ئەفسوسیێل 4:14 - کتاب مقدس به زبان کردی جنوبی - گویش کلهوری

¹⁴ ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

ئەفسوسیێل 4:14 ပူးပေါင်းရင်းမြစ်များ

ئنجیل مەتا 11:7

وەختێ شاگردیل یەحیا چین، عیسا له باوەت یەحیا شرو کرده قسیەو وه جەماێەت وەت: «ئیوه چینه ناو بیاوان تا چ چشتێگ بوینین؟ چین تا زەلێگ بوینین که وا شەکنێدەوێ؟

ئنجیل مەتا 24:11

پەێخەمەریل دروەکانی فرەێگ هەڵسن و قێر فرەێگیش له ڕێ دەر کەن.

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

کاریل ڕەسولەیل 23:21

داواکاریان قەبوڵ مەکه، چوینکه فرەتر له چل نەفەر له لێان ئەڕاێ کوڵ گردنه. قەسەم خواردنه تا نەکوشنێ، نه بخوەن و نه بنوشن. ئێرنگه گورجەو بینه و چەوەڕێ ئیەنە داواکاریان قەبوڵ بکێ.»

یەکم قورنتییل 12:2

زانين ئەو وەخته که بتپەرەس بین ڕێ گوم کردوین و وەرەو لاێ بتیل کەڕ و لاڵ کیشریاوین، وه هەر لاێگەو که ئەوانه بکیشیانەدان.

یەکم قورنتییل 14:20

ئێ برایل، وەناو دەرک و فام مناڵ نەون، بەڵکەم وەناو خراوی کردن مناڵ بوین. وه چەواشەوه، وەناو دەرک و فام بازڵه بوین.

یەکم قورنتییل 3:19

وەبونەێ ئیه که زانیاری ئی جهانه له وەر چەو خودا نەزانیه. ئەوجورە که وەناو کتاو ئەیوب نویسریاس: «زانیاریل تویش فێڵبازی خوێان تیەرێ.»

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

نامه وە غەلاتییل 3:1

ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

ئەفسوسیێل 6:11

چەک خودا وه تەمامی و حساوی بکەنه وەر تا بتویەنێن وه نوای فێڵبازییل ئبلیس بوسین.

یەکم نامەێ تیموتاوس 3:6

جا نوئیمانیش نود، نەخواێ لویتبەرز بود و جور ئبلیس تویش ماکومیەت باێد.

دویم تیموتاوس 1:15

ئاگاداری که نیشتەجێیل ناوچەێ ئاسیا، گشتێان له لێم ڕوی هەڵوگەرداننه که فیگلوس و هرموگنس له ئەوانەنە.

دویم تیموتاوس 3:13

وەلێ ئەوانه که کارێان شەڕئاشویه و فێڵبازن وەناو خراوی چنه نوا؛ گول دەن و گول خوەن.

دویم تیموتاوس 4:3

چوینکه زەمانێگ تێد که مەردم تاموڵ شنەفتن تالیم درس نێرن بەڵکەم ماموستایلێگ وه دەور خوێان گردەو کەن تا ئەو چشته که گوشیلێان تواێ له ئەوانه بشنەفن و وەگەرد هەواوهەوەس ئەوانه جور دەر تێد و

عبرانییل 13:9

وەگەرد تالیمیل جورواجور و عەڵاجوی له ڕێ دەر نەچین؛ چوینکه خاسه که دڵ ئنسان له فیز وەقەوەتەو بود، نه له خواردەمەنیێلێ که ئەڕا کەسیلێگ که خوێان وەقفێ کردنه، هویچ نەفێگ نیاشتیه.

یاقوب 1:6

وەلێ وه ئیمان داوا بکێد و هویچ شک وه دڵ نارێ، چوینکه کەسێگ که شک دێرێ، مینێده تاف دەریا که وا بێدێ و خیدی هەر لاێگەو.

یاقوب 3:4

بنوڕنه کەشتییل: هەرچەن فره گەوران و وەگەرد واێیل هێزداره که وەرەو نوا چن، وەلێ وەگەرد سوکان فره بویچگیگ وه هەر لاێگەو که ناخودا بتواێ، بریەن.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

یەکم یوحەنا 2:19

ئەوانه له ناومان چین، وەلێ له ئیمه نوین. چوینکه ئەگەر له ئیمه بویان، وەگەردمان مەنیان. وەلێ چین تا مالوم بود که هویچکامێان له ئیمه نوین.

یەکم یوحەنا 2:26

ئیانه ئەڕادان له باوەت کەسیلێ نویسم که تەقالا کەن تا گولدان بێەن.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

یەهودا 1:12

ئیانه وەناو مێوانییل پڕ مابەتدان هەر ئەوجورە که رخێان نیەچود و وەگەرددانەو خوەن و نوشن، جور تاش کەمەریلێگن که هانه ژێر ئاو که وه چەو نوینریەن؛ شوانیلێگن که تەنیا خوێان پەروار کەن؛ هەوریل بی وارانێگن که وا ڕانیەسێان و داریل بی بەر ئاخر پاێیزن که دو جار مردنه و له ریشه دەر هاتنه.

وەحی وه یوحەنا 19:20

ئەو گیانەوەر دڕنه وەگەرد ئەو پەێخەمەر دروەکانیه که وه لاێ ئەوه نیشانه و موجزەیل ئاشکرا کردوی، گیر هاتن. پەێخەمەر دروەکانی وەگەرد نیشانه و موجزەیل خوەێ کەسیلێگ گول دا که نیشانەێ ئەو گیانەوەر دڕنه گردوینه وەر و پێکەرەگەێ پەرەسیان. ئەوانه هەردگێان زنی فڕه دریانه ناو دەریاچەێ ئاگرێگ که وه گوگرد گڕانه.