یوحەنا 1:34 - کتاب مقدس به زبان کردی جنوبی - گویش کلهوری

³⁴ مه ئیه دیمه و شاێەتی دەم که ئیەسه کوڕ خودا.»

یوحەنا 1:34 ပူးပေါင်းရင်းမြစ်များ

ئنجیل مەتا 11:27

باوگم گشت چشتێگ وه مه سپاردیه. هویچکەس کوڕ نیەناسێ بێجگه باوگ، هویچکەیش باوگ نیەناسێ بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.

ئنجیل مەتا 16:16

شەمعون پتروس جواو دا: «تو مەسیح وادەدریاید، کوڕ خوداێ زنی!»

ئنجیل مەتا 17:5

هێمراێ پتروس داشت قسیه کردیا که لەناکاوا هەوریگ درەوشیاێ ساێەڕ خسته ملێان و دەنگێگ وەناو هەورگەوه هات که: «ئیەسه کوڕه عەزیزەگەم که له لێ فره خوەشنودم، گوش بێەنه لێ.»

ئنجیل مەتا 26:63

وەلێ عیسا هەر بێدەنگ مەن. کاهن گەورا وەپێ وەت: «قەسەمد دەم وه خوداێ زنی ئەگەر تو مەسیح، کوڕ خوداێ، وەپێمان بویش؟»

ئنجیل مەتا 27:40

وەتیان: «تو که تواسیاێ مابەد بڕمنێ و وەناو سێ ڕوژ وه دواره درسی بکی، خوەد نجات بیه! ئەگەر کوڕ خودای، له سەلیب بەوه خوار.»

ئنجیل مەتا 27:43

پشت بەساسه خودا، ئەگەر خودا توایدێ ئێرنگه ڕزگاری بکێ، چوینکه وەت: ”مه کوڕ خودام.“»

ئنجیل مەتا 27:54

وەختێ فەرماندەێ سەربازەگان و ئایەمەگانێ که نگابانی عیسا دیان، زەویه لەرزه و ئەو چشتیله که هەڵکەفت دین، فره رخێان چی، وەتن: «وه ڕاسی ئیه کوڕ خودا بی.»

ئنجیل مەتا 3:17

ئمجا دەنگێگ وه ئاسمان هات که: «ئیه کوڕه عەزیزەگەمه که فره له لێ خوەشنودم.»

ئنجیل مەتا 4:3

ئمجا ئەزمونکەر هات و وەته پێ: «ئەگەر توی کوڕ خودای، وه ئی کوچگیله فەرمان بێه تا بونه نان!»

ئنجیل مەتا 4:6

وەپێ وەت: «ئەگەر کوڕ خودای، خوەد بخه خوار، چوینکه له ناو کتاو زەبور نویسریاس: «”له باوەت توی وه فریشتەگانێ فەرمان دەێد، ئەوانه تو وه سەر دەسیل خوێان بەن، نەخواێ پاد بیده قێ کوچگیگەو.“»

ئنجیل مەتا 8:29

ئەوانه کردنێ هاوار: «ئێ کوڕ خودا، تو چ کارێ وه ئیمه دێرێ؟ هاتێەسه ئێره تا وەرجه وەختەگەێ عەزاومان بێی؟»

مەرقوس 1:1

شرو ئینجیل عیسا مەسیح کوڕ خودا.

مەرقوس 1:11

دەنگیگیش وه ئاسمان هات که: «توێ کوڕه عەزیزەگەێ منی، فره لەلێد خوەشنودم.»

لوقا 1:35

فریشته جواو دا: «روح‌القودوس تێیده سەرد و هێز خوداێ هەربەرز بوده ساێەڕ بان سەرد. وه ئی بونه، ئەو مناڵه که تێیده دنیا، موقەدەس و کوڕ خوداوەند وەپێ ئویشن.

لوقا 3:22

روح‌القودوس جور کەموتەرێگ وه لێ ئارەسه بی، دەنگیگیش له ئاسمانەو هات و وەت «تو کوڕه عەزیزەگەێ منی، فره لەلێد خوەشنودم.»

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

یوحەنا 1:49

نەتەنائیل جواوی دا: «ماموستا، تو کوڕ خودای! تو پادشاێ ئێسرائیلی!»

یوحەنا 10:30

من و باوگ یەکیگیم.»

یوحەنا 10:36

جا چوینه مه که باوگ ئاسمانی تەقدیسم کرد و کل کرده ئی جهانه، ئویشین ”کفر کەی،“ وەبونەێ ئیه که وەتم مه ”کوڕ خودام“؟

یوحەنا 11:27

مارتا وه عیسا وەت: «بەڵێ، گەورەم، من ئیمان دێرم که تو مەسیح واده دریاێ، کوڕ خودای، هەر ئەوه که باێه وه ئی جهانه باێ.»

یوحەنا 19:7

جویلەکەیل وه جواوی وەتن: «ئیمه شەریعەتێگ دێریم، وه پێ ئەو شەریعەته ئەوه باێه بمرێ، چوینکه خوەێ کردێەسه کوڕ خودا.»

یوحەنا 20:28

توما وەپێ وەت: «خوداوەند من و خوداێ مه!»

یوحەنا 20:31

وەلێ ئیانه نویسریاس تا ئیمان بارین که عیسا هەر ئەو مەسیح واده دریایه، کوڕ خودا، تا که وه ئی ئیمانه، وه ناو ئەیو زنەیی بیاشتون.

یوحەنا 6:69

ئیمه ئیمان هاوردیمنه و زانستیمنه که تو ئەو قودوس خودایده.»

رومیەگان 1:4

وەگەرد زنیەو بوینی له ناو مردگیل، وه پێ روح قودوسیەت، وەناو هێز، جار دریاد که کوڕ خوداس، یانێ خوداوەندمان عیسا مەسیح.

دویم قورنتییل 1:19

چوینکه کوڕ خودا، عیسا مەسیح، که من و سیلاس و تیموتاوس وەناودان وه ئەیو بانگەوازی کردیم، ’ئەرێ‘ و ’نه‘ نوی، بەڵکەم وەناو ئەیو هەر ’ئەرێه‘.

عبرانییل 7:3

ئی ملکیسدقه نه باوگ دێرێ و نه داڵگ و نه بنەچەک، ڕوژیل زنەیی نه سەرەتایی دێرێ و نه ئاخر، بەڵکەم وێنەێ کوڕ خوداس و تا ئەبەد کاهن مینێد.

یەکم یوحەنا 2:23

هەر کەسێگ کوڕ حاشا بکێ، باوگیش نێرێ و هەر کەسێگ وه کوڕ ئێقرار بکێ، باوگیش دێرێ.

یەکم یوحەنا 3:8

هەر کەسێگ وەناو گونا زنەیی بکێ له ئبلیسه، چوینکه ئبلیس هەر له سەرەتا گونا کردیاد و گونا کەی. کوڕ خودا وه ئی بونه ئاشکرا بی تا کاریل ئبلیس نابود بکێ.

یەکم یوحەنا 4:9

وه ئیجوره مابەت خودا وەناومان ئاشکرا بی که خودا تەنیا کوڕەگەێ خوەێ کل کرده جهان تا له ڕێ ئەیو زنەیی بکێمن.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

دویم یوحەنا 1:9

هەر کەسێگ له تالیم مەسیح پا بنێه ئەولاتر و وەناوێ نیشتەجێ نود، خودا نێری. ئەوه که وەناو ئەو تالیمه نیشتەجێه، هەم باوگ دێرێ و هەم کوڕ.

وەحی وه یوحەنا 2:18

«وه فریشتەێ کلیساێ شار تیاتیرا بنویس: «کوڕ خودا که چەویلی جور بلیزەێ ئاگره و پایلێ جور برنجەێگه که تاویاسەو، ئیجوره فەرمایش کەێد: