ئەفسوسیێل 5:3 - کتاب مقدس به زبان کردی جنوبی - گویش کلهوری

³ وەلێ نەخواێ تەنانەت قسیەیگ له خیزی یا هەر جور ناپاکی یا تەماێگ له ناودان باێده دەیشت، چوینکه ئیانه ئەڕا ئیمانداریل وه مەسیح مناسو نیه.

ئەفسوسیێل 5:3 ပူးပေါင်းရင်းမြစ်များ

ئنجیل مەتا 15:19

چوینکه له دڵه که فکریل خراو، خوین‎کردن، داوانپێسی، خیزی، دزی، شاێەتی درو، بخت کردن تێدە دەیشت.

لوقا 12:15

ئمجا عیسا وه مەردم وەت: «هوشدان بود و له هەر جور حرس و تەما پارێز بکێن، چوینکه زنەیی ئنسان وه فراوانی دارایەگەێ نیه.»

لوقا 16:14

زانایل فرقەێ فەریسی پویل دوس وەختێ ئی قسیەیله شنەفتن، وه عیسا تویلەکی کردن.

کاریل ڕەسولەیل 15:20

بەڵکەم باێه ئەڕاێان بنویسیم که له چشتیلی که وەخاتر پیشکەشی وه بتیل ناپاکەو بینه و له خیزی و گوشت گیانەوەریل خنکریای و خوین، دویرێ بکەن.

کاریل ڕەسولەیل 20:33

چەومه دەس کەسێگەو نویه تا نقره و تەڵا یا دڵنگێ بێیده پێم.

رومیەگان 1:29

ئیانه نیقەڵتوز بین له هەر لەون نادرسێ، شەڕئاشویی، تەما و دڵپێسی. ئەوانه پڕن له حەسویی، خوین کردن، مرافه، فریو و دڵپێسی. قسیه تیەرن و بەن،

رومیەگان 16:2

تا وەناو خوداوەند، وه لەونی که شایسەێ ئیمانداریل وه مەسیحه، قەبوڵێ بکێن و له هەر چشتێگ که هەوەجی کەفێ پێدان مەیەتی بێین، چوینکه وه فره کەسیل، تەنانەت خود منیش مەیەت فرەێگ داس.

رومیەگان 6:13

ئەنامیل جەسەدان نیەنه دەس گونا تا بونه وەسیلەێگ ئەڕا نادرسێ، بەڵکەم جور کەسیلێ که له مەرگ وەرەو زنەیی هاتنەسەو، خوەدان بێەنه دەس خودا و ئەنامیل جەسەدان بێەنه دەس خودا تا بونه وەسیلەێگ ئەڕا سالح بوین.

یەکم قورنتییل 10:8

ئیمه نەبایه جور بڕێگ لەليان داوانپێسی بکێم، ئەوجورە که وەناو یە ڕوژ بیس و سێ هەزار نەفەر مردن.

یەکم قورنتییل 5:1

وه ڕاسی خەوەر ڕەسیه که خیزی ها ناودان، ئەویش وه لەونی که ئی کاره ئەوقره گە‎نه تەنانەت بتپەرەسیلیش نیەتویەنن تاموڵی بکەن. شنەفتمه پیاێگ وەگەرد باوەژنێ خەفتیه.

یەکم قورنتییل 6:13

ئویشین: «خواردەمەنی ئەڕاێ زگه و زگ ئەڕا خواردەمەنی» جا خودا، هەم ئیه و هەم ئەوه له بین بید. وەلێ جەسه ئەڕا خیزی نیه، بەڵکەم ئەڕا خوداوەنده و خوداوەندیش ئەڕا جەسه،

یەکم قورنتییل 6:18

له خیزی دەربچن! هەر گوناێگتر که ئنسان بکێ ها دەیشت جەسەێ، وەلێ کەسێگ که خیزی کێ، وه جەسەێ خوەێ گونا کێ.

دویم قورنتییل 12:21

هەر ئیجوره ڕخم چود وەختێ بامه ئەڕا لادان، خودا یەێ جارتر من له لاێ ئیوه بی فیسەو بکێ و ئەڕا بڕێگ که له جاران گونا کردن و له ناپاکی، خیزی و هەرزەیی خوێان توبه نەکردنه، خەمبارەو بوم.

ئەفسوسیێل 5:12

چوینکه ئەو کاریلێ که ئیجور کەسیلێگ وه دزیەو کەن، تەنانەت وه زوان هاوردنیشی شەرمزاریه.

ئەفسوسیێل 5:5

چوینکه دڵنیا بون که هویچ خێزیگ یا ناپاکێگ یا تەماکارێگ، که تەماکاری بت پەرەسیه، وەناو پادشاێ مەسیح و خودا میراتێگ نێری.

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و

نامه وه کولوسییل 3:5

جا، هەر چی وەناودان هن زەویه، بکوشنێ، یانێ خیزی، ناپاکی، هەواوهەوەس، خاستەیل گەن و تەما که هەر ئەو بتپەرسیەسه.

یەکم تسالونیکییل 4:3

چوینکه خاست خودا ئیەسه که موقەدەس بوین: خوەدان له خیزی دویرەو بکەن.

یەکم تسالونیکییل 4:7

چوینکه خودا ئیمه نه وه ناپاکی بەڵکەم وه قودوسیەت دەنگ کردێه.

یەکم نامەێ تیموتاوس 2:10

بەڵکەم وه تەرکی کاریل خاس بڕەژیەنەو، ئەو جورەکه شایسەێ ژنیلێگه که ئویشن خودا پەرەسن.

یەکم نامەێ تیموتاوس 3:3

نه سەرخوەشکەر یا زورگو، بەڵکەم دڵنەرم، نه مرافەکەر یا پویل دوس.

یەکم نامەێ تیموتاوس 6:10

چوینکه تەما وه پویل ریشەێگه که گشت جور خراوی له لێ تێدە بار و بڕێگ له تاسەێ ماڵ و دارایی، له ئیمان دویرەو کەفتنه، خوێان تویش ژانیل فره زام‎دار کردنه.

دویم تیموتاوس 3:2

مەردمیل خود‎پەرەس، پویلدوس، قتقوز، لویتبەرز، خراودەر، ملچەفتەوکەر وه داڵگ و باوگ، قێر نەزان، ناپاک،

تیتوس 1:11

ئەوانه باێه دەمکوت بکریەن، چوینکه ئەوانه وەخاتر تەمای سود کردن چشتیلی تالیم دەن که نەبایه تالیم بێەن و ویجوره وه تەمامی خاوخێزانیل فەنا کەن.

تیتوس 1:7

ئەڕا ئیه که هێوەتکەر کلیسا کاروەدەس خوداس، جا نەبایه وەناو زنەیی چشتێگ بیاشتوی که بوده بایس سەرزەنشتێ. ئەوه نەبایه لویتبەرز بود یا زوی کەفلەهەرز بود یا سەرخوەشکەر یا زورگو بود یا تەمای پویل بیاشتوی،

تیتوس 2:3

هەر ئیجوره، ژنيل سن و ساڵ دار باێه ڕێ رەوشتیان وه حرمەتەو بود. نەباێه بختکەر بون یا گیرودەێ شراو بون، بەڵکەم باێه ئەو چشتێ که خاسه تالیم بێەن،

عبرانییل 12:16

ئاگادار بوین که هویچکامدان خیز نوین یا هەر جور عیسو وەقف بێندان له دەس نێین هەر ئەو عیسو که وەبونەێ جامێگ ئاش، حەق یەکم زگی خوەێ فروت.

یەکم پتروس 5:2

ریەنەگەێ خودا که هانه ناودان شوانی بکەن و هێوەتێان بکەن، وەلێ نه وه زور بەڵکەم وه مەیل و دڵ خوەدان، ئەوجورە که خودا تواێ؛ نه وه تەمای نەف خوەدان بەڵکەم له ڕوی شوق و زوق.

دویم پتروس 2:10

وه تایبەتی ئەوانه که خوێان وەناو شاوەت هەواوهەوەسیل پێسکەر وێڵ کەن و دەسڵات سوک وه‎ حساو تیەرێن. ئیانه ئەوجورە کەلەڕەقن و لویتبەرز که له کفرکردن وه گەورایل ئاسمانی رخێان نیەچود؛

دویم پتروس 2:14

چەویلێگ دێرن پڕ له داوانپێسی که له گونا کردن تێر نیود. ئی مناڵیل لانەت کریایه، ئایەمیلێگ خەڵەتنن که بەردەوام نین، ئەوانه دڵیلێان هوکارەێ تەما بیه!

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

وەحی وه یوحەنا 2:14

«وەلێ، یەک دو هەڵه وه پێد دێرم. له ئەوره کەسیلێگ ديری که کەفتنەسه شون تالیم بەلعام؛ هەر ئەوه که وه باڵاق یاێ دا که کوچگیگ بخیده نوای پاێ بەنیئیسرائیل که بایس کەفتنێان بود، تا له خواردەمەنی پیشکەشی وه بتیل بخوەن و دەس بێەنه خیزی.

وەحی وه یوحەنا 2:21

وه پێ دەرفەت دام تا توبه بکێ، وەلێ نیەتواێ له خیزی خوەێ توبه بکێ.

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»

وەحی وه یوحەنا 22:15

گەماڵیل و جادوکەریل و خێزیل و خوینکەریل و بتپەرەسیل و گشت کەسیلێگ که درو دوس دێرن و درو وه جێ تیەرن، له دەیشت مینن.

وەحی وه یوحەنا 9:21

ئەوانه له ئایەم کوشییل و جادوکەرییل و خێزییل و دزییل خوێان توبه نەکردن.