرائیل، وه دڵنیاییەو بزانن که خودا ئی عیسا که ئیوه کیشاینێ سەلیب، کردێەسەێ خوداوەند و مەسیح.»

یەکم قورنتییل 15:27

چوینکه خودا «گشت چشتێگ ناسه ژێر پایلێ.» وەلێ وەختێگ ئویشریێ ’گشت چشتێگ‘ نریاسه ژێر پایلێ، دیاره که ئیه خود خودا نیەگریدەوەر که گشت چشتێگ ناسه ژێر پایل مەسیح.

عبرانییل 1:2

وەلێ وەناو ئی ڕوژیل ئاخره وه وەسلەێ کوڕەگەێ خوەێ وەگەرد ئیمه قسیه کردێه، هەر ئەو کوڕه که ئەیو وه میراتیخوەر گشت چشتێگ دیاری کرد و وه وەسلەێ ئەیویش جهان درس کرد.