ئەفسوسیێل 4:12 - کتاب مقدس به زبان کردی جنوبی - گویش کلهوری

¹² تا ئیمانداریل وه مەسیح ئەڕا کار خزمەت گورجەو بکەن، ئەڕا وه سەرپا ناین جەسەێ مەسیح،

ئەفسوسیێل 4:12 ပူးပေါင်းရင်းမြစ်များ

لوقا 22:32

وەلێ من ئەڕا تو دوعا کردم تا ئیماند وه کیس نەچود. جا وەختێ هاتیدەو، ئیمان براگاند وه قەوەتەو بکه.»

کاریل ڕەسولەیل 1:17

چوینکه ئەوه یەکی له ئیمه وه حساو هاتیاد و بەشێگ وەناو ئی خزمەته داشت.»

کاریل ڕەسولەیل 1:25

تا ئەو خزمەت و ڕسالەته بگرێده مل، خزمەتی که یەهودا ڕوی له لێ هەڵوگەردان، تا بچوده سەر شونێ که باێه بچیاد.»

کاریل ڕەسولەیل 11:23

وەختێ ڕەسیه ئەوره و فیز خودا دی، دڵشادەو بی و گشتێان هان دا تا وه کوڵ دڵەو وه خوداوەند وەفادار بمینن،

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

کاریل ڕەسولەیل 9:31

جا کلیسا وه سەرئانسەر ناوچەێل یەهودیه و جەلیل و شار سامره ئارامەو بی، پا گردیا و له ترس خوداوەند وه سەر بردیاد و وه ئارامی روح‌القودوس فرەوه بویان.

رومیەگان 12:5

ئیمەیش هەرچەن فرەیمن، وەناو مەسیح یە جەسەیمن و هەر کام، گله وه گله ئەنامیل یەکترەکێم.

رومیەگان 12:7

ئەگەر خزمەت کردنه، وەناو خزمەت کردنمان. کەسێگ که تالیم دەێ، وەناو تالیمەگەێ.

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

رومیەگان 15:14

ئێ برایلم، مه خوەم له ئیوه دڵنیام که خودان له خاسی پڕین و له هەر چی ماریفەته پڕین و تویەنین یەکترەکی تالیم بێین.

رومیەگان 15:2

باین تا هەر کام له ئیمه وەناو ئەو چشت خاسه که وەناو هاوساگەێ خوەێ دوینی له ئەو باوەته ئەو ئایەمه خوەشنود بکێ تا بوده بایس سەر پا ناینی.

رومیەگان 15:29

زانم که وەختێ بامه ئەڕا لادان، وه پڕی بەەرکەت مەسیح تیەم.

یەکم قورنتییل 12:27

ئێرنگه ئیوه جەسەێ مەسیحین و گله وه گلەدان ئەنامیل ئەیوین.

یەکم قورنتییل 12:7

خەڵاتی روح خودا وەناو هەر کەسێگ خوەێ ئاشکرا کێ ئەڕا خێریەت گشتیەکی.

یەکم قورنتییل 14:12

له باوەت ئیوەیش ئیجورەسه. له ئەوره که تاسەبار خەڵاتییل روح خوداین، تەقالا بکەن که وەناو بنیاد ناین کلیسا بکەفیه نوا.

یەکم قورنتییل 14:14

چوینکه ئەگەر من وه زوانێگتر دوعا بکەم، روحم دوعا کێ، وەلێ عەقڵم سودێگ نیەوێ.

یەکم قورنتییل 14:26

جا ئێ برایل مەبەست چەس؟ وەختێ که وه دەور یەکەو گردە‎و بوین، هەر کەس بەیتێگ، تالیمێگ، وەحیێگ، قسیه کردن وه زوانێگتر یا هەڵوگەرداننێ دێرێ. ئیانه گشتێ باێه ئەڕا بنیاد ناین کلیسا وه کار بچود.

دویم قورنتییل 12:19

ئی هەمگه وەخته فکر کردیاین که ئيمه له خوەمان وەنوادان دەفا کردیمنه؟ نەخیر، ئیمه لەلاێ خوداوه جور کەسیلێگ قسیه کەیمن که هانه ناو مەسیح، هەر چی کيمن، ئێ عەزیزەیل، ئەڕا بنیاد ناین ئیوەس.

دویم قورنتییل 13:11

دەس ئاخر، ئێ برایل، شاد بوین؛ ئەڕا کامڵ بوین و تەمامی تەقالا بکەن؛ ئاموژیاری بگرن؛ یەدەنگ بوین؛ وەناو ئاشتی و سڵامەتی زنەیی بکەن، که خوداێ مابەت و ئاشتی و سڵامەتی وەگەرددانەو مینێد.

دویم قورنتییل 13:9

چوینکه هەر وەخت ئیمه بی هاز بویمن و ئیوه هێزدار، بایس خوەشیمانه، جا دوعای ئیمه ئیەسه که ئیوه کامڵەو بوین.

دویم قورنتییل 3:8

ئێ خزمەتی که له ڕێ روح خوداس، جەڵاڵ فرەترێگ نێری؟

دویم قورنتییل 4:1

ئمجا وەگەرد داشتن ئیجور خزمەتێگ که وەبونەێ ئەو بەزەیی خودا دێریم، دڵسەرد نیویمن.

دویم قورنتییل 5:18

ئیانه گشتێ له خوداس که له ڕێ مەسیحەو ئیمه وەگەرد خوێەو ئاشتی داس و خزمەت ئاشتی سپاردێەسه ئیمه.

دویم قورنتییل 6:3

ئیمه کوچگ نیەخیمنه نوای ڕێ کەسێگ، تا هەله له خزمەتمان نەگرن،

دویم قورنتییل 7:1

ئێ عەزیزەیل، ئیمه که ئی وادەیله دێریم، بان خوەمان له هەر ناپاکی جەسه و روح پاکەو بکێم و وەناو زاورچین له خودا، موقەدەس بیێن وه کەماڵ برەسنێم.

ئەفسوسیێل 1:23

کلیساێگ که جەسەێ ئەیوه، یانێ پڕی ئەیو که گشت چشتێگ له هەر لاێگەو پڕەو کەی.

ئەفسوسیێل 4:16

له ئەیوه که گشت جەسه، وه وەسلەێ هەر مەفسەلیگ که ئەڕا ئەوانه گورجەو بیه، بەسیەنه قێ یەک و یەکترەکی گرن. جا وەختێ هەر ئەنامێگ درس کار بکێ، بایس بود جەسه گەورا بود تا خوەێ وەناو مابەت بنێدەێ سەر پاوه.

ئەفسوسیێل 4:29

هویچ قسیەێ خراوێگ له دەمدان دەرنەچود، بەڵکەم جورێگ قسیه بکەن که وه جێ بود و ئەڕا وه سەر پا ناین مەردم وه کار باێ و تا وه ئەوانه که شنەفن فیز برەسنێد.

ئەفسوسیێل 4:4

چوینکه یەێ جەسه و یەێ روح هەس، ئەوجورەکە ئەڕا یەێ ئمید که هن داوەتەگەدانە دەنگ کریاینه؛

نامه وه کولوسییل 1:24

ئێرنگه له رەنجیلێ که وەبونەێ ئیوه کیشام خوەشاڵم و هەر کەم کەسری بەردیلی که مەسیح وەبونەێ جەسەێ یانێ کلیسا کیشاس، وەناو جەسەێ خوەم کامڵەو کەم.

نامه وه کولوسییل 1:28

ئیمه مەسیح بانگەوازی کيمن و وه هەر کەسێگ هەڕەشه دیم و وه کەماڵ زانیاری گشتیەکی تالیم دیم، تا گشتیەکیگ بازڵه وەناو مەسیح باریمنه ئەڕا لاێ خودا.

نامه وه کولوسییل 4:17

وه ئارخیپوس بویشن: «هوشد بود تا خزمەتی که وەناو خوداوەند پەێا کردیده وه کەماڵ برەسنێ.»

یەکم نامەێ تیموتاوس 1:12

سپاس خوداوەندمان مەسیح عیسا که وه مه تویەناێ داس و شایسەێ دڵنیایی وه حساو هاورد و وه خزمەت خوەێ هەڵوژارد.

دویم تیموتاوس 4:11

تەنیا لوقا ها گە‎رد منەو. مەرقوس هەڵگر وەگەرد خوەد بارێ، چوینکه ئەڕا خزمەتەگەم فایده دێرێد.

دویم تیموتاوس 4:5

وەلێ توی وه هەر حاڵێگەو هوشد بود؛ سەختییل ئەڕا خوەد هامارەو بکه؛ کار مزگانیدەر وه جێ بار و خزمەت خوەد وه کەماڵ وه جێ بار.

عبرانییل 13:17

گوش له ڕابەريلدان بتەکنن و له لێان پێرەوی بکێن؛ چوینکه ئەوانه چەویان ها له گیانیل ئیوه و باێه حساو بیەنەو. بیلێن تا ئەوانه ئیه وه شادمانی بکەن نه وەگەرد ئاخ هەڵکیشان و ناڵین، چوینکه ئیه وه نەفدان نیه.

عبرانییل 6:1

جا باین دەرسیل سەرەتایی له باوەت مەسیح بنێمنە پشت سەر، وەرەو بازڵه بوین بچیمنه نوا و یەێ جارتر بنەما نەنێیمنه مل ئیانه، یانێ مل توبه له کاریل وەدەرد‎نەخوەر و ئیمان وه خودا