ئەفسوسیێل 4:15 - کتاب مقدس به زبان کردی جنوبی - گویش کلهوری

¹⁵ له جێ ئەوه وه وەتن ڕاسی وەناو مابەت، باێه له هەر لاێگەو وەناو ئەیو که سەره، یانێ مەسیح، گەوراوه بویمن.

ئەفسوسیێل 4:15 ပူးပေါင်းရင်းမြစ်များ

یوحەنا 1:47

وەختێ عیسا دی نەتەنائیل وەرەو لاێ تێد، له باوەتێ وەت: «بنوڕن، ئیه پیاێ ئێسرائیلی ڕاسەکانیێگە که هویچ فێڵێگ وەناوێ نیه!»

رومیەگان 12:9

مابەت باێه دویر له دوڕویی بود. له شەڕئاشویی قیندان باێ و قورس بلچکێینه ئەو چشته که خاسه.

یەکم قورنتییل 11:3

وەلێ توام بزانین که سەر هەر پیاێگ مەسیحه، سەر ژن شویەگەێه و سەر مەسیح خوداس.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

دویم قورنتییل 8:8

ئی دەستوره نیەمه پێدان، بەڵکەم وه بەراورد وەگەرد تەقالاێ کەسیل تر توام ڕاسی مابەتدان ئەزمون بکەم.

ئەفسوسیێل 1:22

خودا گشت چشتێگ خسته ژێر پاێ مەسیح و دیاری کرد که ئەیو ئەڕا کلیسا سەر گشت چشتێگ بود،

ئەفسوسیێل 1:4

هەر ئەوجورە که ئەیو وەرجه دامەزرانن جهان، ئیمه وەناو مەسیح هەڵوژارد تا لەلاێ خودا موقەدەس و بی نەخس بویمن. وەناو مابەت،

ئەفسوسیێل 2:21

وەناو مەسیح عیسا گشت ئی بەنا درێیده قێ یەکا و وێنەێ مابه‎دیگ موقەدەس وەناو خوداوەند نرێیده پاوه.

ئەفسوسیێل 4:25

جا، درو بیلنه لا، هەر کامدان وەگەرد هاوساگەێ خوەێ وه ڕاسی قسیه بکێن، ئەڕا ئیه که ئیمه ئەنامیل یەکترەکێم.

ئەفسوسیێل 5:23

چوینکه شوی سەر ژنه، ئەوجورە که مەسیح سەر کلیساس و کلیسا جەسەیه، خویشێ نجات دەر کلیساس.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

یەکم پتروس 2:2

هەر جور مناڵه کوڕپەیل، تاسەێ شیر ناب روحانی بوین تا وه مەیەت ئەوه ئەڕا نجات، گەوراوه بوین،

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.

یەکم یوحەنا 3:18

ئێ ڕوڵەیل ورد، بان مابەت بکێم، نه وه وتار و زوان، بەڵکەم وه کردەوه و ڕاسی.