یوحەنا 1:13 - کتاب مقدس به زبان کردی جنوبی - گویش کلهوری

¹³ ئەوانه که نه له خوین و گوشت، نه وه خاست جەسه، نه وه خاست یەێ پیا، بەڵکەم له خودا هاتنەسه دنیا.

یوحەنا 1:13 ပူးပေါင်းရင်းမြစ်များ

ئنجیل مەتا 3:9

له لاێ خوەدانەو‎ نویشن: ”ئێبراهیم پەێخەمەر باپیرمانه.“ چوینکه وەپێدان ئویشم، خودا تویەنێ له ئی کوچگیله ڕوڵەیل ئەڕا ئێبراهیم درس بکێ.

یوحەنا 3:3

عیسا وه جواوێ وەت: «وه ڕاسی، وه ڕاسی، وەپێد ئویشم، تا کەسێ وه دواره ناێده دنیا، نیەتویەنی پادشایی خودا بوینێ.»

یەکم قورنتییل 3:6

من تویەمەگه کاڵیم و ئاپولوس ئاوێ دا، وەلێ خودا بی که سەوزی کرد.

نامەێ فیلیپییل 2:13

چوینکه خوداس که ئەڕا خوەشنودی خوەێ وەناو ئیوه کار کەید، هەم وەناو خاست و هەم وەناو کردەوه.

تیتوس 3:5

ئەیو نجاتمان دا. وەلێ ئی نجاته وه سەوەو کاریل سالحانێگ که ئیمه وەجێ هاوردویمن، نوی بەڵکەم له ڕوی بەزەیی ئەیو و شوردن دڵ ئیمه بی که له ڕێ ئەوه، روح‌القودوس وه دنیا هاتن تازه و زنەیی تازه بەخشیه پێمان.

یاقوب 1:18

ئەیو وه پێ خاستەی خوەێ ئیمه وەگەرد کەڵام ڕاسی هاورده دی تا وەناو درس کریاێلی وێنەێ نەوبەر بویمن.

یەکم پتروس 1:23

چوینکه تازه هاتینەسه دنیا، نه له توخم‎تەرەکەێ له بین چی بەڵکەم توخم‎تەرەکەێ که له بین نیەچود، یانێ له ڕێ کەڵام خودا که زنیه و هەر هەسەێ.

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

یەکم پتروس 2:2

هەر جور مناڵه کوڕپەیل، تاسەێ شیر ناب روحانی بوین تا وه مەیەت ئەوه ئەڕا نجات، گەوراوه بوین،

یەکم یوحەنا 3:9

هەر کەسێگ له خوداوه هاتیەسه دنیا، وەناو گونا زنەیی نیەکێ، چوینکه توخمتەرەکەێ خودا وەناوێ نیشتەجێه. جا ئەوه نیەتویەنی وەناو گونا بەردەوام بمینێ چوینکه له خوداوه هاتیەسه دنیا.

یەکم یوحەنا 4:7

ئێ عەزیزەیل، بان تا یەکترەکی مابەت بکێم، چوینکه مابەت له خوداس و هەر کەسێگ که مابەت کەی، له خودا هاتیەسه دنیا و خودا ناسی.

یەکم یوحەنا 5:1

هەر کەسێگ ئیمان وه ئیه دێرێ که عیسا هەر ئەیو مەسیح وادەدریاێەسه، ئەوه له خودا هاتیەسه دنیا. هەر کەسێگ باوگ دوس دێرێ، کەسێگیش که له لێ هاتیەسه دنیا دوس دێرێ.

یەکم یوحەنا 5:18

ئیمه زانیمن که هەر کەسێگ له خودا هاتیەسه دنیا وه گونا کردن بەردەوام نیەمینێ، بەڵکەم ’ئەو کوڕ خودا که له خودا هاتیەسه دنیا‘ پارێزنێدێ و دەس ئەو شەڕئاشوه نیەرەسێده پێ.

یەکم یوحەنا 5:4

چوینکه هەر کەسێگ له خودا هاتیەسه دنیا وه ئی جهانه زاڵ بود. ئیمانمان ئەو سەرکەفتنەسه که وه جهان زاڵ بویه.