یوحەنا 1:14 - کتاب مقدس به زبان کردی جنوبی - گویش کلهوری

¹⁴ کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 1:14 ပူးပေါင်းရင်းမြစ်များ

ئنجیل مەتا 1:16

یاقوب باوگ یوسف شوی مریەم بی که عیساێ ناودار وه مەسیح هاورده دنیا.

لوقا 2:11

چوینکه ئیمڕو وەناو شار داود پادشا، نجات دەرێگ ئەڕادان هاته دنیا. ئەوه خوداوەند مەسیحه.

لوقا 2:7

ئەوه یەکم زگێ که کوڕێگ بی وه دنیا هاورد. مناڵەگەێ پێچاده ناو کوڵپیچگ و نادێ ناو ئاخوڕێگ و خەفانی، چوینکه وەناو مێوانخانه شونێگ ئەڕاێان پەێا نوی.

لوقا 9:32

پتروس و هاوڕێەگانێ فره خەو گردویێان، وەلێ وەختێ کامڵ هاتنه خەوەر و هوشیارەو بین، شکو و جەڵاڵ عیسا دین و ئەو دو پیا که له لاێەو وساوین.

یوحەنا 1:1

له سەرەتا کەلیمه بی و کەلیمه وەگەرد خودا بی و کەلیمه خودا بی؛

یوحەنا 11:40

عیسا وەپێ وەت: «مەر وەپێد نەوەتم ئەگەر ئیمان بارێ، جەڵاڵ خودا دوینی؟»

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

یوحەنا 14:9

عیسا وەپێ وەت: «فیلیپوس، قێر فرەێگه هامه گەرددانەو هێمراێ مه نەناسیده؟ کەسێگ که مه دیه، باوگ دیه؛ چوی تویەنێ بویشی ”باوگ وەپێمان نیشان بیه“؟

یوحەنا 17:22

جەڵاڵێگ که دایدەسه پێم، دامەسه پێان تا بونه یەکی، هەر ئەوجورە که ئیمه یەکیگیم؛

یوحەنا 17:24

باوگه، توام ئەوانه که دایدەسه پێم له هەر کوره بوم وەگەردمەو بون، تا جەڵاڵ مه بوینن، هەر ئەو جەڵاڵێگ که دایدەسه پێم؛ چوینکه وەرجه دامەزرانن جهان دوسم داشتی.

یوحەنا 18:37

ئمجا پیلاتوس له لێ پرسی: «ئێ خاسه جا تو پادشاێ؟» عیسا جواو دا: «تو ئویشێ مه پادشام. ئەڕا ئیه هاتمەسه دنیا و ئەڕا ئیه پا نامەسه ئی جهانه، تا ئەڕا ڕاسی شاێەتی بیەم. جا هەر کەس وه ڕاسی تالوق بیاشتود گوش گرێه دەنگم.»

یوحەنا 2:11

ئیه یەکمین نیشانه و موجزەێ عیسا بی، که ئی کاره له قاناێ جەلیلەو کرد و جەڵاڵ خوەێ ئاشکراوه کرد و شاگردەگانێ وەپێ ئیمان هاوردن.

یوحەنا 3:16

«چوینکه خودا جهان ئەوقره مابەت کرد که تەنیا کوڕەگەێ خوەێ دا تا هەر کەس وەپێ ئیمان بارێ نابود نود، بەڵکەم زنەیی ئەبەدی بیاشتوێد.

یوحەنا 3:18

هەر کەس وەپێ ئیمان بارێ ماکوم نیود، وەلێ هەر کەس وەپێ ئیمان نارێ، هەر ئێرنگەیش ماکومه، چوینکه وه ناو تەنیا کوڕ خودا ئیمان ناوردیه.

یوحەنا 6:51

منم ئەو نان زنەیی دەره، هەر ئەوه که له ئاسمانەو هاته خوار. ئەگەر کەسێ له ئی نانه بخوێ، تا ئەبەد زنی مینێ. نانی که من ئەڕا زنەیی جهان بەخشم، جەسەێ منه.»

یوحەنا 8:32

ڕاسی ناسین و ڕاسیش ڕزگاردان کەی.»

کاریل ڕەسولەیل 13:33

وەگەرد زنیەو کردن عیسا، ئەڕا ئیمه که مناڵیلێانیم وەفا کرد. هەر ئەوجورە که له بەش دویم زەبور نویسریاس: «تو کوڕ منی؛ ئیمڕو، من بیمەسه باوگد.»

رومیەگان 8:3

چوینکه خودا ئەو کاره وەجێ هاوردێه که شەریعەت وه بونەێ بی هازی جەسه نەتویەنست وه جێ بارێدەێ. خودا کوڕەگەێ خوەێ وه شێوەێ جەسەێ گوناکار و ئەڕا گونا کل کرد و وەناو جەسه، گونا ماکوم کرد،

رومیەگان 9:5

باپیریل هن ئەوانن و مەسیح وه پێ جەسه له نەتەوەێ ئەوانەسه، هەر ئەو مەسیحه که خوداێ بان سەر گشتیەکیگه و تا ئەبەد پڕ بمارکه. ئامین.

یەکم قورنتییل 15:47

ئنسان یەکم له خوڵ زەویه؛ ئنسان دویم له ئاسمانه.

دویم قورنتییل 12:9

وەلێ وەپێم وەت: «فیز من ئەڕا تو بەسه، چوینکه هێز من وەناو بی هازی کامڵەو بود.» جا وه شادی فرەێگ وه بی هازییلم شانازی کەم تا هێز مەسیح باێده سەرم.

نامه وە غەلاتییل 4:4

وەلێ وەختێ ئەو زەمان دیاری کریاێ وه کەماڵ رەسێ، خودا کوڕەگەێ خوەێ کل کرد که له ژنێگ و له ژێر شەریعەت هاته دنیا،

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

نامه وه کولوسییل 1:19

چوینکه گشت پڕی خودا خوەشنود بی که وەناو ئەیو نیشتەجێ بود و

نامه وه کولوسییل 2:3

هەر ئەو مەسیحه که گشت خەزانەیل زانیاری و ماریفەت وەناو ئەیو شاریاسەو.

نامه وه کولوسییل 2:9

چوینکه گشت پڕی خودا بوین، وه شێوەێ جەسەێ وەناو مەسیح نیشتەجێه،

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

عبرانییل 1:5

چوینکه خودا تا ئێرنگه وه کام یەکی له فریشتەیل فەرمایش کرد: «توی کوڕ منید؛ ئیمڕو مه بیمەسه باوگد»؟ و یا وه دواره: «مه ئەڕا ئەیو بومه باوگ، ئەیویش ئەڕا مه بوده کوڕ»؟

عبرانییل 10:5

وه ئی بونه، وەختێ که مەسیح هاته ناو ئی جهانه، فەرمایش کرد: «وه قوروانییل و پیشکەشییل مەیلیگ نیاشتی، وەلێ جەسەێگ ئەڕا مه گورجەو کردی؛

عبرانییل 2:11

چوینکه ئەیو که موقەدەسەو کەید و ئەوانه که موقەدەسەو بون، گشتێان له یەێ باوگن. وه ئی باوەته، عیسا شەرمێ نیەتیێد ئەوانه وه برا بخوەنێ.

عبرانییل 5:5

مەسیحیش خوەێ بەرزەو نەکرد تا بوده کاهن گەورا، بەڵکەم له لاێ کەسێگ دیاری کریا که وەپێ وەت: «توی کوڕ منید؛ ئیمڕو، مه بیمەسه باوگد.»

یەکم یوحەنا 4:14

ئیمەیش دیمنه و شاێەتی دەیم که باوگ ئاسمانی، کوڕەگەێ خوەێ کل کردێه تا بوده نجات دەر جهان.

یەکم یوحەنا 4:9

وه ئیجوره مابەت خودا وەناومان ئاشکرا بی که خودا تەنیا کوڕەگەێ خوەێ کل کرده جهان تا له ڕێ ئەیو زنەیی بکێمن.

دویم یوحەنا 1:7

چوینکه لیلاجیل فرەێگ وەناو جهان تەفرتوینا بینه، کەسیلێ که ئێقرار نیەکەن عیسا مەسیح وەناو جەسه ئنسانی هاتێه. ئەو جور کەسیلێ، لیلاج و زد مەسیحن.

وەحی وه یوحەنا 19:13

بەتیەێگ دێرێ که هەڵکیشیاسه خوینا و ناوێگ که وه ئەوه خوەنرێید؛ کەڵام خوداس.

وەحی وه یوحەنا 21:3

له تەختەگه، دەنگ بەرزێگ شنەفتم که وەت: «بنوڕ، جیگەێ نیشتەجێ خودا ها گەرد ئایەمیل، ئەیو وەگەردێانەو نیشتەجێ بود؛ جا ئەوانه بونه قەوم ئەیو و خودا خوەێ ها گەردێانەو و بوده خوداێ ئیانه.