ئەفسوسیێل 4:29 - کتاب مقدس به زبان کردی جنوبی - گویش کلهوری

²⁹ هویچ قسیەێ خراوێگ له دەمدان دەرنەچود، بەڵکەم جورێگ قسیه بکەن که وه جێ بود و ئەڕا وه سەر پا ناین مەردم وه کار باێ و تا وه ئەوانه که شنەفن فیز برەسنێد.

ئەفسوسیێل 4:29 ပူးပေါင်းရင်းမြစ်များ

ئنجیل مەتا 5:16

هەرئیجوره بیلن نویردان ئەڕا مەردم بدرەوشێد تا کردەوەیل خاسدان بوینن و باوگدان که ها ناو ئاسمان، جەڵاڵ بێەن.

لوقا 4:22

گشتێ وه خاسێ باسێ کردیان و وه ئەو کەڵام فیز بەخشیه سەریان سڕ مەنوی و وەتیان: «مەر ئیه کوڕ یوسف نیه؟»

یوحەنا 1:37

ئەو دو شاگرده ئی قسیه شنەفتن و کەفتنه شون عیسا.

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

رومیەگان 15:2

باین تا هەر کام له ئیمه وەناو ئەو چشت خاسه که وەناو هاوساگەێ خوەێ دوینی له ئەو باوەته ئەو ئایەمه خوەشنود بکێ تا بوده بایس سەر پا ناینی.

یەکم قورنتییل 14:19

وەلێ وەناو کلیسا زانم خاسه پەنج کەلیمه وه عەقڵ خوەم ئەڕا تالیم مەردم قسیه بکەم، تا ئیه که هەزاران کەلیمه وه زوانێگ‎تر بویشم.

ئەفسوسیێل 4:12

تا ئیمانداریل وه مەسیح ئەڕا کار خزمەت گورجەو بکەن، ئەڕا وه سەرپا ناین جەسەێ مەسیح،

ئەفسوسیێل 4:16

له ئەیوه که گشت جەسه، وه وەسلەێ هەر مەفسەلیگ که ئەڕا ئەوانه گورجەو بیه، بەسیەنه قێ یەک و یەکترەکی گرن. جا وەختێ هەر ئەنامێگ درس کار بکێ، بایس بود جەسه گەورا بود تا خوەێ وەناو مابەت بنێدەێ سەر پاوه.

نامه وه کولوسییل 4:6

قسیەيل ئیوه هەمویشه پڕ له فیز بود و نمەکین، تا بزانین وه هەر کەسێگ چوی باێه جواو بێین.

یەکم تسالونیکییل 5:11

جا یەکان هان بێەن و بەنا بکەن، ئەو جوره که ئێرنگەیش ئی کاره کین.

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

یەکم پتروس 3:1

هەر وه ئیجور، ئیوه ئێ ژنيل، گوش له شوییلدان بتەکنن تا ئەگەر تەنانەت بڕێگ گوش له کەڵام خودا نەتەکنن، بی ئەوه که کەلیمەێگ وه زوان بارین، وه بونەێ ڕێ رەوشت ئیوه ژنیلێان بان وەرەو لاێ کەڵام خودا،

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.