یوحەنا 12:16 - کتاب مقدس به زبان کردی جنوبی - گویش کلهوری

¹⁶ له سەرەتاوه شاگردیلێ ئی چشتیله حالی نوین، وەلێ وەختێ عیسا جەڵاڵ پەێا کرد، کەفته هویرێان که ئیانه له باوەت ئەیو نویسریاوی و ئەوانیش ئیجوره وەگەردیەو کردوین.

یوحەنا 12:16 ပူးပေါင်းရင်းမြစ်များ

مەرقوس 16:19

خوداوەند عیسا وەشون ئیه که ئی قسیەیله وەپێان وەت، بڕیاده ئاسمان بەرز و نیشته دەس ڕاس خودا.

مەرقوس 9:32

وەلێ شاگردەگان مەبەست عیسا حالی نوین و زاورێان چی له لێ بپرسن.

لوقا 18:34

وەلێ شاگردیل هویچکام وه ئیانه دەرک نەکردن. ماناێ قسیەێ ئەیو وه لێان شاریایەو و حالیان نوی له باوەت چه قسیه کەێ.

لوقا 24:25

ئمجا وەپێان وەت: «ئێ نەفامیل که دڵ دێرفام ئەڕا باوەڕ کردن قسیەیل پەێخەمەریل دێرین!

لوقا 24:45

ئمجا، زەینێان ڕوشنەو کرد تا بتویەنن کتاو موقەدەس دەرک بکەن.

لوقا 9:45

وەلێ نەفامین عیسا چه ئویشێ؛ بەڵکەم له لێان شاریایەو تا دەرکێ نەکەن؛ جا زاورێان چیاد له ئی باوەته چشتێ له لێ بپرسن.

یوحەنا 12:23

عیسا وەپێان وەت: «وەخت جەڵاڵ پەێا کردن کوڕ ئنسان ڕەسیه.

یوحەنا 14:26

وەلێ ئەو پشتیوانه، یانێ روح‌القودوس، که باوگ وه ناو منەو کلی کەی، گشت چشتێگ یاێدان دی و هەر چی که وەپێدان وەتمه، وه هویردان تیەرێ.

یوحەنا 16:4

وەلێ ئیانه وەپێدان وەتمه تا ئەوسا که وەخت هەڵکەفتنێان رەسێ، بارینه هویردان که مه ئاگاداردان کردم. مه له سەرەتاوه ئی چشتیله وەپێدان نەوەتم، چوینکه خوەم وەگەرددانەو بیم.

یوحەنا 17:5

ئێرنگەیش باوگه، مه له لاێ خوەد جەڵاڵ بیه، هەر ئەو جەڵاڵه که وەرجه وه دی هاتن جهان له لاێ تو داشتم.

یوحەنا 2:22

جا وەختێ عیسا وەناو مردگیل زنیەو بی، شاگردیلی کەفته هویرێان که ئی قسیه وەتوی و وه نویسریای موقەدەس و قسیەێگ که عیسا وەتوی ئیمان هاوردن.

یوحەنا 7:39

عیسا ئی قسیه له باوەت روح خودا وەت، که ئەوانه که ئیمان وەپێ تیەرن، گرنەێ وەر؛ چوینکه هێمراێ روح خودا نێریاوی، ئەڕا ئیه که عیسا هێمراێ جەڵاڵ پەێا نەکردوی.

کاریل ڕەسولەیل 2:33

ئێرنگه که عیسا وه دەس ڕاس خودا بەرزەو کریاس، وادەێ روح‌القودوس له باوگ گرد و ڕشان، ئیەسه که ئیوه دوینین و شنەفین.

کاریل ڕەسولەیل 2:36

«جا گشت قەوم ئێسرائیل، وه دڵنیاییەو بزانن که خودا ئی عیسا که ئیوه کیشاینێ سەلیب، کردێەسەێ خوداوەند و مەسیح.»

کاریل ڕەسولەیل 3:13

خوداێ ئێبراهیم و خوداێ ئەسحاق و خوداێ یاقوب، خوداێ باپیریلمان، خزمەتکار خوەێ، عیسا جەڵاڵ دا، هەر ئەوه که ئیوه داینەێ دەس و لەلاێ پیلاتوس حاشاێ کردین، هەر چەن ئەوه تواسیا ڕزگاری بکێ.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 8:1

ئێرنگه گیان کەڵام وەناو ئەو چشته که ئویشیم، ئیەسه که ئیمه ئیجور کاهن گەوراێگ دێریم که وه لاێ ڕاس تەخت خوداێ گەورا وەناو ئاسمان دانيشتێه و