یوحەنا 10:28 - کتاب مقدس به زبان کردی جنوبی - گویش کلهوری

²⁸ منیش زنەیی ئەبەدی دەمه پێان و هەراێهەر نابود نیەون. هویچکەیش له دەسم نیەقاپێدێان.

یوحەنا 10:28 ပူးပေါင်းရင်းမြစ်များ

مەرقوس 13:22

چوینکه مەسیحیل دروەکانی و پەێخەمەریل دروەکانی ئاشکرا بون و نیشانەیل و موجزەیل تیەرن تا ئەگەر بکرێ، هەڵوژاردەگان گومڕا بکەن.

لوقا 23:46

ئمجا عیسا وه دەنگ بەرز هاوار کرد: «باوگه، روحم سپارمه دەسیل تو.» ئیه وەت و هەناس ئاخرێ هەڵکیشا.

یوحەنا 10:29

باوگ من که ئەوانه داسه پێم له گشت گەوراتره، هویچکەیش نیەتویەنی ئەوانه له دەس باوگ بقاپنێدێان.

یوحەنا 11:25

عیسا وەپێ وەت: «قیامەت و زنەیی منم. هەر کەس وه من ئیمان بارێ، تەنانەت ئەگەر بمریدیش، زنیەو بود.

یوحەنا 14:19

کەمێگ تر جهان دیتر مه نیوینێ، وەلێ ئیوه دوینینەم. چوینکه مه زنیم، ئیوەیش زنەیی کین.

یوحەنا 17:2

چوینکه تو دەسڵات گشت ئنسانیل سپاردێەسه دەسێ تا وه گشت کەسیلێ که تو وەپێ بەخشایده زنەیی ئەبەدی بێی.

یوحەنا 18:9

ئیه وەت تا ئەو چشته که وەرجەوه وەتوی باێه دی که: «هویچکام له کەسیلێگ که دایدەسه پێم، له دەس نێامه.»

یوحەنا 3:36

هەر کەس وه کوڕ ئیمان بارێ، زنەیی ئەبەدی دێرێ؛ هەر کەس له کوڕ گوش نەتەکنێ، چەوێ نیەکەفێدە زنەیی، بەڵکەم توڕەیی خودا له سەرێەو مێنێد.»

یوحەنا 4:14

وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

یوحەنا 6:37

گشت کەسیلێگ که باوگ ئاسمانی دەێده پێم، تێدە ئەڕا لام؛ هەر کەسێگیش باێده ئەڕا لام، هەراێهەر نیەکەفمه ڵی.

یوحەنا 6:47

وه ڕاسی، وه ڕاسی، وەپێدان ئویشم، هەر کەس ئیمان بارێ، زنەیی ئەبەدی دێرێ.

یوحەنا 6:68

شەمعون پتروس جواو دا: «گەورەم، بچیمنه ئەڕا لاێ کی؟ قسیەیل زنەیی ئەبەدی ها لاێ تو.

کاریل ڕەسولەیل 7:59

وەختێ ئستیفان گردنه کوچگ، وه دەنگ بەرز کردەێ هاوار و دوعا کرد، وەت: «ئێ عیسا خوداوەند، روحم قەبوڵ بکه!»

رومیەگان 5:17

چوینکه ئەگەر وەبونەێ خەتای یەێ ئنسان، مەرگ له ڕێ ئەو ئنسانه حوکمرانی کرد، چەنێ فرەتر ئەوانه که فیز بێ حساو خودا و خەڵاتی سالح بوین گردنەسه وەر، له ڕێ ئەو ئنسانێگ تر، یانێ عیسا مەسیح، وەناو زنەیی حوکمرانی کەن.

رومیەگان 5:2

ئیمه له ڕێ ئەیو، وه وەسلەێ ئیمان، ئی فیزیشه که وەناوێ بەردەوامیم، وه دەس هاوردیمنه و وەناو ئمید جەڵاڵ خودا شادی کيمن.

رومیەگان 5:21

تا هەر ئەوجورە که گونا وەناو مەرگ حوکمرانی کرد، فیزیش له ڕێ سالح بوین حوکمرانی بکێد و له ڕێ خوداوەندمان عیسا مەسیح، وەرەو ژیان ئەبەدی بوێد.

رومیەگان 5:9

جا ئێرنگه که وەگەرد خوین ئەیو سالحان وه حساو هاتیمنه، چەنێ فرەتر له ڕێ ئەیو له خەزەو خودا نجات پەێا کەیمن.

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

رومیەگان 8:1

جا ئێرنگه ئەڕا ئەوانه که هانه ناو مەسیح عیسا هویچ ماکومیەتێگ نیه،

رومیەگان 8:29

چوینکه خودا ئەوانه که وەرجەوە ناسی، هەر ئیجوره ئەوانه وەرجەوە دیاری کرد تا وێنەێ کوڕەگەێ خوەێ دەر بان، تا کوڕەگەێ بوده یەکم زگ وەناو برایل فرەێگ.

نامەێ فیلیپییل 1:6

وه ئیه دڵنیام ئەیو که کار خاسێگ وەناودان خسته ڕێ، ئەوه تا وه ڕوژ هاتنەوەێ عیسا مەسیح وه کەماڵ رەسنێد.

دویم تسالونیکییل 2:13

وەلێ ئێ برایل که عەزیز خوداوەندین، ئیمه باێه هەمویشه وەخاتر ئیوه سپاس خودا بکێم، چوینکه خودا ئیوه جور نەوبەر هەڵوژارد تا وه وەسلەێ کار تەقدیسکە‎‏ر روح خودا و ئیمان وه ڕاسی، نجات پەێا بکێن.

یەکم نامەێ تیموتاوس 1:16

وه ئی بونه، بەزەیی وەپێم کریا تا مەسیح عیسا سەور بێ پاێان خوەێ ئەڕا مه که گەوراترین گوناکاریل بیم، نیشان بێید، تا نمونەێگ بوم ئەڕا گشت ئەوانه که له ئیەولا وه ئەیو ئیمان هاوردنه و زنەیی ئەبەدی پەێا کەن.

دویم تیموتاوس 1:12

وه بونەێ ئیەسه که ئیجوره رەنج کیشم، وەلێ شەرمزار نیم، ئەڕا ئیه که زانم وه چ کەسێگ ئیمان هاوردمه و دڵنیام که ئەیو تویەناس ئەمانەتەگەم تا وەئەو ڕوژه بپارێزنێد.

عبرانییل 7:25

جا عیسا تویەناس تا ئەوانه که له ڕێ ئەیو نزیک خودا بون، تا ئەبەد نجات بێی، ئەڕا ئیه که هەمویشه زنیه تا ئەڕاێان ناوجێ بکێ.

یەکم پتروس 1:5

ئەڕا ئیوه که وه هێز خودا و له ڕێ ئیمان، پارێزیاینه ئەڕا نجاتیگ که گورجەو کریاس تا له زەمان ئاخر ئاشکراوه بود؛

یەکم یوحەنا 1:2

ژیان دیار دا، ئیمه دیمنەسێ و شاێەتی ئەڕاێ دیم. ئیمه ژیان ئەبەدی ئەڕادان جار دیمن هەر ئەو ژیان ئەبەدیه که وەگەرد باوگ ئاسمانی بی و ئەڕا ئیمه ئاشکرا بی.

یەکم یوحەنا 2:19

ئەوانه له ناومان چین، وەلێ له ئیمه نوین. چوینکه ئەگەر له ئیمه بویان، وەگەردمان مەنیان. وەلێ چین تا مالوم بود که هویچکامێان له ئیمه نوین.

یەکم یوحەنا 2:25

ئیەسه وادەێ که ئەیو دا پێمان، یانێ زنەیی ئەبەدی.

یەکم یوحەنا 5:11

ئەو شاێەتێیشه ئیەسه که خودا ژیان ئەبەدی دا پێمان و ئی ژیانه هاناو کوڕەگەێ.

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

یەهودا 1:21

خوەدان وەناو مابەت خودا بپارێزنن، وه ئەو حاڵەو که چەوەڕێ بەزەیی خوداوەند ئیمه عیسا مەسیحین تا ئیوه وەرەو زنەیی ئەبەدی بوێد.

یەهودا 1:24

وه ئەیو که تویەناس ئیوه له کەفتن بپارێزنێ و وه لاێ پڕ جەڵاڵ خوەێ بی نەخس و نیقەڵتوز له خوەشی فره گەوراێگ گورجەو بکێد،