ئەفسوسیێل 4:22 - کتاب مقدس به زبان کردی جنوبی - گویش کلهوری

²² ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

ئەفسوسیێل 4:22 ပူးပေါင်းရင်းမြစ်များ

رومیەگان 6:6

زانیم ئەو ئنسان جارانه که ئیمه بیمن، وەگەردیەو وه سەلیب کیشریا تا جەسەێ گونا پویچەو بود و ویجوره دیتر گیرودەێ گونا نویمن.

رومیەگان 7:11

چوینکه گونا له ڕێ حوکم شەریعەت دەرفەت پەێا کرد، فریوم دا و له ڕێ ئەوه مه دا وەر کوشت.

دویم قورنتییل 11:3

وەلێ ڕخم چود هەر ئەوجورە که حەوا فریو فێڵبازی مارەگه خوارد، فکریلدانیش له ئەو سەرسپردەیی ڕاسەکانی و خاڵسه که ئەڕا مەسیح دێرین، له ڕێ وه دەر بچود.

نامه وە غەلاتییل 1:13

ئیوه تاریف زنەیی ئەوساێ مه له دین جویلەکە شنەفتینه، که چوی ئازار رەسانیامه کلیساێ خودا و تەقالا کردیام خاپوری بکەم.

ئەفسوسیێل 2:3

یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.

ئەفسوسیێل 4:17

ئێرنگه ئیه ئویشم و وەناو خوداوەند شاێەتی دەم که دی نەبایه جور ناجویلەکەیل زنەیی بکێن که ڕێ رەوشتیان وه پێ پویچێ فکریلێانه.

ئەفسوسیێل 4:25

جا، درو بیلنه لا، هەر کامدان وەگەرد هاوساگەێ خوەێ وه ڕاسی قسیه بکێن، ئەڕا ئیه که ئیمه ئەنامیل یەکترەکێم.

ئەفسوسیێل 4:31

هەر جور تیەڵی، توڕەیی، کەفلەهەرزی، هاوار کردن، بخت کردن و هەر جور دڵپێسی له خوەدان دویرەو بکەن.

نامه وه کولوسییل 2:11

وەناو مەسیح خەتەنەیش کریاین، خەتەنەێگ که وه دەس نەکریاس. ئی خەتەنه وەگەرد له وەر دەر هاوردن شەخسیەت جەسەیه، وەگەرد خەتەنەێگه که مەسیح کردێه.

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

عبرانییل 12:1

جا چوینکه ئیجور هەور فره گەوراێگ له شاێەتیل دەورەمان کردنه، باین هەر بار و هەر گوناێگ که ئیجوره سەخت لچکێده پێمانەو، له خوەمان دویرەو بکێم و باین تا وەگەرد بەردەوام بوین له موسابقەێگ که له نوامان نریاس، بدەویم.

عبرانییل 3:13

بەڵکەم هەرچێ ڕوژه، تا وەختێگ که وەپێ ئویشرێ ’ئیمڕو‘ یەکترەکی هان بێین، تا هویچ کەسێگ له ئیوه وه فێڵ گونا، دڵڕەقەو نود.

یاقوب 1:21

جا هەر جور گەنیان و هەر شونه پایگ که له شەڕئاشویه له خوەدان دویرەو بکەن و وه بێ فیسی کەڵامێگ بگرنەوەر که وەناودان کاڵیاس و تویەنێ گیاندان نجات بێید.

یاقوب 1:26

ئەگەر کەسێگ خوەێ وه خوداپەرەس بزانێ و هەوسار زوانی له دەسیەو نود، بەڵکەم دڵ خوەێ گول بێی، خوداپەرەسی ئەو ئایەمه هویچ نیەتیەرزی.

یەکم پتروس 1:18

چوینکه زانين که له ڕێ رەوشت زنەیی پویچێگ که له باوگیلدان وه میراتی بردوین، ڕزگاریدان سەنریاس، نه وه چشتیلی که له بین چود هەر جور نقره یا تەڵا،

یەکم پتروس 4:3

ئەڕا ئیه که جاران وه ئەنازەێ کافی ژیان خوێان له وه جێ هاوردن ئەو چشته که قەومیل بتپەرەس خوەشیانه لێ تێد، خەرج کردینه و ڕوژگار وه هەرزەی و هەواوهەوەس و سەرخوەشی و عەێاشی و بەزمەیل شراوخوەری و بتپەرەسی قیزهاوەر داینەسەێ سەر.

دویم پتروس 2:13

له جێ ئەو خراویه که کردنه، خراوی دوینن. خوەشنودیان ئیەسه له ڕوژ ڕوشن شاوەت هەواوهەوەسیل خوێان وه جێ بارن. ئەوانه لەکەیل نەنگیگن که تەنانەت وەختێ له ناو جەشن هانەگەرددان، له فێڵێل خوێان کەیف کەن.

دویم پتروس 2:7

و ئەگەر لوت سالحان که له ڕێ رەوشت هەرزەیی ئەو ئایەمیله شەڕئاشوه فره پەشێو بوی ڕزگار کرد،