یوحەنا 11:40 - کتاب مقدس به زبان کردی جنوبی - گویش کلهوری

⁴⁰ عیسا وەپێ وەت: «مەر وەپێد نەوەتم ئەگەر ئیمان بارێ، جەڵاڵ خودا دوینی؟»

یوحەنا 11:40 ပူးပေါင်းရင်းမြစ်များ

ئنجیل مەتا 17:20

عیسا وەپێان وەت: «وەبونەێ ئیمان کەمدانه. چوینکه وه ڕاسی وەپێدان ئویشم، ئەگەر ئیمانێگ وه بویچگی دەنگ خەردەلێگ بیاشتوین، وه ئی کویه ئویشین ”وه ئێرا بچو ئەڕا ئەوره“ چود و هویچ چشتێگ ئەڕادان مەحاڵ نیه.

مەرقوس 9:23

عیسا وەت: «ئەگەر تویەنی؟ ئەڕا کەسێ که ئیمان دێرێ گشت چشتێگ بود.»

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 11:4

وەلێ وەختێ عیسا ئی خەوەره شنەفت، وەت: «ئی نەخوەشیه ‏نیەوده بایس مردن، بەڵکەم ئەڕا جەڵاڵ خوداس، تا کوڕ خودا وه وەسلەێ ئەوه جەڵاڵ پەێا بکێ.»

یوحەنا 12:41

ئەشعەیا وه ئی بونه ئی چشتیله وەت چوینکه جەڵاڵ عیسا دی و له باوەتێەو قسیه کرد.

یوحەنا 9:3

عیسا جواو دا: «نه وەبونەێ گوناێ خوێه و نه گوناێ داڵگ و باوگێ؛ بەڵکەم ئیجوره بی تا کارەگان خودا وەناو ئەوه ئاشکرا بود.

رومیەگان 6:4

جا وەگەرد تەعمید گردن وەناو مەرگ، وەگەردیەو نریایمنه مەقبەره تا هەر ئەوجورە که مەسیح وه وەسلەێ جەڵاڵ باوگ ئاسمانی، له مردگیل زنیەو بی، ئیمەیش وەناو ژیان نوێگ گام هەڵبگریم.

دویم قورنتییل 3:18

گشتمان‎ وەگەرد دەمچەویل بی ڕویبەن، هەر جور نوڕین وەناو جامەک نوڕێیمنه جەڵاڵ خوداوەند. جور وێنەێ که وەناو جامەک دوینیم له یە جەڵاڵ وه جەڵاڵ گەوراتر گویڕێیم. چوینکه ئیه له لاێ خوداوەند سەرچاوه گری هەر ئەو خوداوەند که روحه.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.