یوحەنا 11:38 - کتاب مقدس به زبان کردی جنوبی - گویش کلهوری

³⁸ ئمجا عیسا، وەدواره خەمبارەو بی و هاته ئەڕا مەقبەره. مەقبەرەگەیش ئشکەفتێ بی که کوچگ گەوراێگ ناوینه نوای دەمی.

یوحەنا 11:38 ပူးပေါင်းရင်းမြစ်များ

یوحەنا 11:33

وەختێ عیسا دی مریەم و جویلەکەیلی که وەگەردێ هاتوین و گیره کردیان، وه روح خویەو خەمبار و پەشێو بی.

ئنجیل مەتا 27:60

نادێ ناو مەقبەرەێ تازەێگ که ئەڕا خوەێ وەناو تاش کەمەر تاشوی، کوچگ گەوراێگیش پل دا دەم مەقبەرەگه و چی.

یوحەنا 20:1

وه یەکمین ڕوژ هەفته، شەوەکی شەفەق، وەختێ هەوا هێمراێ تیەریک بی، مریەم مەجدەلیه هاته ئەڕا مەقبەرەگه و دی کوچگ ‎گەورایگ که ناوینه نوای دەمی، پل دریاس.

لوقا 24:2

ئەوانه دین کوچگ نوای مەقبەرەگه پل دریاسه لاوه.

مەرقوس 15:46

یوسفیش پارچەێ له کەتان سەند و جنازەگەێ له سەلیب هاورده خوار، پێچانێ ناو کەتان و نادێ ناو مەقبەرەیگ که وەناو تاش کەمەر تاشیاوی. ئمجا کوچگی پل دا دەم دەر مەقبەرەگه.

مەرقوس 8:12

وەلێ عیسا هەناسێگ له ناخ دڵەو هەڵکیشا و وەت: «ئەڕا ئی نەتەوه داواکەر نیشانەیگه؟ وه ڕاسی، وەپێدان ئویشم، هویچ نیشانەێگ وەپێان نێرێید.»

ئنجیل مەتا 27:66

ئەوانیش چین و کوچگ مەقبەرەگه مور و مومێ کردن و نگابانیلی وه ئەوره دانان تا چەویانه مەقبەرەگه بود.