ئەفسوسیێل 4:13 - کتاب مقدس به زبان کردی جنوبی - گویش کلهوری

¹³ تا وەختێ که گشتمان وه یەکەو بوین ئیمان دەس پەێا بکێمن و هەر ئیجوره وه یەکەو بوین ناسین کوڕ خودا، تا چەنه ئایەمێگ کامڵ گەورا بویمن، تا چەنه پڕی باڵای مەسیح گەورا بویمن.

ئەفسوسیێل 4:13 ပူးပေါင်းရင်းမြစ်များ

ئنجیل مەتا 11:27

باوگم گشت چشتێگ وه مه سپاردیه. هویچکەس کوڕ نیەناسێ بێجگه باوگ، هویچکەیش باوگ نیەناسێ بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.

یوحەنا 1:16

پڕی ئەیو نسیو گشتمان بیه، فیز له بان فیز.

یوحەنا 16:3

ئی کاريله کەن، چوینکه نه باوگ ئاسمانی ناسینه و نه مه.

یوحەنا 17:21

تا ئەوانه گشتێان یەکی بون، ئێ باوگه، هەر ئەوجورە که تو هایده ناو مه منیش هامه ناو توی. با ئەوانیش وەناو ئیمه بون، تا جهان ئیمان بارێ تو مه کل کردیده.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

یوحەنا 6:69

ئیمه ئیمان هاوردیمنه و زانستیمنه که تو ئەو قودوس خودایده.»

کاریل ڕەسولەیل 4:32

گشت کەسیلێ که ئیمان هاوردوین یەێ دڵ و یەێ گیان بین، هویچکەسیش نەوەتیاد چشتێ له دارایەگەێ هن خوێه، بەڵکەم وەناو گشت چشتێگ وەگەرد یەکا هاوبەش بین.

یەکم قورنتییل 1:10

ئێ برایل، وه ناو خوداوەندمان عیسا مەسیح لاڵکمه پێدان که بکەفینه یەکا و وەناودان دودەسەیی نود، بەڵکەم وەناو فکر و رأی پشت یەک بگرن.

یەکم قورنتییل 14:20

ئێ برایل، وەناو دەرک و فام مناڵ نەون، بەڵکەم وەناو خراوی کردن مناڵ بوین. وه چەواشەوه، وەناو دەرک و فام بازڵه بوین.

یەکم قورنتییل 2:6

وه ئی حاڵەو، ئیمه ەوناو بازڵەێل، زانیاری جار دیمن، هەرچەن ئی زانیاریه هن ئی دەورانه یا فەرمانرەوایەێل ئی دەورانه نیه که ماکوم وه نابودین.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

نامه وە غەلاتییل 4:19

ڕوڵەیلم، ئەڕادان وەدواره ژان زایێن کیشم تا وەختێ مەسیح وەناودان وێنه بگرێ،

ئەفسوسیێل 1:17

که خوداێ خوداوەندمان عیسا مەسیح، ئەیو باوگ پڕ جەڵاڵه، روح زانیاری و وەحی ئەڕا ماریفەت خوەێ بوەخشێده پێدان،

ئەفسوسیێل 1:23

کلیساێگ که جەسەێ ئەیوه، یانێ پڕی ئەیو که گشت چشتێگ له هەر لاێگەو پڕەو کەی.

ئەفسوسیێل 2:15

نەریتیلێ که وەناو حوکمیل شەریعەت بی، پویچەڵەو کرد تا وەناو خوەێ وه جاێ هەردگێان یەێ ئایەم تازه درس بکێ تا ئاشتی و سڵامەتی وه دی بارێ.

ئەفسوسیێل 4:12

تا ئیمانداریل وه مەسیح ئەڕا کار خزمەت گورجەو بکەن، ئەڕا وه سەرپا ناین جەسەێ مەسیح،

ئەفسوسیێل 4:3

فڕه تەقالا بکەن تا ئەو یەکی بین روح خودا، وه مەیەت بەن ئاشتی و سڵامەتی بپارێزنن.

ئەفسوسیێل 4:5

یەێ خوداوەند، یەێ ئیمان، یەێ خوسڵ تەعمید؛

نامەێ فیلیپییل 3:10

تا مەسیح و هێز زنیەو بوینی بناسم و وەناو رەنجیل ئەیو بەشدار بوم و وەناو مردنێ هاوشیوەێ بوم،

نامەێ فیلیپییل 3:8

وەڕاسی گشت چشتێگ وەبونەێ ناسین خوداوەندم مەسیح عیسا که باێەختر له هەر چی چشته، زیان ژمارم. وەبونەێ ئەیو گشت چشتێگ له دەس دامه و هەر جور گناڵخه وه حساو تیەرم تا مەسیح وه دەس بارم و

نامه وه کولوسییل 1:28

ئیمه مەسیح بانگەوازی کيمن و وه هەر کەسێگ هەڕەشه دیم و وه کەماڵ زانیاری گشتیەکی تالیم دیم، تا گشتیەکیگ بازڵه وەناو مەسیح باریمنه ئەڕا لاێ خودا.

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

عبرانییل 5:14

وەلێ خواردەمەنی وه قەوەت هن بازڵەیله هن ئەوانه که هێز هەڵسەنگاننیان، وەگەرد تەمرینیل هەمویشەێ جوری پەروەرده کردنه که خاس و خراو له یەک جیا بکەن.

دویم پتروس 1:4

ئەیو وه وەسلەێ ئیانه وادەیل گران قیمەت و فره گەوراێ خوەێ وەپێمان بەخشیه، تا له ڕێ ئەوانه هاوبەش سریشت خودایی بوین و له گە‎نیانیگ که له مەیل گونا ها ناو دنیا ، دەر بچین.

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.