یوحەنا 12:26 - کتاب مقدس به زبان کردی جنوبی - گویش کلهوری

²⁶ ئەگەر کەسێگ خزمەتم کەی، باێه بکەفێه شونم؛ مه له هەر کوره بوم، خزمەتکارەگەمیش ها ئەوره. ئەگەر کەسێگ خزمەتم بکێ، باوگ ئاسمانی سەربەرزێەو کەێ.

یوحەنا 12:26 ပူးပေါင်းရင်းမြစ်များ

ئنجیل مەتا 16:24

ئمجا عیسا وه شاگردەگانێ وەت: «ئەگەر کەسێگ بتواێ بکەفێده شون مه، باێه له خوەێ دەس بکیشێ، سەلیب خوەێ هەڵبگرێ و وەشون منەو باێ.

ئنجیل مەتا 25:21

ئەرواوەگەێ وەپێ وەت: ”ئافەرم، ئێ خوڵام خاس و وەفادار! تو وەناو چشتیل کەم وەفادار بیده، جا نەمەده بان سەر چشتیل گەورا. بەوه ناو شادی ئەرواوەگەد بەشدار به.“

مەرقوس 8:34

ئمجا عیسا جەماێەتەگه و شاگردەگانێ چڕێ و وەپێان وەت: «ئەگەر کەسێ بتواێ بکەفێده شون مه، باێه له خوەێ دەس بکیشێ، سەلیب خوەێ هەڵ بگرێ و وەشون منەو باێ.

لوقا 12:37

خوەش وه حاڵ خوڵامیلێگ که وەختێ گەورەێان باێدەو، ئەوانه وه خەوەر و هوشیار دوینید. وه ڕاسی، وەپێدان ئویشم، خوەێ ناوقه ئەڕا خزمەت کردنێان بەسێد؛ بەڵێ، تیەرێ نێدیانه سەر سفره و تێدە نوا، له لێان مێواندارێ کەی.

لوقا 6:46

«ئیه چوینه که وەپێم ئویشین گەورەم، گەورەم، وەلێ وه ئەو چشته که ئویشم گوش نیەتەکنین؟

لوقا 9:23

ئمجا عیسا وه گشتێان فەرمایش کرد: «ئەگەر کەسێ بتواێ بکەفێده شون مه، باێه وه خوەێ دەس بکیشێ، هەر ڕوژ سەلیب خوەێ هەڵبگرێ و وەشون منەو باێ.

یوحەنا 10:27

پەسەگانم دەنگم شنەفن و منیش ناسمێان و وەشونمەو تیەن.

یوحەنا 13:16

وه ڕاسی، وه ڕاسی، وەپێدان ئویشم، نه خزمەتکار له ئەرواو خوەێ گەوراتره، نه ئەوه که کل کریاس له ئەوه که کلی کردێه گەوراتره.

یوحەنا 14:15

«ئەگەر دوسم بیاشتوین، حوکمەگانم پارێزنێن.

یوحەنا 14:3

ئمجا که چیم و شونێگ ئەڕادان گورجەو کردم، وەدواره تیەمەو بەمەدانه ئەڕا لاێ خوەم، تا ئەو شونه که مه هەم ئیوەیش بوین.

یوحەنا 15:20

کەڵامی که وەپێدان وەتم بارینه هویردان: ”خزمەتکار له ئەرواو خوەێ گەوراتر نیه.“ ئەگەر مه عەزاو دانه، ئیوەیش عەزاو دەن؛ ئەگەر کەڵام مه پارێزانن، کەڵام ئیوەیش پارێزنن.

یوحەنا 17:24

باوگه، توام ئەوانه که دایدەسه پێم له هەر کوره بوم وەگەردمەو بون، تا جەڵاڵ مه بوینن، هەر ئەو جەڵاڵێگ که دایدەسه پێم؛ چوینکه وەرجه دامەزرانن جهان دوسم داشتی.

یوحەنا 21:22

عیسا وەپێ وەت: «ئەگەر خاست مه ئیەسه تا وەختێ بامەو ئەوه بمینێ، وه تو چه؟ تو وەشونمەو بەو!»

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

رومیەگان 14:18

هەر کەس ویجوره خزمەت مەسیح بکێ، خودا قەبوڵێ کێ و مەردمیش مورێ کەن.

دویم قورنتییل 4:5

چوینکه ئیمه بانگەوازی خوەمان نیەکیم، بەڵکەم بانگەوازی عیسا مەسیح کەیمن که خوداوەنده، له خوەمان تەنیا وەبونەێ عیسا، ئەویش تەنیا وه پێ خزمەتکاردان قسیه کەیمن.

دویم قورنتییل 5:8

ئەرێ، ئازایمن و ئیجوره خاس زانیم، که له ئی جەسه دویرەو بکەفیمن و لەلاێ خوداوەند نیشتەجێ بویمن.

نامه وە غەلاتییل 1:10

ئێ ئێرنگه هامه شون ئیه که ئایەمیل مورم بکەن یا خودا؟ یا مه تەقالا کەم ئایەمیل خوەشنودەو بکەم؟ ئەگەر هێمراێ وه شون خوەشنود کردن ئایەمیلەو بویام، خوڵام مەسیح نویام.

نامەێ فیلیپییل 1:23

له ناو ئی دوانه سەخت هامه کیشکاشا: ئاوەختی دێرم له ئی دنیا بچم و وەگەرد مەسیح بوم، چوینکه ئیه فره خاستره؛

نامه وه کولوسییل 3:24

چوینکه زانين که له خوداوەند ئەڕا دەسخوەشانەدان، میراتی گرین. ئیوه خوداوەند مەسیح خزمەت کین.

نامه وه کولوسییل 4:12

ئەپافراس که یەکی له خوەدانەو و خزمەتکار مەسیح عیساس، سڵامدان رەسنێد. ئەوه هەمویشه وەناو دوعایلی ئەڕادان تەقالا کەی تا ئیوه جور ئایەمیلێ که بازڵەن و وه تەمامی خاترجەمن، بەردەوام بمینێن و خاست خودا وه تەمامی وەجێ بارین.

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

یەکم یوحەنا 5:3

چوینکه دوس داشتن خودا ئیەسه که حوکمیلێ وه جێ باریم، حوکمیل ئەیو بار قورسیگ نیه.

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

وەحی وه یوحەنا 14:4

ئیانه هەر ئەو کەسیلنه که خوێان وەگەرد ژنيل ناپاکەو نەکردنه، چوینکه ئی پیاێله ئازەون. وەرک ئەڕا هەر شونێگ بچود، ئیانه هانه شونیەو. ئیانه ڕزگاریان له بین ئایەمیزاێ سەنریاس، هەر جور نەوبەر ئەڕا خودا و ئەڕا وەرکەگه.