یوحەنا 1:39 - کتاب مقدس به زبان کردی جنوبی - گویش کلهوری

³⁹ عیسا جواویان دا: «بان، دوینین.» جا چین و دین که له کوره مینێدن و ئەو ڕوژه مەننه لاێ. چوینکه ئەو وەخته نزیک سات چوار نیمەڕو بی.

یوحەنا 1:39 ပူးပေါင်းရင်းမြစ်များ

لوقا 24:29

وەلێ ئەوان کوتران فرەێگ کردن و وه عیسا وەتن: «وەگەردمان بمین، چوینکه دێرێ بوه خوەرئاوا و شەو نزیکەو بیه.» جا چیه ئەڕا ماڵ وەگەردێان مەن.

یوحەنا 1:38

عیسا هەڵوگەردێ و ئەوانه دی که وەشونێەو تیەن. وەپێان وەت: «هاینه شون چه؟» وەتن: «رەبی له کوره مێنید؟» رەبی یانێ ماموستا.

یوحەنا 1:40

یەکی له ئەو دو نەفەره که قسیەێ یەحیا شنەفت و کەفته شون عیسا، ئاندریاس، براێ شەمعون پتروس بی.

یوحەنا 1:46

نەتەنائیل وەپێ وەت: «مەگەر له شار ناسرەیش چشت خاسێگ کەفێده دەیشت؟» فیلیپوس جواو دا: «بەو بنوڕ.»

یوحەنا 4:40

جا وەختێ سامریەگان هاتنه ئەڕا لاێ عیسا، له لێ تواسن له لاێان بمینێ. جا عیسا دو ڕوژ وه ئەوره مەن.

یوحەنا 6:37

گشت کەسیلێگ که باوگ ئاسمانی دەێده پێم، تێدە ئەڕا لام؛ هەر کەسێگیش باێده ئەڕا لام، هەراێهەر نیەکەفمه ڵی.

وەحی وه یوحەنا 3:20

بنوڕ، له دەم دەرەگه وسامه و دەر کوتم. کەسێگ ئەگەر دەنگ مه بشنەفێد و دەرەگه واز بکێد، تیەمه ناو ئەڕا لاێ و وەگەردیەو هاوسفره بوم و ئەویش وەگەرد منەو.