ئەفسوسیێل 3:8 - کتاب مقدس به زبان کردی جنوبی - گویش کلهوری

⁸ هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

ئەفسوسیێل 3:8 ပူးပေါင်းရင်းမြစ်များ

لوقا 14:22

خوڵامەگه وەت: ”گەورەم، دەستورد ئەنجام دام، وەلێ هێمراێ جا هەس.“

یوحەنا 1:16

پڕی ئەیو نسیو گشتمان بیه، فیز له بان فیز.

کاریل ڕەسولەیل 5:41

ڕەسولەگان وه شادی لەلاێ ئاڵ شورا چینه دەیشت، چوینکه شایسه وه حساو هاتن که وەبونەێ ناو عیسا سوکەو بکریەن.

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

رومیەگان 11:33

ئای چەنێ قویله دەوڵەمەنی و زانیاری و ماریفەت خودا؛ نیود له ‎داوەریەگانێ سەر دەر باری و نیود ڕێەگانێ بفامێ.

رومیەگان 12:10

وەگەرد مابەت براێانه، یەکترەکی دوس بیاشتوین. وەناو حرمەت ناین وه یەکترەکی، بێەنه نوای یەکانەو.

رومیەگان 2:4

یا دەوڵەمەنی مێرەبانی و سەور و تاموڵ خودا سوکەو کەێد و نیەزانێ که مێرەبانی خودا له ئەو باوەتەسه که تو وەرەو توبه بوێد؟

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

یەکم قورنتییل 15:9

چوینکه من وەناو ڕەسولەیل له گشتێان کەمترم و شایسەێ ئەوه نیم وه ڕەسول ناوم بوەن، ئەڕا ئیه که وه کلیساێ خودا ستەم کردیام.

یەکم قورنتییل 2:9

ئەوجورە که وەناو کتاو ئەشعەیاێ پەێخەمەر نویسریاس: «ئەو چشته که هویچ چەوێگ نێەسێ، هویچ گوشێگ نەشنەفتیەسێ و وه فکر هویچ ئایەمێگ نەرەسیه، خودا ئەڕا ئەوانه که دوسی دێرن گورجەو کردێه.»

نامه وە غەلاتییل 1:16

خوەشنود بی که کوڕەگەێ خوەێ وه مه ئاشکرا بکێ تا ئەیو له ناو ناجویلەکەیل بانگەوازی بکەم، له ئەو وەخته مه وەگە‎رد کەسێگ هاوفکری نەکردم و

نامه وە غەلاتییل 2:8

چوینکه خوداێگ که هێز داده پتروس تا ڕەسول خەتەنه کریایل بود وه منیش هێز دا تا بومه ڕەسول ناجویلەکەیل.

ئەفسوسیێل 2:7

تا وه دەورەی وەرەڕوی، دەوڵەمەنی بی ئەنازەی فیز خوەێ، له ڕێ مێرەبانی که وەناو مەسیح عیسا وه ئیمه دێرێ، نیشان بێید.

ئەفسوسیێل 3:1

له ئی باوەته، مه پولوس، که وەبونەێ ئیوه ناجویلەکەیل زندانی مەسیح عیسام

ئەفسوسیێل 3:16

دوعا کەم تا وه پێ دەوڵەمەنی جەڵاڵ خوەێ بوەخشێده پێدان تا له ناخدانەو له ڕێ روح ئەیو وه هێز بوین و قەوەت بگرین،

ئەفسوسیێل 3:19

مابەت مەسیح بناسین که فره بانتر له ماریفەت بەشەریه، تا له گشت پڕی خودا نیقەڵتوز بوین.

ئەفسوسیێل 3:2

گومان کەم ئیوه له باوەت کاروەدەسێ فیز خودا که ئەڕادان بەخشریاسە مه، شنەفتینه،

نامەێ فیلیپییل 2:3

هویچ کارێگیش له سەر جێخوازی یا لویتبەرزی نەکەن، بەڵکەم وه بێ فیسەو ئەو باقی مەردم له خوەدان خاستر بزانن.

نامەێ فیلیپییل 4:19

خوداێ مه، گشت هەوەجیێل ئیوه وه پێ دەوڵەمەنی پڕ جەڵاڵ خوەێ وەناو مەسیح عیسا پەرچەو کەێد.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

یەکم نامەێ تیموتاوس 1:13

هەر چەن له جاران، کفرچی و ستەمکەریل و زورگو بیم، وەلێ بەزەیی وە مه کریا، چوینکه له ڕوی نەزانی و بی ئیمانی بی که ئیجوره کردیام.

یەکم نامەێ تیموتاوس 1:15

حەقه ئی قسیه تەمام و کەماڵ قەبوڵ بود که مەسیح عیسا هاته جهان تا گوناکاریل نجات بێید، که مه گەوراترین ئەوانەمە.

یەکم نامەێ تیموتاوس 2:7

ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

دویم تیموتاوس 1:11

ئەڕا ئیه که مه هەڵوژاریامه تا بانگەوازیکەر، ڕەسول و ماموستاێ ئی ئینجیله بوم.

وەحی وه یوحەنا 3:18

ئاموژیارید کەم که تەڵای ناب له ئاگر گوزەریاێ له مه بسێنێ تا دەوڵەمەنەو بید و دڵنگیل چەرمگ له مه بسێنێ تا بکێده وەرێد و شەرمزاری ڕویتیەگەد دیار نود؛ مەلهەمێگ له مه بسێنێ، تا بماڵیده بان چەویل خوەد و بیناوه بید.