یوحەنا 12:34 - کتاب مقدس به زبان کردی جنوبی - گویش کلهوری

³⁴ جەماێەت وەتن: «له تەورات شنەفتیمنه، مەسیح واده دریاێ تا ئەبەد مینێدی، ئێ چوی ئویشێ کوڕ ئنسان باێه بەرزەو بکرێ؟ ئی کوڕ ئنسانه کیه؟»

یوحەنا 12:34 ပူးပေါင်းရင်းမြစ်များ

ئنجیل مەتا 16:13

وەختێ عیسا ڕەسیه مەنتەقەێ قیسەریەێ فیلیپی، له شاگردیلی پرسی: «مەردم ئویشن کوڕ ئنسان کیه؟»

ئنجیل مەتا 21:10

وەختێ عیسا چیه ناو ئورشەلیم، شارەگه گشتێ کەفته جوش و خروش و وەتیان: «ئیه کیه؟»

ئنجیل مەتا 8:20

عیسا وەپێ وەت: «ڕووییل کونا ڕووی دێرن و باڵەندەیل ئاسمان لانه، وەلێ کوڕ ئنسان شونێگ ئەڕا سەر وه زەوی ناین نێری.»

یوحەنا 10:34

عیسا وەپێان وەت: «مەر وەناو شەریعەتەگەدان نەنویسریاس که ”وەتم، ئیوه خودایلین؟“

یوحەنا 12:32

وەختێ مه له بان زەوی بەرزەو کریەم، گشت مەردم کیشمه ئەڕا لاێ خوەم.»

یوحەنا 15:25

وەلێ کەڵامێگ که وەناو تەوراتەگەێان نویسریاس، باێه وه دی باێ: ”بێ سەوەو قینێان له لێم هات.“

یوحەنا 8:28

جا عیسا وەپێان وەت: «وەختێ کوڕ ئنسان بەرزەو کردین، ئەوسا زانین که من ئەوەمه و له خوەمەو هویچ نیەکەم، بەڵکەم هەر ئەو جوره قسیه کەم که باوگ ئاسمانیم نیشانم داس.

رومیەگان 3:19

ئێرنگه زانیمن ئەو چشته که شەریعەت ئویشێ ئەڕا کەسیلێگ ئویشێ که هانه ژێر شەریعەت، تا هەر دەمێگ بوەسرێید و جهان گشتێ لەنواێ خودا جواوگو بون.

رومیەگان 5:18

جا هەر ئەوجورە که یەێ خەتا بیه بایس ماکومیەت گشت ئنسانیل، یەێ کردەوەێ سالحانەیش، بوده بایس سالح وه حساو هاتن و ژیان گشت ئنسانیل.

عبرانییل 7:24

وەلێ چوینکه عیسا تا ئەبەد زنیه، بن کاهنی نیەتێی.