ئەفسوسیێل 5:27 - کتاب مقدس به زبان کردی جنوبی - گویش کلهوری

²⁷ تا کلیسا وەگەرد ئەو شکویگ که دێرێ بارێده لاێ خوەێ، بی هویچ لەک یا لویچ یا هەر نەخسێگ تر، تا کلیسا موقەدەس و بی نەخس بود.

ئەفسوسیێل 5:27 ပူးပေါင်းရင်းမြစ်များ

دویم قورنتییل 11:2

ئەڕا ئیه که مه وە ئیوه غیرەت دێرم و ئیه له لاێ خوداس، چوینکه ئیوه دەزویران یە شوی کردمه تا جور دویەتازەوێگ پرچ پاک پیشکەشدان بکەمه مەسیح.

دویم قورنتییل 4:14

چوینکه زانیمن ئەیو که عیسا خوداوەند له مردگیل زنیەو کرد، ئیمەیش وەگەرد عیسا زنیەو کێد و وەگەرددان تیەرێده لاێ خوەێ.

ئەفسوسیێل 1:4

هەر ئەوجورە که ئەیو وەرجه دامەزرانن جهان، ئیمه وەناو مەسیح هەڵوژارد تا لەلاێ خودا موقەدەس و بی نەخس بویمن. وەناو مابەت،

نامه وه کولوسییل 1:22

وەلێ ئێرنگه مەسیح ئیوه وەناو جەسەێ بەشەری خوەێ وەگەرد مردنێ ئاشتی داس، تا ئیوه موقەدەس و بی نەخس و دویر له هەر سەرزەنشتێگ بارێده ئەڕا لاێ خودا،

نامه وه کولوسییل 1:28

ئیمه مەسیح بانگەوازی کيمن و وه هەر کەسێگ هەڕەشه دیم و وه کەماڵ زانیاری گشتیەکی تالیم دیم، تا گشتیەکیگ بازڵه وەناو مەسیح باریمنه ئەڕا لاێ خودا.

یەکم تسالونیکییل 5:23

با خوداێ ئاشتی و سڵامەتی، خوەێ ئیوه وه تەمامی تەقدیس بکێد و گشت روح و گیان و لەشدان وه ڕوژ هاتنەوەێ خوداوەندمان عیسا مەسیح، بی نەخس بپارێزیەد.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

یەکم پتروس 1:19

بەڵکەم وه خوین گران قیمەت مەسیح، وه خوینێگ جور خوین وەرک بێ عێب و بی لەکه.

دویم پتروس 3:14

جا ئێ عەزیزەیل، ئیسه که چەوەڕێ ئی کاریلینه، خاس تەقالا بکەن تا له لاێ ئەیو بی لەکه یا بی نەخس وه ناو ئاشتی و سڵامەتی بوین.

یەهودا 1:21

خوەدان وەناو مابەت خودا بپارێزنن، وه ئەو حاڵەو که چەوەڕێ بەزەیی خوداوەند ئیمه عیسا مەسیحین تا ئیوه وەرەو زنەیی ئەبەدی بوێد.

یەهودا 1:24

وه ئەیو که تویەناس ئیوه له کەفتن بپارێزنێ و وه لاێ پڕ جەڵاڵ خوەێ بی نەخس و نیقەڵتوز له خوەشی فره گەوراێگ گورجەو بکێد،

وەحی وه یوحەنا 14:4

ئیانه هەر ئەو کەسیلنه که خوێان وەگەرد ژنيل ناپاکەو نەکردنه، چوینکه ئی پیاێله ئازەون. وەرک ئەڕا هەر شونێگ بچود، ئیانه هانه شونیەو. ئیانه ڕزگاریان له بین ئایەمیزاێ سەنریاس، هەر جور نەوبەر ئەڕا خودا و ئەڕا وەرکەگه.