ئەفسوسیێل 5:32 - کتاب مقدس به زبان کردی جنوبی - گویش کلهوری

³² ئیه راز فره گەوراێگه، جا مه ئویشم که ئیه له باوەت مەسیح و کلیساس.

ئەفسوسیێل 5:32 ပူးပေါင်းရင်းမြစ်များ

یوحەنا 3:29

وەوی هن زاواس، وەلێ دوس زاوا که وسێده لاێ گوش دەیده ڵێ، له شنەفتن دەنگ زاوا فره دڵخوەشەو بود. جا ئیسه شادی منیش هەر ئیجوره کامڵەو بود.

دویم قورنتییل 11:2

ئەڕا ئیه که مه وە ئیوه غیرەت دێرم و ئیه له لاێ خوداس، چوینکه ئیوه دەزویران یە شوی کردمه تا جور دویەتازەوێگ پرچ پاک پیشکەشدان بکەمه مەسیح.

ئەفسوسیێل 5:31

«وه ئی بونه، پیا داڵگ و باوگ خوەێ هیلێده جێ و لچکێیه ژنەگەێ و ئەو دو نەفەره بونه یەێ جەسه.»

ئەفسوسیێل 5:33

کوڵ و کوڵبڕ، هەر کامدان باێه ژنەگەێ جور خوەێ دوس بیاشتود و ژنیش باێه هوشی بود که حرمەت شویەگەێ بگرێ.

ئەفسوسیێل 6:19

ئەڕا منیش دوعا بکەن، تا هەر وەخت دەم وه قسیه کردن واز کەم، کەڵام وەپێم بوەخشرێد تا راز ئینجیل وه ئازای جار بێەم.

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

یەکم نامەێ تیموتاوس 3:8

هەر ئیجوره شەماسەیل باێه سەنگین ڕەنگین بون؛ نه دوڕوی، یا گیرودەێ شراوخوەری یا وەشون مەمەر نا پەسەن بون.

وەحی وه یوحەنا 21:2

جا شار موقەدەس یانێ ئورشەلیم تازه دیم که له ئاسمان له لاێ خوداوه هاتیاده خوار، گورجەو کریاێگ هەرجور وەویگ که ئەڕا شویەگەێ خوەێ ڕەژیایدەو.