ئەفسوسیێل 6:19 - کتاب مقدس به زبان کردی جنوبی - گویش کلهوری

¹⁹ ئەڕا منیش دوعا بکەن، تا هەر وەخت دەم وه قسیه کردن واز کەم، کەڵام وەپێم بوەخشرێد تا راز ئینجیل وه ئازای جار بێەم.

ئەفسوسیێل 6:19 ပူးပေါင်းရင်းမြစ်များ

کاریل ڕەسولەیل 13:46

ئمجا پولوس و بەرنابا وه ئازای وەتن: «باێه پێخام خودا وەرجه گشتیەکی ئەڕاێ ئیوه بویشرێی. وەلێ وەبونەێ ئیەکه ڕەدێ کردین و خوەدان شایسەێ زنەیی ئەبەدی نەزانستین، ئەوەسه چیمنه ئەڕا لاێ ناجویلەکەیل.

کاریل ڕەسولەیل 14:3

جا پولوس و بەرنابا ماوەێ فرەێگ وه ئەوره مەنن و وه ئازای له باوەت خوداوەند قسیه کردیان، خوداوەندێگ که وه ئەوانه هێز ئەنجام نیشانەیل و موجزەیل دیاد و وەئیجوره پێخام فیز خوەێ مور کردیاد.

کاریل ڕەسولەیل 18:26

ئەوه وه ئازایی وەناو کەنیسه شرو کرده قسیه کردن. وەختێ پریسکیلا و ئاکیلا قسیەیلێ شنەفتن، بردنێ ئەڕا ماڵ خوێان و ڕێ خودا درستر یاێ دان.

کاریل ڕەسولەیل 19:8

ئمجا پولوس چیه ئەڕا کەنیسه و ئەوره سێ مانگ وه ئازای قسیه کردیاد و له باوەت پادشاێ خودا، مەردمەگه قانێ کردیاد.

کاریل ڕەسولەیل 2:4

ئمجا گشتێان له روح‌القودوس پڕ بین، جوری که روح خودا دەسڵات دا پێان وه زوانیل تر قسیه کردن.

کاریل ڕەسولەیل 28:31

ئەوه پادشایی خودا جار دیاد و له باوەت خوداوەند عیسا مەسیح وه تەمام ئازای و بی ئەوه که چشتێ نوای بگرێ تالیم دیاد.

کاریل ڕەسولەیل 4:13

وەختێ ئەوانه ئازای پتروس و یوحەنا دین و زانستن که ئایەمیل نەخوەنریای و سادەێگن، سەریان سڕ مەن و زانستن که وەرجەوە هاوڕێیل عیسا بینه.

کاریل ڕەسولەیل 4:29

ئێرنگه، ئێ خوداوەند، بنوڕه هەرەشەیلێانەو، تویەنایی بیه خزمەتکارەگاند تا کەڵامد وه ئازای تەمام بویشن،

کاریل ڕەسولەیل 4:31

وەختێ دوعا کردن، ئەو شونه که وەناوێ گردەو بوین کەفته ڕکه و گشتێان له روح‌القودوس پڕ بین و وه ئازای کەڵام خودا وەتیان.

کاریل ڕەسولەیل 9:27

وەلێ بەرنابا ئەوه وەگەرد خوێا برد و نادێ لاێ ڕەسولەگان، ئەڕاێان وەت که چوی خوداوەند وەناو ڕێ دەمشق دیه و چوی خوداوەند وەگەردیەو قسیه کرد، هەر ئیجوره چوی وه دەمشق وه ئازای ناو عیسا بانگەوازی کردێه.

کاریل ڕەسولەیل 9:29

ئەوه وەگەرد جویلەکەیل یونانی زوان قسیه و باس کردیا، وەلێ ئەوانه تواسیان بکوشنێ.

رومیەگان 15:30

ئێ برایل، وەبونەێ خوداوەندمان عیسا مەسیح و مابەت روح خودا، داوا له لێدان کەم که ئەڕا من وه دەرگاێ خوداوه دوعا بکێن و وەگەرد ئی کاره وەگەردمەو تەقالا بکەن

رومیەگان 16:25

ئێرنگه جەڵاڵ وه ئەیو که تویەنێ وه پێ ئینجیلێگ که من جار دەم و وه پێ تالیم عیسا مەسیح، وه قەوەتدان بکێ - یانێ وه پێ وەحی ئەو رازه که ئەڕا دەورانیل دریژێگ، شاریاویدەو،

یەکم قورنتییل 1:5

چوینکه ئیوه وەناو مەسیح له هەر باوەتەو دەوڵەمەن بینه، وەناو هەر لەون وەتن و ماریفەتێگ -

یەکم قورنتییل 2:7

بەڵکەم باس زانیاری خودا کەیمن که وەناو رازێگ شاریایەو و خودایش ئەوه له ئەزەڵ، ئەڕا جەڵاڵ ئیمه دیاری کردێه.

یەکم قورنتییل 4:1

جا گشتیەکی باێه ئیمه جور خزمەتکاریل مەسیح و کاروەدەسیل رازیل خودا بوینن.

دویم قورنتییل 1:11

ئیوەیش وەگەرد دوعایلدان مەیەتمان بێين. تا قێر فرەێگ وەبونەێ ئیمه ئەڕا فیزێگ که وه جواو دوعای فره کەس بەخشریاسە پێمان، سپاسیل بویشن.

دویم قورنتییل 3:12

جا چوینکه ئیجور ئمیدێگ دێریم، وەئازاییەو قسیه کەیمن؛

دویم قورنتییل 6:11

ئێ قورەنتییل، ئیمه بی پەرده وەگەرددانەو قسیه کردیم و سفرەێ دڵمان ئەڕادان واز کردیم.

دویم قورنتییل 7:4

مه تویەنم وه ئازای وەگەرددان قسیه بکەم و فره وه پێدان دڵنیام. وه سەر ئی هەمگه بەردیله، فره دڵگەرمەو بویمه و له خوەشی نیقەڵتوزم.

دویم قورنتییل 8:7

وەلێ هەر ئەوجورە که وەناو گشت چشتێگ سەرترین - وەناو ئیمان، وەناو قسیه کردن، وەناو ماریفەت، وەناو تاسەێ فره، وەناو مابەتدان وه ئیمه - جا وەناو ئی کار خێریشه بێەنه نوای یەکانەو.

ئەفسوسیێل 1:9

خودا وەگەرد ئی کاره راز خاست خوەێ وه پێ ئامانجەگەێ که وەناو مەسیح ئاشکرا کردێه، وه ئیمه ناسان

ئەفسوسیێل 3:9

جا وه گشتیەکی نیشان بێەم که چوی نەخشەێ خودا تێدە دی. خودا که خوەێ گشت چشتێ وه دی هاورد، ئی راز خوێه له دریژای دەوران جاران شاردیەسەو.

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

نامه وه کولوسییل 4:3

هەر وه ئی وەخته ئەڕا ئیمەیش دوعا بکێن، تا خودا دەرێگ ئەڕا کەڵام وه ڕوی ئیمه واز بکێد تا بتویەنیمن راز مەسیح جار بێیم، رازێگ که وەبونەێ ئەوه هامه ناو زندان.

یەکم تسالونیکییل 2:2

بەڵکەم ئەو جوره که زانين، هەر چەن وەرجەوە له شار فیلیپی عەزاو دیمن و وه خراوی ڕێ رەوشت وەگەردمانا کریاد، وەلێ وەناو خوداێ خوەمان، ئازای دایمنه خەرج تا وەناوڕاس ئی هەمگه ناکوکیه ئینجیل خودا وەپێدان جار بێیم.

یەکم تسالونیکییل 5:25

ئێ برایل، ئەڕا ئیمه دوعا بکەن.

دویم تسالونیکییل 3:1

دەس ئاخر، ئێ برایل، ئەڕا ئیمه دوعا بکێن تا کەڵام خوداوەند وه تنی بچوده نوا و عەزیز گرامیەو بود، هەر ئەوجورە که له ناو ئیوه ئیجوره بی

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

نامه وه فیلیمون 1:22

هەر ئیجوره، وتاخێگیش ئەڕام گورجەو بکه، ئەڕا ئیه که ئمید دێرم خودا دوعایلدان قەبوڵ بکێ و وه فیز خوەێ مه وه دواره بارێدەو ئەڕا لادان.

عبرانییل 13:18

ئەڕا ئیمه دوعا بکەن، چوینکه دڵنیایم که وژدانمان پاکه و توایم وەناو گشت چشت وه درسی ڕێ رەوشت بکێم.