ئەفسوسیێل 5:26 - کتاب مقدس به زبان کردی جنوبی - گویش کلهوری

²⁶ تا ئەوه وەگەرد ئاو کەڵام خودا بشورێد و پاک بکێ و تەقدیس بکێ،

ئەفسوسیێل 5:26 ပူးပေါင်းရင်းမြစ်များ

یوحەنا 13:10

عیسا جواو دا: «ئەوه که سەر ملێ شوردێه، سەر تا پاێ پاکه‎ و هەوەجی وه شوردن نێری، بێجگه پایلێ. ئیوه پاکین، وەلێ نه گشتدان.»

یوحەنا 15:3

ئیوه ئێرنگه وەبونەێ کەڵامێگ که وەپێدان وەتمه، پاکین.

یوحەنا 15:8

جەڵاڵ باوگم ها ناو ئیه که ئیوه بەر فرەێگ بارین؛ وه ئیجوره بوینه شاگردیل مه.

یوحەنا 17:7

ئێرنگه زانن که هەر چی وەپێم بەخشایده، وه لاێ تنه.

یوحەنا 3:5

عیسا جواوێ دا: «وه ڕاسی، وه ڕاسی، وەپێد ئویشم تا کەسێگ له ئاو و روح خودا ناێده دنیا، نیەتویەنی بچوه ناو پادشایی خودا.

کاریل ڕەسولەیل 22:16

ئێرنگه ماتەڵ چەید؟ هەڵس و خوسڵ تەعمید بگر و گونايلد بشور و ناو ئەیو بار!“

کاریل ڕەسولەیل 26:18

تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

رومیەگان 10:8

وەلێ ئەوه چه ئویشێ؟ ئیەک «کەڵام خودا نزیک توێه، ها ناو دەمد، ها ناو دڵد.» ئیه هەر ئەو کەڵام ئیمانەسه که ئیمه جار دەیم،

یەکم قورنتییل 6:11

بڕێگ لەلێدان جاران ئیجوره بین، وەلێ وه ناو عیسا مەسیح خوداوەند و له ڕێ روح خودامان شوریاینه، تەقدیس کریاینه و سالحان وه حساو هاتینه.

دویم قورنتییل 11:2

ئەڕا ئیه که مه وە ئیوه غیرەت دێرم و ئیه له لاێ خوداس، چوینکه ئیوه دەزویران یە شوی کردمه تا جور دویەتازەوێگ پرچ پاک پیشکەشدان بکەمه مەسیح.

ئەفسوسیێل 6:17

کەڵاوخود نجات بنەنه سەردان و شمشێر روح خودا که کەڵام خوداس، بگرنه دەسەو.

نامه وه کولوسییل 3:16

با کەڵام مەسیح وه دەوڵەمەنی وه ناودان نیشتەجێ بود؛ وەگەرد کەماڵ زانیاری یەکترەکی تالیم و ئاموژیاری بێین؛ وەگەرد شوکرکردنێگ که له ناخ دڵەو ئەڕا خودا دێرین، مەزموریل و سرودیل و بەیتیل روحانی، بچڕێن.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

عبرانییل 10:10

وەگەرد هەر ئی خاسته، ئیمه له ڕێ قوروانی جەسەێ عیسا مەسیح یەێ جار ئەڕا هەمویشه تەقدیسەو بیمنه.

عبرانییل 10:14

چوینکه وەگەرد یەێ قوروانی، تەقدیس بیەگان ئەڕا هەمویشه کامڵەو کردێه.

عبرانییل 10:22

باین تا وه دڵێگ ڕاس و دڵنیایی تەمام ئیمان، نزیک خودا بویمن، وه حاڵێگەو که دڵیلمان له وژدان خراو پاکەو بویه و جەسەیلمان وەگەرد ئاو پاک شوریاس.

عبرانییل 10:29

جا وه گومان ئیوه کەسێگ که کوڕ خودا پاوڵا کردێه و خوین پەێمانێگیش که وه ئەوه تەقدیس بویه، ناپاک ژماردیه و وه روح پڕ له فیز خودا، بی حرمەتی کردێه، چەنێ فرەتر شایسەێ موجازاتێگ سەختتر بود؟

عبرانییل 13:12

هەر ویجوره، عیسایش له دەیشت دەروازەێ شار رەنج کیشا تا له ڕێ خوین خوەێ، قەومەگه تەقدیسەو بکێد.

عبرانییل 4:12

چوینکه کەڵام خودا زنیه و کارکەره و تێژتر له هەر شمشێر دو دەمێگه و ئەوجورە چوده ناو که گیان و روح، مەفسەلیل و مەخز سقانیل جیاوه کەید و فکریل و نیەتیل دڵ هەڵسەنگنێد.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

یاقوب 1:18

ئەیو وه پێ خاستەی خوەێ ئیمه وەگەرد کەڵام ڕاسی هاورده دی تا وەناو درس کریاێلی وێنەێ نەوبەر بویمن.

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،

دویم پتروس 1:9

چوینکه ئەو کەسه که ئی چشتیله نێرید، ئەوقره کوره که له تک لویتێ ئەولاتر نیوینید و له هویر بردیه که له گونایل ئەوساێ خوەێ پاکەو بیه.

یەکم یوحەنا 5:6

ئیه هەر ئەوەسه که وه ئاو و خوین هات، یانێ عیسا مەسیح. نه تەنیا وه ئاو، بەڵکەم وه ئاو و خوین. روح خوداس که شاێەتی دەێ، چوینکه روح خودا ڕاسیه.

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه: