ئەفسوسیێل 5:2 - کتاب مقدس به زبان کردی جنوبی - گویش کلهوری

² وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

ئەفسوسیێل 5:2 ပူးပေါင်းရင်းမြစ်များ

ئنجیل مەتا 20:28

تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»

یوحەنا 13:34

حوکم تازەێگ دەمه پێدان، که یەکترەکی مابەت بکێن. هەر ئەوجورە که مه مابەتدان کردمه، ئیوەیش باێه یەکترەکی مابەت بکێن.

یوحەنا 6:51

منم ئەو نان زنەیی دەره، هەر ئەوه که له ئاسمانەو هاته خوار. ئەگەر کەسێ له ئی نانه بخوێ، تا ئەبەد زنی مینێ. نانی که من ئەڕا زنەیی جهان بەخشم، جەسەێ منه.»

رومیەگان 15:16

تا بومه خزمەتکار مەسیح عیسا ئەڕا ناجویلەکەیل و خزمەت کاهنی جارداین ئینجیل خودا وه جێ بارم، تا ناجویلەکەیل پیشکەشی قەبوڵ کریاێگ بون وه دەرگاێ خودا که له ڕێ روح‌القودوس تەقدیس بینه.

رومیەگان 4:25

هەر ئەو عیسا که وەبونەێ خەتایل ئیمه دریاده دەس مەرگ و ئەڕا سالحان وه حساو هاتنمان زنیەو بی.

رومیەگان 8:3

چوینکه خودا ئەو کاره وەجێ هاوردێه که شەریعەت وه بونەێ بی هازی جەسه نەتویەنست وه جێ بارێدەێ. خودا کوڕەگەێ خوەێ وه شێوەێ جەسەێ گوناکار و ئەڕا گونا کل کرد و وەناو جەسه، گونا ماکوم کرد،

رومیەگان 8:37

نه، ئیمه وەناو گشت ئی چشتیله له ڕێ ئەیو که مابەتمان کرد، له ئەوانه که سەرکەفتێن، سەرتریم.

یەکم قورنتییل 16:14

گشت کاریلدان وه مابەتەو بکەن.

یەکم قورنتییل 5:7

جا خوەدان له خەویرترش کویەنه پاکەو بکێن تا بوینه خەویر تازه، ئەوجورە که ئیوه وه ڕاسی فەتیرەین. چوینکه مەسیح، وەرک پسەخ ئیمه، قوروانی بیه.

دویم قورنتییل 2:14

وەلێ سپاس ئەڕا خودا که هەمویشه ئیمه وەناو مەسیح، وەناو ڕز سەرکەفتێیل خوەێ بید و هەویرات خوەش ماریفەت له ڕێ ئیمه وه گشت‎کوره پەخشەو کێ.

دویم قورنتییل 2:15

چوینکه ئەڕا خودا هەویرات خوەش مەسیحم، چ وەناو نجات دریایل و چ وەناو ئەوانه که له بین چن.

دویم قورنتییل 8:9

چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.

نامه وە غەلاتییل 1:4

هەر ئەیو عیسا مەسیحه که خوەێ ئەڕا گونایل ئیمه بەخشا تا ئیمه وه پێ خاست خودا و باوگ ئاسمانیمان له ئی دورەی شەڕئاشویه که هایمنه ناوێ ڕزگارمان بکێ

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

ئەفسوسیێل 1:4

هەر ئەوجورە که ئەیو وەرجه دامەزرانن جهان، ئیمه وەناو مەسیح هەڵوژارد تا لەلاێ خودا موقەدەس و بی نەخس بویمن. وەناو مابەت،

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

ئەفسوسیێل 3:19

مابەت مەسیح بناسین که فره بانتر له ماریفەت بەشەریه، تا له گشت پڕی خودا نیقەڵتوز بوین.

ئەفسوسیێل 4:15

له جێ ئەوه وه وەتن ڕاسی وەناو مابەت، باێه له هەر لاێگەو وەناو ئەیو که سەره، یانێ مەسیح، گەوراوه بویمن.

ئەفسوسیێل 4:2

وه تەمامی بێ فیسی و نەرمی؛ وەگەرد سەور وەناو مابەت یەکترەکی تاموڵ بکێن.

ئەفسوسیێل 5:15

جا، فره هوشدان بود که چوی زنەیی کین، نه جور نەزانیل بەڵکەم جور زانایل.

ئەفسوسیێل 5:25

ئێ شوییل، ژنيلدان دوس بیاشتون، ئەوجورە که مەسیحیش کلیسا دوس داشت و گیان خوەێ ئەڕاێ قوروانی کرد،

نامەێ فیلیپییل 4:18

من گشت ئەو پویله تاویل گردمه و تەنانەت فرەتر له هەوەجی خوەم دێرم. ئیسه که خەڵاتیلی که ئیوه هناردین له ئەپافرودیتوس تاویل گردمه، له گشت چشتێگ فره فره دێرم. خەڵاتیەگەدان هویرات خوەشبو و قوروانی قەبوڵ کریاێگه که خودا خوەشنود کەێد.

نامه وه کولوسییل 3:14

وه بان گشت ئیانه مابەتیش بکەنه وەردان که گشت چشتێگ وه یەکەو بوین کامڵ دەێده قێ یەکەو.

یەکم تسالونیکییل 4:9

ئێرنگه له باوەت مابەت براێانەدان هەوەجی نێرین تا کەسێگ چشتێ ئەڕادان بنویسێ، چوینکه خوەدان له خودا یاێ گردینه که یەکترەکی‎ مابەت بکێن و

یەکم نامەێ تیموتاوس 2:6

ئەیو که وه کەفارەت گیان خوەێ، تاوان ڕزگاری گشت ئایەمیل دا. وه ئی ڕاسیه له وەخت مناسو شاێەتی دریاس،

یەکم نامەێ تیموتاوس 4:12

مەیل با هویچکەسێگ توی وه سەوەو جاێەلێد وه سوک حساود بکێد، بەڵکەم وەناو وتار و کردەوه و مابەت و ئیمان و پاکێ، ئەڕا گشت ئیمانداریل بوه نمونه.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

عبرانییل 8:3

چوینکه هەر کاهن گەوراێگ ئەڕا تاویل داین پیشکەشییل و قوروانیيل دەسنیشان بود. وه ئی بونه، ئی کاهنیشه ئەڕاێ واجوه چشتێگ ئەڕا پیشکەش کردن بیاشتوید.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

عبرانییل 9:23

جا واجو بی ئەو چشتیلی که یەێ نمونه له چشتیل ئاسمانی بوین وەگەرد ئی قوروانیيله پاکەو بون، وەلێ خود چشتیل ئاسمانی وەگەرد قوروانییل خاستر له ئیانه پاکەو بون.

عبرانییل 9:26

ئەڕا ئیه که ئەگەر ئیجوره بویاد، مەسیح باێه له وەخت دامەزراندن جهان، چەن جار رەنج کیشاوی. وەلێ هەر ئەوجورە که هەس ئەیو یەێ جار ئەڕا هەمویشه وه ئاخر گشت دەورەیل ئاشکرا بیه تا وەگەرد قوروانی کردن خوەێ، گونا له بین بوێد.

یەکم پتروس 4:8

گرنگتر له گشتێ، یەکترەکی وه گیان و دڵ مابەت بکێن، چوینکه مابەت، گونایل فرەێگ داپوشنێ.

یەکم یوحەنا 3:16

وه ئیجوره مابەت ناسیم که مەسیح زنەیی خوەێ ئەڕا ئیمه دا و ئیمەیش باێه زنەیی خوەمان ئەڕا برایل بێیم.

یەکم یوحەنا 3:23

حوکمەگەیشێ ئیەسه که، وه ناو عیسا مەسیح کوڕێ ئیمان باریم و یەکترەکی مابەت بکێم، هەر ئەوجورە که وەپێمان حوکم کردێه.

وەحی وه یوحەنا 1:5

له لاێ عیسا مەسیح، ئەو شاێەت ئەمینە و یەکم زگ له ناو مردگیل و فەرمانرەواێ پادشایل زەوی، وه ملدانەو بود. وه ئەیو که ئیمەیش دوس دێرێ و وەگەرد خوین خوەێ ئیمه له گونایلمان ڕزگار کردێه و

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛