یاقوب 4:4 - کتاب مقدس به زبان کردی جنوبی - گویش کلهوری

⁴ ئی مەردم داوانپێس، مەگەر نيەزانين که دوسی وەگەرد ئی جهانه دشمەنی وەگەرد خوداس؟ جا هەر کەسێگ وەشون دوسی وەگەرد جهان بود، خوەێ کەێده دشمەن خودا.

یاقوب 4:4 ပူးပေါင်းရင်းမြစ်များ

ئنجیل مەتا 12:39

وەلێ عیسا جواویان دا: «نەتەوەێ شەڕئاشو و داوانپێس داواێ نیشانەێگ کەن. وەلێ نیشانەێگ نێرێیده پێان، بێجگه نیشانەێ یونس پەێخەمەر.

ئنجیل مەتا 16:4

نەتەوەێ شەڕئاشو و داوانپێس داواێ نیشانەێگ کەن. وەلێ نیشانەێگ نیرێیده پێان، بێجگه نیشانەێ یونس پەێخەمەر.» جا عیسا ئەوانه هیشتەجێ و چی.

ئنجیل مەتا 6:24

«هویچکەس نیەتویەنی دو گله ئەرواو خزمەت بکەی، چوینکه یا وه یەکی قینێ تێ و دوس ئەواکه دێرێ، یا سەرسپردەێ یەکی بود و ئەواکه وه هویچ حساو کەی. نیەتویەنین هەم خزمەتکار خودا بوین، هەم خزمەتکار پویل.

لوقا 19:27

ئێرنگەیش ئەو دشمەنیله که نیەتواسیان وەپێان پادشایی بکەم بارنێانه ئەڕا ئێرا وه نوای من سەرێان بوڕن.“»

یوحەنا 15:19

ئەگەر ئیوه هن جهان بویاتیاین، جهان ئیوه جور ئەوانه که هن خوەێن، دوسدان داشت. وەلێ ئیوه هن جهان نین، بەڵکەم من ئیوه له جهان هەڵوژاردمه، وه ئی بونه جهان قینێ له لێدان تێ.

یوحەنا 17:14

مه کەڵام تو دامەسه پێان، وەلێ جهان قینێه لێان هاتێه، چوینکه هن ئی جهانه نین، هەر ئەوجورە که مه هن ئی جهانه نیم.

یوحەنا 7:7

جهان نیەتویەنی له ئیوه قینێ باێ، وەلێ له مه قینێ تێ، چوینکه مه له باوەتێەو شاێەتی دەم که کاریلێ گەنه.

رومیەگان 5:10

چوینکه ئەگەر وەختێ که ئیمه دشمەن بویمن، وه وەسلەێ مەرگ کوڕەگەێ وەگەرد خوداوه ئاشتی دریایمن، چەنێ فرەتر ئێرنگه که وەگەرد خوداوه ئاشتی دریایمنه، وەگەرد زنەیی کوڕەگەێ نجات پەێا کیم.

رومیەگان 8:7

چوینکه دڵبەساین وه چشتیل جەسەێ دشمەنی وەگەرد خوداس، ئەڕا ئیەکه نیەچوده ژێر حوکمرانی شەریعەت خودا، وه ڕاسیش که نیەتویەنێ.

یەکم قورنتییل 1:20

وه ڕاسی، زانیار ها کوره؟ ماموستاێ دین ها کوره؟ باسکەر ئی دەوره ها کوره؟ مەر خودا، زانیاری ئی جهانه پویچەو نەکردیه؟

یەکم قورنتییل 1:21

چوینکه له ئەوره که بەنا وه زانیاری خودا، جهان نەتویەنست وه پێ زانیاری خودا بناسێ، خودا ئەوجورە سەلاح زانست که وەگەرد بانگەوازی گیلگەوجانه، کەسیلێ که ئیمان تیەرن، نجات بێی.

نامه وە غەلاتییل 1:10

ئێ ئێرنگه هامه شون ئیه که ئایەمیل مورم بکەن یا خودا؟ یا مه تەقالا کەم ئایەمیل خوەشنودەو بکەم؟ ئەگەر هێمراێ وه شون خوەشنود کردن ئایەمیلەو بویام، خوڵام مەسیح نویام.

یاقوب 1:27

خوداپەرەسی پاک و بی لەک و پێس له وەر چەو خوداێ باوگ، ئەوەسه که دەس یەتیمیل و بێوه ژنيل له وەخت بەردیان بگریم و خوەمان له چەپڵی ئی جهانه بپارێزنیم.