یوحەنا 12:17 - کتاب مقدس به زبان کردی جنوبی - گویش کلهوری

¹⁷ ئەو جەماێەتیشه که وەختێگ عیسا، ئیلعازەر وەناو مەقبەرەگه چڕێ و وەناو مردگیل زنیەو کرد وەگەردیەو بین، هەر وەئیجوره وه ئی هەڵکەفته شاێەتی دیان.

یوحەنا 12:17 ပူးပေါင်းရင်းမြစ်များ

یوحەنا 1:19

ئیەسه شاێەتی یەحیا وەختێ که ‎گەورایل جویلەکەیل له شار ئورشەلیم، کاهنیل که زانایل مابەد و لاوییل که خزمەتکاریل مابەد بین، کل کردنه ئەڕا لاێ یەحیا تا له لێ بپرسن «تو کید؟»

یوحەنا 1:32

جا یەحیا شاێەتی دا، وەت: «روح خودا دیم که جور کەموتەرێگ له ئاسمانەو هاته خوار و له بانیەو مەن.

یوحەنا 1:34

مه ئیه دیمه و شاێەتی دەم که ئیەسه کوڕ خودا.»

یوحەنا 11:31

جویلەکەیلی که وەگەرد مریەم له ماڵ بین و سەرسڵامەتی دیانه پێ، وەختێ دین که مریەم زویزی هەڵساد و چیه دەیشت، وەشونیەو چین. گومان کردیان چود ئەڕا لاێ مەقبەرەگه تا له ئەوره گیره بکێ.

یوحەنا 11:42

زانستیام که هەمویشه مه شنەفێ. وەلێ ئیه وەبونەێ مەردمیگ وەتم که وه ئێرا وسانه، تا ئیمان بارن که تو کلم کردی.»

یوحەنا 12:9

وەختێ جەماێەت فرەێگ له جویلەکەیل زانستن عیسا ها ئەوره، هاتن تا نه تەنیا عیسا، بەڵکەم ئیلعازەریش که زنیەو کردوی، بوینن.

یوحەنا 19:35

ئەوه که ئیه دی، شاێەتی دەێ تا ئیوەیش ئیمان بارین. شاێەتیەگەیشێ ڕاسه و زانێ که ڕاسەگەی ئویشێ.

یوحەنا 21:24

ئیه هەر ئەو شاگردەسه که وه ئی چشتیله شاێەتی دەێ و ئیانه نویساس. ئیمه زانیمن که شاێەتیەگەێ ڕاسه.

کاریل ڕەسولەیل 1:22

له وەخت تەعمید یەحیا تا ڕوژیگ که عیسا له لامان بەرزەو کریا، یەکی له ئەو پیاێله باێه وەگەردمانا بوده شاێەت زنیەو بین عیسا.»

کاریل ڕەسولەیل 5:32

جا ئیمه شاێەتیل ئی چشتیلیمنه، هەر ئەوجورەکە روح‌القودوسیش هەس که خودا کردێەسەێ خەڵاتی ئەوانه که گوشە لێ تەکنن.»

وەحی وه یوحەنا 1:2

یوحەنا وه هەر چێ دی، یانێ وه کەڵام خودا و شاێەتی عیسا مەسیح، شاێەتی دا.