ئەفسوسیێل 4:18 - کتاب مقدس به زبان کردی جنوبی - گویش کلهوری

¹⁸ فامێان تیەریکەو بیه و وەبونەێ نەزانی که ها ناوێان که دڵڕەقی بیەسه بایسێ، له زنەیی خودا دویرەو کەفتنه.

ئەفسوسیێل 4:18 ပူးပေါင်းရင်းမြစ်များ

ئنجیل مەتا 13:15

چوینکه ئی قەومه دڵیان ڕەقەو بیه، گوشیلێان سەنگینەو بیه، چەویلیان نویقاننه، نەخواێ وه چەویلیان بوینن و وه گوشیلێان بشنەفن و وه دڵیلێان بفامن و هەڵوگەردیەن و منیش شەفاێان بێەم.“

مەرقوس 3:5

عیسا، وه توڕەێگەو نوڕیه کەسیلێ که وه دەورو وەرێ بین، وه دڵڕەقیان خەمبار بی، وه پیاگه وەت: «دەسد دریژەو بکه.» ئەویش دەسێ دریژەو کرد و دەسێ ساقەو بی.

یوحەنا 12:40

«ئەیو چەویلیان کور و دڵیان ڕەقەو کردێه، تا نەخواێ وه چەویلیان بوینن و وه دڵیان بفامن و هەڵوگەردیەن و شەفاێان بێەم.»

کاریل ڕەسولەیل 17:30

خودا وه جاران وه ڕوی ئیجور نەزانیگ چەوێ بەسیاد. وەلێ ئێرنگه وه گشت مەردم وه هەر شونێگ دەستور دەی که توبه بکەن.

کاریل ڕەسولەیل 3:17

«ئێرنگه برایلم، زانم که ئیوەیش جور گەورایلدان له سەر نەزانی ئی کاره کردینه.

رومیەگان 1:28

وەبونەێ ئیه که ئەڕا ئەوانه ناسین خودا نیەتیەرزیاد، خودایش ئەوانه هیشته ناو فکریل ناشیرێن تا کارێگ بکەن که نەبایه بکرێید.

رومیەگان 11:25

ئێ برایل، نیەتوام له ئی رازه بی خەوەر بوین - نەخواێ خوەدان وه زانا بزانین - دڵڕەقی وه بەشێگ له ئێسرائیل حوکم فەرما بیه، تا وەختێ که ژمارەێ ناجویلەکەیلێگ که وه مەسیح ئیمان تیەرن، کامڵەو بود.

رومیەگان 11:7

جا چه؟ ئیەک ئێسرائیل ئەو چشته که وەشونێ بی، وه دەس ناورد. هەڵوژاردەگان وه دەس هاوردن، وەلێ ئەو باقی تویش دڵڕەقی هاتن.

رومیەگان 2:19

ئەگەر دڵنیایدن که تو خوەد ڕێنمای کوریلید و نویریگید ئەڕا ئەوانه که هانه ناو تیەریکی و

یەکم قورنتییل 1:21

چوینکه له ئەوره که بەنا وه زانیاری خودا، جهان نەتویەنست وه پێ زانیاری خودا بناسێ، خودا ئەوجورە سەلاح زانست که وەگەرد بانگەوازی گیلگەوجانه، کەسیلێ که ئیمان تیەرن، نجات بێی.

یەکم قورنتییل 2:8

هویچکام له فەرمانرەوایەێل ئی دەورانه ئی زانیاریه نەفامین، چوینکه ئەگەر ئەوه بفامیان، خوداوەند جەڵاڵ نیەکیشیانی سەلیب.

دویم قورنتییل 3:14

وەلێ زەینێان تیەریکەو بی. چوینکه تا وه ئیمڕو، هەر وەخت پەێمان کویەنه خوەنن ئەو ڕویبەنه مەنیه و لا نەوریاس، چوینکه تەنیا وه وەسلەێ مەسیح لاچود.

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

نامه وە غەلاتییل 4:8

وەرجه ئیه، وەختێ خودا نیەناسیاین، خوڵامی چشتیلی کردیاين که وه ڕاسی خودا نین.

ئەفسوسیێل 2:1

ئیوه وەناو خەتایل و گونایلدان مردوین و

ئەفسوسیێل 2:12

وه هویردان بود که وه ئەو وەخته له مەسیح جیا و وەناو قەوم ئێسرائیل غەریوه و له پەێمانیل واده بێگانه بین و بی ئمید و بی خودا وه ئی جهانه دیاینی سەر.

نامه وه کولوسییل 1:21

ئیوەیش زەمانێگ وەگەرد خودایا بێگانه و وەناو فکریل خوەدان دشمەن ئەیو بین و کاریل شەڕئاشویی کردیاین.

یەکم تسالونیکییل 4:5

نەبایه هەر جور ناجویلەکەیلێگ که خودا نیەناسن، دەسخوەشەێ هەواوهەوەس شاوەت بوین.

عبرانییل 5:2

ئەوه تویەنێ وه نەرمی وەگەرد ئەوانه که نەزان و گومڕان ڕێ رەوشت بکێ، چوینکه خویشێ تویش بی هازیه.

عبرانییل 9:7

وەلێ تەنیا کاهن گەورا چیاده ناو بەش دویم، ئەویشه تەنیا ساڵی یەێ جار و هەمویشەیش خوین قوروانی وەگەرد خوەێ داشت تا ئەڕا خوەێ و ئەڕا گونایلێ که قەوم نەزانسته کردوین، پیشکەش بکێ.

یاقوب 4:4

ئی مەردم داوانپێس، مەگەر نيەزانين که دوسی وەگەرد ئی جهانه دشمەنی وەگەرد خوداس؟ جا هەر کەسێگ وەشون دوسی وەگەرد جهان بود، خوەێ کەێده دشمەن خودا.

یەکم پتروس 1:14

هەر جور مناڵیلی که گوش تەکنن، هاوشیوەێ هەواوهەوەسیلێگ که له دەورەیل نەفامی جاراندان داشتین، نەون.

یەکم یوحەنا 2:11

وەلێ ئەوه که قینێ له براێ خوەێ تێ، ها ناو تیەریکی و وەناو تیەریکی ڕێ کێ. نیەزانێ وەرەو کوره چود، چوینکه تیەریکی چەویلی کور کردێه.