ئەفسوسیێل 6:6 - کتاب مقدس به زبان کردی جنوبی - گویش کلهوری

⁶ جا ئیەیشه، نه تەنیا وەختێ که هاینه وەر چەویان وه جێ بارین، جور کەسیلێ که هانه شون خوەشنود کردن مەردمەو، بەڵکەم جور خوڵامیل مەسیح، که خاست خودا وه قوڕن دڵ وه جێ تیەرن.

ئەفسوسیێل 6:6 ပူးပေါင်းရင်းမြစ်များ

ئنجیل مەتا 12:50

چوینکه هەر کەس خاست باوگم که ها ناو ئاسمان وه جێ بارێ، برا و خویشگ و داڵگ منه.»

ئنجیل مەتا 7:21

«نه هەر کەسێگ وەپێم بویشی ’گەورەم، گەورەم‘ چوده ناو پادشایی ئاسمان، بەڵکەم ئەوه که خاست باوگم که ها ناو ئاسمان وه جا بارێ.

مەرقوس 3:35

چوینکه هەر کەس خاست خودا وه جێ بارێ، برا و خویشک و داڵگ منه.»

رومیەگان 6:17

وەلێ سپاس ئەڕا خودا که هەر چەن یەێ وەختێگ خوڵامیل گونا بین، وەلێ وه قوڕن دڵ مل ناینەسه ژێر ئەو تالیمه که وەپێ سپاریاین.

یەکم قورنتییل 7:22

چوینکه ئەوه که خوڵام بوی وەختێ خوداوەند دەنگێ کردێه، بوده ڕزگار کریاێ خوداوەند؛ هەر ئیجوره ئەوه که ڕزگار بی و دەنگ کریاس بیەسه خوڵام مەسیح.

نامه وە غەلاتییل 1:10

ئێ ئێرنگه هامه شون ئیه که ئایەمیل مورم بکەن یا خودا؟ یا مه تەقالا کەم ئایەمیل خوەشنودەو بکەم؟ ئەگەر هێمراێ وه شون خوەشنود کردن ئایەمیلەو بویام، خوڵام مەسیح نویام.

ئەفسوسیێل 5:17

جا گیلگەوج نەون، بەڵکەم بزانن که خاست خوداوەند چەس.

نامەێ فیلیپییل 2:12

جا ئێ عەزیزەیلم، هەر ئەوجورە که هەمویشه گوش تەکانینه، ئێرنگەیش نه تەنیا وەختێگ که هامه لادان، بەڵکەم فره فرەتر وەختێ له لادان نیم، نجات خوەدان وه ترس و لەرزەو بگرنه کار؛

نامه وه کولوسییل 1:9

وه ئی بونه، له ڕوژیگ که ئیه شنەفتیم، له دوعا کردن ئەڕادان نەوسایمەسەو، بەڵکەم له خودا توایم که ئیوه له ناسین خاست ئەیو وەناو هەر زانیاری و فام روحانی، پڕەو بوین

نامه وه کولوسییل 4:12

ئەپافراس که یەکی له خوەدانەو و خزمەتکار مەسیح عیساس، سڵامدان رەسنێد. ئەوه هەمویشه وەناو دوعایلی ئەڕادان تەقالا کەی تا ئیوه جور ئایەمیلێ که بازڵەن و وه تەمامی خاترجەمن، بەردەوام بمینێن و خاست خودا وه تەمامی وەجێ بارین.

یەکم تسالونیکییل 2:4

بەڵکەم جور کەسیلێگ قسیه کیم که خودا وه ملێانەو مور قەبوڵێ کوتاس و ئینجیل سپاریاسه پێان. ئیمه وەشون خوەشنود کردن مەردم نیمن، بەڵکەم خوەشنودی خوداێگ توایم که دڵمان دەێده تەفرەنج.

یەکم تسالونیکییل 4:3

چوینکه خاست خودا ئیەسه که موقەدەس بوین: خوەدان له خیزی دویرەو بکەن.

عبرانییل 10:36

چوینکه هەوەجی دێرین که بەردەوام بوین تا ویجوره ئمجا که خاست خودا وه جێ هاوردین، وادەگه پەێا بکێن.

عبرانییل 13:21

وه هەر چشت خاسێگ ئیوه گورجەو بکێ تا خاست ئەیو وەجێ بارین. با که خودا هەر چی که سەوەو خوەشنودی بود له ڕێ عیسا مەسیح وەناو ئیمه وە جا بارێ، هەر ئەیو عیساێ مەسیحه که تا ئەبەد و تا ئەبەد جەڵاڵ وه ئەیو بود. ئامین.

یەکم پتروس 2:15

چوینکه خاست خودا ئیەسه که وەگەرد خاسێ کردن، نەفامی مەردم گیلگەوج، بێدەنگەو بکێن.

یەکم پتروس 4:2

وەئی بونه باقی ژیانی وه جەسه ئەڕا خاست خودا زنەیی کێ، نه ئەڕا هەواوهەوەسیل بەشەری.

یەکم یوحەنا 2:17

جهان و ئاوەختێلێ درێیده سەر، وەلێ ئەو کەسه که خاست خودا وه جێ تیەرێ، تا ئەبەد مینێدی.