ئەفسوسیێل 4:21 - کتاب مقدس به زبان کردی جنوبی - گویش کلهوری

²¹ هەڵبەت ئەگەر گومان بکێم که ئیوه له باوەت ئەیو شنەفتینه و وه پێ ئەو ڕاسیه که ها ناو عیسا، وەناو ئەیو تالیم گردین.

ئەفسوسیێل 4:21 ပူးပေါင်းရင်းမြစ်များ

ئنجیل مەتا 17:5

هێمراێ پتروس داشت قسیه کردیا که لەناکاوا هەوریگ درەوشیاێ ساێەڕ خسته ملێان و دەنگێگ وەناو هەورگەوه هات که: «ئیەسه کوڕه عەزیزەگەم که له لێ فره خوەشنودم، گوش بێەنه لێ.»

لوقا 10:16

«هەر کەس گوش بێیده ئیوه، وه من گوش داس؛ هەر کەیش ئیوه قەبوڵ نەکێ، مه قەبوڵ نەکردیه؛ وەلێ هەر کەس مه قەبوڵ نەکێ، ئەوه که مه کل کردێه قەبوڵ نەکردیه.»

یوحەنا 1:17

چوینکه شەریعەت له ڕێ موسای پەێخەمەر دریاد؛ فیز و ڕاسی له ڕێ عیسا مەسیحەو هات.

یوحەنا 10:27

پەسەگانم دەنگم شنەفن و منیش ناسمێان و وەشونمەو تیەن.

یوحەنا 14:17

یانێ روح ڕاسی که دنیا نیەتویەنی قەبوڵێ بکێ، چوینکه نه دوینیدێ و نه ناسێدێ؛ وەلێ ئیوه ناسینێ، چوینکه له لاێ ئیوه نیشتەجێه و وەناو ئیوه مینێ.

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

رومیەگان 10:14

ئێ چوی کەسێگ بچڕن که ئیمانه پێ ناوردنه؟ چوی وه کەسێگ ئیمان بارن که هویچ وەخت له باوەتێەو نەشنەفتنه؟ چوی بشنەفن، بی ئیه که کەسێگ ئەڕاێان بانگەوازی بکێ؟

دویم قورنتییل 1:20

چوینکه گشت وادەیل خودا وەناو مەسیح ’ئەرێه‘ و وەئی بونه وەناو ئەوەسه که ئیمه ’ئامین‘ وه زوان تیەرێم، تا خودا جەڵاڵ پەێا بکێ.

دویم قورنتییل 11:10

وه ئەو ڕاسی مەسیحه که ها ناو من قەسەم، هویچکەس وەناو مەنتەقەیل ئەخائیه ئی شانازی منه له لێم نیەسیندێ.

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

ئەفسوسیێل 2:17

ئەیو هات و مزگانی ئاشتی و سڵامەتی وه ئیوه که دویر بین و وه ئەوانه که نزیک بین، جار دا.

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

نامه وه کولوسییل 2:7

وەناو ئەیو ریشه بکوتن و بنریەنە سەرپاوه و هەر ئەوجورە که تالیم گردین، وەناو ئیمان بەردەوام بون و نیقەڵتوز شوکر کردن بون.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.