ئەفسوسیێل 5:6 - کتاب مقدس به زبان کردی جنوبی - گویش کلهوری

⁶ نێلن کەسێگ وەگەرد قسیەيل پویچ گولدان بێی، چوینکه وەبونەێ ئی چشتیلەسه که خەزەو خودا تێده سەر مناڵیل ملچەفتەوکەر.

ئەفسوسیێل 5:6 ပူးပေါင်းရင်းမြစ်များ

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

ئنجیل مەتا 24:4

عیسایش جواویان دا: «هوشدان بود تا کەسێ له ڕێ دەردان نەکێ.

مەرقوس 13:22

چوینکه مەسیحیل دروەکانی و پەێخەمەریل دروەکانی ئاشکرا بون و نیشانەیل و موجزەیل تیەرن تا ئەگەر بکرێ، هەڵوژاردەگان گومڕا بکەن.

مەرقوس 13:5

عیسا وەپێان وەت: «هوشدان بود تا کەسێ گومڕادان نەکێ.

رومیەگان 1:18

چوینکه خەزەو خودا له ئاسمان ئاشکرا بود وه سەر هەر لەون خودانەناسی و نادرسێ ئایەمیلێگ که وەگەرد نادرسێ خوێان، نوای ڕاسی گرن.

نامه وه کولوسییل 2:18

مێیلن کەسێگ که پامل سوکەو کردن جەسه و پەرەسین فریشتەیله، ڕەددان بکەید. ئیجور کەسێگ سەر خوەێ گەرم چشتیلی کەید که وەناو رویایلی دیه و فکر دنیایی ئەوه وه هویچ پەتی، قوزی کردێه.

نامه وه کولوسییل 2:4

ئیه ئویشم تا هویچکەسێگ ئیوه وەگەرد باسیلێگ که بود باوەڕێ بکێ، گولدان نێید.

نامه وه کولوسییل 2:8

ئاگادار بوین کەسێگ ئیوه وەگەرد فەلسەفه و فریو پویچ گیرودەدان نەکەید، که وه پێ نەریت ئایەمیل و بیروڕایل سەرەتایی ئی جهانەسه، نه وه پێ مەسیح.

نامه وه کولوسییل 3:6

وه سەوەو هەر ئیانەسه که خەزەو خودا وه سەر مناڵیل ملچەفتەوکەر ڕشێید.

دویم تسالونیکییل 2:3

مەیلن هویچکەسێگ وه هویچ ڕێیگ گولدان بێید. چوینکه تا یەکم جار ئەو ئاژاوە وه زد خودا نایده دی و ئەو پیا بی دینه که مناڵ نابودیه ئاشکرا نود، ئەو ڕوژه نیەرەسێد.

عبرانییل 13:9

وەگەرد تالیمیل جورواجور و عەڵاجوی له ڕێ دەر نەچین؛ چوینکه خاسه که دڵ ئنسان له فیز وەقەوەتەو بود، نه له خواردەمەنیێلێ که ئەڕا کەسیلێگ که خوێان وەقفێ کردنه، هویچ نەفێگ نیاشتیه.

عبرانییل 3:19

جا دوینیم که ئەوانه وه سەوەو بی ئیمانی بی که نەتویەنسن ڕێ پەێا بکەن.

یەکم پتروس 2:8

هەر ئیجوره، «کوچگیگ که سەوەو زەوی خواردن بود و تاش کەمەرێگ که بایس کەفتن بود.» ئیانه دەنه زەویا چوینکه له کەڵام خودا گوش نیەتەکنن، هەر ئەوجورە که ئەڕا ئی کاره دیاری کریانه.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.