یوحەنا 11:25 - کتاب مقدس به زبان کردی جنوبی - گویش کلهوری

²⁵ عیسا وەپێ وەت: «قیامەت و زنەیی منم. هەر کەس وه من ئیمان بارێ، تەنانەت ئەگەر بمریدیش، زنیەو بود.

یوحەنا 11:25 ပူးပေါင်းရင်းမြစ်များ

لوقا 23:43

عیسا وەپێ وەت: «وه ڕاسی، وەپێد ئویشم، هەر ئیمڕو وەناو بەهیشت هایده گەردمەو.»

یوحەنا 1:4

وەناو ئەیو ژیان بی و ئەو ژیانه نویر ئایەمیل بی.

یوحەنا 14:19

کەمێگ تر جهان دیتر مه نیوینێ، وەلێ ئیوه دوینینەم. چوینکه مه زنیم، ئیوەیش زنەیی کین.

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

یوحەنا 3:16

«چوینکه خودا جهان ئەوقره مابەت کرد که تەنیا کوڕەگەێ خوەێ دا تا هەر کەس وەپێ ئیمان بارێ نابود نود، بەڵکەم زنەیی ئەبەدی بیاشتوێد.

یوحەنا 3:36

هەر کەس وه کوڕ ئیمان بارێ، زنەیی ئەبەدی دێرێ؛ هەر کەس له کوڕ گوش نەتەکنێ، چەوێ نیەکەفێدە زنەیی، بەڵکەم توڕەیی خودا له سەرێەو مێنێد.»

یوحەنا 5:21

چوینکه هەر ئەوجورە که باوگ مردگیل زنیەو کەید و زنەیی وەپێان بەخشی، کوڕیش وه هەر کەسێگ که خوەێ بتواێ، زنەیی بەخشی.

یوحەنا 5:26

چوینکه هەر ئەوجورە که باوگ وەناو خوەێ زنەیی دێرێ، وه کوڕیش بەخشیه تا کوڕیش وەناو خوەێ زنەیی بیاشتود،

یوحەنا 6:35

عیسا وەپێان وەت: «منم نان زنەیی دەر. هەر کەس باێه ئەڕا لام، ورسی نیود، هەر کەیش ئیمان بارێه پێم هەراێهەر تیەنی نیود.

یوحەنا 6:44

هویچکەس نیەتویەنی باێه ئەڕا لام، مەر ئیه که باوگێ که کلم کرد، ئەوه بارێده ئەڕا لاێ مه، منیش وه ڕوژ ئاخر زنیەو کەم.

کاریل ڕەسولەیل 3:15

ئیوه سەرچاوەی ژیان که خودا وەناو مردگیل زنیەو کرد، کوشتین. ئیمه شاێەت ئی هەڵکەفتیمنه.

رومیەگان 4:17

ئەوجورە که وەناو تەورات نویسریاس: «مه تو کردمەسه باوگ ملەتیل فرەێگ.» له وەر چەو خودایش ئیجورەسه، خوداێ که ئێبراهیم وەپێ ئیمان هاورد، خوداێ که مردگیل زنیەو کەێ و چشتیلی که نیەن، تیەرێده دی.

رومیەگان 8:2

چوینکه وەناو مەسیح عیسا، شەریعەت روح زنەیی له یاساێ گونا و مەرگ ڕزگاردان کردێه؛

یەکم قورنتییل 15:18

بەڵکەم ئەو ئیمانداریل وه مەسیحه که مردنه، له دەس چینه.

یەکم قورنتییل 15:29

ئەگەر مردگیل زنیەو نیەون، ئەڕا چه بڕێگ وه جیاێ مردگیل خوسڵ تەعمید گرن؟ ئەگەر مردگیل زنیەو نیەون، ئێ ئەڕا وه جێ ئەوانه تەعمید گرن؟

دویم قورنتییل 4:14

چوینکه زانیمن ئەیو که عیسا خوداوەند له مردگیل زنیەو کرد، ئیمەیش وەگەرد عیسا زنیەو کێد و وەگەرددان تیەرێده لاێ خوەێ.

نامەێ فیلیپییل 1:23

له ناو ئی دوانه سەخت هامه کیشکاشا: ئاوەختی دێرم له ئی دنیا بچم و وەگەرد مەسیح بوم، چوینکه ئیه فره خاستره؛

نامەێ فیلیپییل 3:10

تا مەسیح و هێز زنیەو بوینی بناسم و وەناو رەنجیل ئەیو بەشدار بوم و وەناو مردنێ هاوشیوەێ بوم،

یەکم تسالونیکییل 4:14

چوینکه ئەگەر ئیمان دێریم که عیسا مرد و وەدواره زنیەو بی، جا هەر وه ئیجوره، خودا ئەو ئیمانداریلێگ که مردنه، له ڕێ عیسا تیەرێدەو.

وەحی وه یوحەنا 1:18

منم ئەوه که زنیه. مردم، بنوڕ تا ئەبەد زنیم و کلیلەیل مەرگ و جهان مردگیل ها دەس منەو.

وەحی وه یوحەنا 20:5

ئەو باقی مردگیل زنیەو نوین تا وەختێ که ئەو هەزار ساڵه باێده سەر. ئیه یەکمین زنیەوبوین له مردگیله.

وەحی وه یوحەنا 21:4

ئەیو هەر ئەسرێگ له چەویلیان پاکەو کەێد. دیتر مەرگ نیه؛ و دیتر ئازیەتی و گیره و ژان هەر نیه، چوینکه چشتیل جاران گوزەریاس.»

وەحی وه یوحەنا 22:1

ئەو وەخته فریشتەگه چەم ئاو ژیان نیشانم دا که هەر جور بلور بریقەێ هاتیاد و له تەخت خودا و تەخت وەرکەگه کەفتویه ڕێ و

وەحی وه یوحەنا 22:17

روح خودا وەگەرد وەوی ئویشین: «بەو!» بیل تا هەر کەسێگ که شنەفێد بویشێد: «بەو!» بیل تا هەر کەسێگ تیەنیه باێد؛ بیل تا هەر کەسێگ ئاوەختی دێرێ، له ئاو ژیان وه پەتی بسێنێد.