عبرانییل 2:3 - کتاب مقدس به زبان کردی جنوبی - گویش کلهوری

³ جا ئەگەر ئیجور نجات فره گەوراێگ نوینیم، ئێ چوی تویەنیم له سزاگەێ دەر بچیم؟ یەکم جار له ڕێ خوداوەند عیسا ئی نجاته جار دریاد و وەشونێ له ڕێ کەسیلێ که شنەفتن، ئەڕامان مور کریا،

عبرانییل 2:3 ပူးပေါင်းရင်းမြစ်များ

ئنجیل مەتا 23:33

ئێ ماریل! ئێ هەفی زادەیل! چوی وه سزاێ جەهەنم دەر چین؟

ئنجیل مەتا 4:17

وه ئەو وەختەو عیسا شرو کرده بانگەوازی و فەرمایش کرد: «توبه بکەن چوینکه پادشایی ئاسمان نزیکه.»

مەرقوس 1:14

وەشون گیروده بوین یەحیا، عیسا چیه ئەڕا ناوچەێ جەلیل و خەوەر خوەش پادشایی خودا جار دیاد و

لوقا 1:2

درس هەر ئەوجورە که ئەوانه که له سەرەتاوه وه چەو خوێان شاێەت بینه و خزمەتکاریل کەڵام بینه، وه ئیمه سپاردنه،

لوقا 1:69

خوداوەند شاخ نجاتیگ ئەڕا ئیمه ناو بنەماڵەێ خزمەتکار خوەێ داود، ناسه پاوه،

لوقا 24:19

عیسا پرسی: «چ چشتێ؟» وەتن: «ئەو چشته که وه سەر عیساێ ناسری هات. ئەوه پەێخەمەری بی که وه پێشگاێ خودا و له لاێ گشت مەردم، کردەوه و قسیەیلی وه تویەنا بی.

یوحەنا 15:27

ئیوەیش خوەدان شاێەتی دێن، چوینکه له سەرەتاوه وەگەردمەو بینه.

کاریل ڕەسولەیل 1:22

له وەخت تەعمید یەحیا تا ڕوژیگ که عیسا له لامان بەرزەو کریا، یەکی له ئەو پیاێله باێه وەگەردمانا بوده شاێەت زنیەو بین عیسا.»

کاریل ڕەسولەیل 2:22

«ئێ پیاێل ئێسرائیل، ئی قسیەیلمه بشنەفن: هەر ئەوجورە که خوەدان زانین، عیساێ ناسری پیاێگ بی که خودا وەگەرد موجزەیل و کاریل ئەڵاجوی و نیشانەیلێ که خودا وه دەس ئەیو وه ناودان وەجێ هاورد، وه ڕاس بوینی شاێەتی داس.

کاریل ڕەسولەیل 4:12

وەناو هویچکەس بێجگه ئەیو نجات نیه، ئەڕا ئیه که له ژێر ئاسمان ناوێگ تر وه مەردم نێریاس تا وەگەردێ نجات پەێا بکێم.»

رومیەگان 11:14

تا یە جورێگ هاونژادیل جویلەکەم بارمه سەر غیرەت و ویجوره بڕێگیان نجات بێەم.

رومیەگان 2:3

جا تو ئێ ئایەمێ که کەسیلێ که ئیجور کاریلێ کەن داوەری کەی وەلێ خوەدیش هەر ئەو کاریله کەی، ئێ گومان کەی له داوەری خودا تویەنێ دەر بچید؟

یەکم قورنتییل 1:21

چوینکه له ئەوره که بەنا وه زانیاری خودا، جهان نەتویەنست وه پێ زانیاری خودا بناسێ، خودا ئەوجورە سەلاح زانست که وەگەرد بانگەوازی گیلگەوجانه، کەسیلێ که ئیمان تیەرن، نجات بێی.

یەکم تسالونیکییل 5:3

ئەو وەخته که مەردم ئویشن: «ئاشتی و سڵامەتی و ئەمنیە»، ئمجا له ناکاوه نابودی ڕشێیده ملێانەو، هەرئەوجوره که ژن ئێمڵه تویش ژان زایێن تێد؛ ئەوانه دەرچینێگ له لێ نێرن.

یەکم نامەێ تیموتاوس 1:15

حەقه ئی قسیه تەمام و کەماڵ قەبوڵ بود که مەسیح عیسا هاته جهان تا گوناکاریل نجات بێید، که مه گەوراترین ئەوانەمە.

تیتوس 2:11

چوینکه فیز خودا ئاشکرا بیه، فیزێگ که ئەڕا گشت مەردم نجات تیەرێ و

عبرانییل 1:1

وه جارانەو، خودا فره جار و له ڕێیل فرەێگ، وه وەسلەێ پەێخەمەریل وەگەرد باپیریلمان قسیه کرد،

عبرانییل 1:14

مەر ئەوانه گشتێان روحیل خزمەتکار نین که کل کریەن تا وه میراتی خوەریل نجات، خزمەت بکەن؟

عبرانییل 1:2

وەلێ وەناو ئی ڕوژیل ئاخره وه وەسلەێ کوڕەگەێ خوەێ وەگەرد ئیمه قسیه کردێه، هەر ئەو کوڕه که ئەیو وه میراتیخوەر گشت چشتێگ دیاری کرد و وه وەسلەێ ئەیویش جهان درس کرد.

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.

عبرانییل 4:1

جا تا وەختێ که وادەێ ڕێ پەێا کردن وەشون ئاشاسێگ ئەیو هێمراێ ها سەر جێ خوەێ، بان زاورمان بچود تا نەخواێ دیار بێید که یەکی له ئیوه وەپێ دەس پەێا نەکردیه.

عبرانییل 4:11

جا باین تەقالا بکێم تا وه ئەو شون ئاشاسێگه ڕێ پەێا بکێم، تا هویچکەس وه ئەوجورە ملچەفتەو کردنێگ، نەکەفێد.

عبرانییل 5:9

وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.

یەکم یوحەنا 1:1

له باوەت کەلیمەێ ژیان هەر ئەو کەلیمه که له سەرەتا بی، هەر ئەو کەلیمه که شنەفتیمنه و وه چەویل خوەمان دیمنه، هەر ئەو کەلیمه که نوڕێیمنه پێەو و دەسیل خوەمان دایمنەسەقەێەو.

یەهودا 1:17

وەلێ ئیوه ئێ عەزیزەیل، باێه پێشگویییل ڕەسولەیل خوداوەند ئیمه عیسا مەسیح وه هویردان بود.

وەحی وه یوحەنا 7:10

ئەوانه وه دەنگ بەرزیگەو خوەنیان که: «نجات هن خوداێ ئیمەس، که له بان تەخت دانيشتێه و هن وەرکه.»