ئەفسوسیێل 4:31 - کتاب مقدس به زبان کردی جنوبی - گویش کلهوری

³¹ هەر جور تیەڵی، توڕەیی، کەفلەهەرزی، هاوار کردن، بخت کردن و هەر جور دڵپێسی له خوەدان دویرەو بکەن.

ئەفسوسیێل 4:31 ပူးပေါင်းရင်းမြစ်များ

کاریل ڕەسولەیل 21:30

ئمجا شارەگه گشتێ بیه ئاژاوە! مەردمەگه له هەر لاێگەو هویژم هاوردن و پولوس گردن، له مابەد کیشانێ دەیشت و زویزی دەریل مابەد له پشت سەریان بەسان.

رومیەگان 3:14

«دەمیان پڕ له نووڕ و تیەڵیه.»

یەکم قورنتییل 14:20

ئێ برایل، وەناو دەرک و فام مناڵ نەون، بەڵکەم وەناو خراوی کردن مناڵ بوین. وه چەواشەوه، وەناو دەرک و فام بازڵه بوین.

یەکم قورنتییل 5:8

جا بان ئی جەشن پسەخه نه وەگەرد خەویرترش کویەنه، یانێ خەویرترش دڵپێسی و شەڕئاشویی، بەڵکەم وەگەرد فەتیرەێ ڕاسی و درسی وه جێ باریم.

دویم قورنتییل 12:20

چوینکه له ئەوه ڕخم چود وەختێ بامه ئەڕا لادان ئەوجورە که توام، نوینمەدان و ئیوەیش ئەوجورە که تواین، نوینینەم. نەکێ وەناودان مرافه، حەسویی، توڕه بوین، دشمەنی، بخت کردن، خوسپ کردن، لویتبەرزی و شل شێویایی بوینم.

نامه وە غەلاتییل 5:20

بتپەرەسی و جادوکەری؛ دشمەنی، مرافه، حەسویی؛ توڕەیی، خودپەرەسی، جیایی خستن، دەسەبەنی،

ئەفسوسیێل 4:22

ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

ئەفسوسیێل 4:25

جا، درو بیلنه لا، هەر کامدان وەگەرد هاوساگەێ خوەێ وه ڕاسی قسیه بکێن، ئەڕا ئیه که ئیمه ئەنامیل یەکترەکێم.

ئەفسوسیێل 4:26

«وەختێ توڕەین، هوشدان بود گونا نەکێن»؛ نێلن ڕوژدان تەمام بود و ئیوه هێمراێ توڕه بوین،

نامه وه کولوسییل 3:19

ئێ شوییل، ژنيل خوەدان مابەت بکێن و وەگەردێانەو تونەو نوین.

نامه وه کولوسییل 3:8

وەلێ ئێرنگه باێه گشت ئیانه له خوەدان دویرەو بکێن، یانێ توڕەیی، خەزەو، دڵپێسی، بخت کردن و قسیەيل گەن له دەم خوەدان.

یەکم نامەێ تیموتاوس 3:11

هەر وه ئیجور، ژنیلیانیش باێه سەنگین ڕەنگین بون و نه بختکەر، بەڵکەم هوشیار بون و وه گشت چشتێگ وەفادار بون.

یەکم نامەێ تیموتاوس 3:3

نه سەرخوەشکەر یا زورگو، بەڵکەم دڵنەرم، نه مرافەکەر یا پویل دوس.

یەکم نامەێ تیموتاوس 5:13

بێجگه ئیه، فێر لەمتیکەری و ئی ماڵ ئەو ماڵ گەردین بون و نه تەنیا ڕوژگار وه لەمتیگەری دەنه سەر، بەڵکەم خوسپکەر و فتنیش بون و قسیەيل گە‎ن وه زوان تیەرن.

دویم تیموتاوس 2:23

له باسیل پویچ و وه ڕوی نەفامی دویرەو بگر، ئەڕا ئیه که زانی شەڕیلێگ هەڵگڕنێد.

دویم تیموتاوس 3:3

بێ ئافتوهەست، بێ گوزیشت، بختکەر، زاڵ نوی وه سەر خوەێ، دڕنه، دشمەن خاسێ،

تیتوس 1:7

ئەڕا ئیه که هێوەتکەر کلیسا کاروەدەس خوداس، جا نەبایه وەناو زنەیی چشتێگ بیاشتوی که بوده بایس سەرزەنشتێ. ئەوه نەبایه لویتبەرز بود یا زوی کەفلەهەرز بود یا سەرخوەشکەر یا زورگو بود یا تەمای پویل بیاشتوی،

تیتوس 2:3

هەر ئیجوره، ژنيل سن و ساڵ دار باێه ڕێ رەوشتیان وه حرمەتەو بود. نەباێه بختکەر بون یا گیرودەێ شراو بون، بەڵکەم باێه ئەو چشتێ که خاسه تالیم بێەن،

یاقوب 1:19

برایل عەزیزم، ئیه بزانن: هەر کەس وەناو شنەفتن تن بود، وەناو قسیه کردن کول بود و وەناو توڕه بوینیش کول بود!

یاقوب 3:14

وەلێ ئەگەر وەناو دڵ خوەدان حەسویی تیەڵ و جێخوازی دێرین، وه خوەدان شانازی مەکەن و وه پێچەوانەێ ڕاسی قسیه نەکێن.

یاقوب 4:11

ئێ برایل، خراوی یەکترەکی نەویشن. هەر کەس له براگەێ خوەێ خراو بویشی، یا براگەێ خوەێ ماکوم بکێ، وه ڕاسی وه شەریعەت خراو وەتیه و شەریعەت ماکوم کردێه. وەلێ ئەگەر توی شەریعەت ماکوم بکێ، دیتر نه وەجێ هاوەر شەریعەت، بەڵکەم داوەر ئەویده!

یەکم پتروس 2:1

جا هەر جور دڵپێسی و هەر جور فێڵ و دوڕویی و حەسویی و هەر جور بختێگ له خوەدان دویرەو بکەن.

یەکم یوحەنا 3:12

ئیمه نەبایه جور قائن بویمن، ئەوه که هن ئەو شەڕئاشوه بی و براگەێ خوەێ کوشت. ئەڕا چه کوشتی؟ چوینکه کاریل خوەێ خراو بی و کاریل براگەێ درس بی.

یەکم یوحەنا 3:15

هەر کەسێگ قینێ له براێ خوەێ باێ، خوینکەره، ئیوه زانین که زنەیی ئەبەدی وەناو هویچ خوینکەرێگ نیشتەجێ نیه.

وەحی وه یوحەنا 12:10

ئمجا دەنگ بەرزێگ له ناو ئاسمان شنەفتم که وەتیا: «ئێرنگه نجات و هێز و پادشایی خوداێ ئیمه و دەسڵات مەسیح ئەیو ڕەسیه. چوینکه ئەوه که ئەڕا برایل ئیمه قوڕات دێ که شەو و ڕوژ له نواێ خوداێ ئیمه بخت ئەوانه کەێد، فڕه دریاسه خوار.