ئەفسوسیێل 3:4 - کتاب مقدس به زبان کردی جنوبی - گویش کلهوری

⁴ وەگەرد خوەنین ئەوه تویەنين وه چەن و چوین دەرک من له راز مەسیح پێ بوین،

ئەفسوسیێل 3:4 ပူးပေါင်းရင်းမြစ်များ

ئنجیل مەتا 13:11

عیسایش جواو دا: «دەرک رازیل پادشایی ئاسمان وه ئیوه دریاس، وەلێ وه ئەوانه نێریاس.

لوقا 8:10

وەت: «دەرک رازیل پادشایی خودا دریاسه ئیوه، وەلێ وەگەرد کەسیلێ تر وه شکل مەسلەت قسیه کەم، تا: «”بنوڕن، وەلێ نوینن؛ بشنەفن، وەلێ نەفامن.“

رومیەگان 11:25

ئێ برایل، نیەتوام له ئی رازه بی خەوەر بوین - نەخواێ خوەدان وه زانا بزانین - دڵڕەقی وه بەشێگ له ئێسرائیل حوکم فەرما بیه، تا وەختێ که ژمارەێ ناجویلەکەیلێگ که وه مەسیح ئیمان تیەرن، کامڵەو بود.

رومیەگان 16:25

ئێرنگه جەڵاڵ وه ئەیو که تویەنێ وه پێ ئینجیلێگ که من جار دەم و وه پێ تالیم عیسا مەسیح، وه قەوەتدان بکێ - یانێ وه پێ وەحی ئەو رازه که ئەڕا دەورانیل دریژێگ، شاریاویدەو،

یەکم قورنتییل 13:2

ئەگەر هێز نەبوەت بیاشتوم و گشت رازیل خودا و ماریفەت بزانم و ئەوجورە ئیمان تەمامێگ بیاشتوم که بتویەنم کویەیل جاوەجا بکەم، وەلێ مابەت نیاشتویم، هویچ نیم.

یەکم قورنتییل 4:1

جا گشتیەکی باێه ئیمه جور خزمەتکاریل مەسیح و کاروەدەسیل رازیل خودا بوینن.

دویم قورنتییل 11:6

هاتێ قسیەکەر ماهریگ نەوم، وەلێ وەناو ماریفەت چشتێگ کەم نێرم؛ ئیه وه تەمامی له هەر باوەت نیشاندان دامه.

ئەفسوسیێل 1:9

خودا وەگەرد ئی کاره راز خاست خوەێ وه پێ ئامانجەگەێ که وەناو مەسیح ئاشکرا کردێه، وه ئیمه ناسان

ئەفسوسیێل 3:3

که چوی ئەو رازه له ڕێ وەحی ئەڕام ئاشکرا بی، هەر ئەوجورە که کوڵ و کوڵبڕ ئەڕادان نویسامه.

ئەفسوسیێل 3:9

جا وه گشتیەکی نیشان بێەم که چوی نەخشەێ خودا تێدە دی. خودا که خوەێ گشت چشتێ وه دی هاورد، ئی راز خوێه له دریژای دەوران جاران شاردیەسەو.

ئەفسوسیێل 5:32

ئیه راز فره گەوراێگه، جا مه ئویشم که ئیه له باوەت مەسیح و کلیساس.

ئەفسوسیێل 6:19

ئەڕا منیش دوعا بکەن، تا هەر وەخت دەم وه قسیه کردن واز کەم، کەڵام وەپێم بوەخشرێد تا راز ئینجیل وه ئازای جار بێەم.

نامه وه کولوسییل 1:26

یانێ ئەو رازه که له دریژایی دەورانیل و نەتەوەیل شاریایەو، وەلێ ئێرنگه وه موقەدەسیل ئەیو ئاشکرا بیه.

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

نامه وه کولوسییل 4:3

هەر وه ئی وەخته ئەڕا ئیمەیش دوعا بکێن، تا خودا دەرێگ ئەڕا کەڵام وه ڕوی ئیمه واز بکێد تا بتویەنیمن راز مەسیح جار بێیم، رازێگ که وەبونەێ ئەوه هامه ناو زندان.

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

یەکم نامەێ تیموتاوس 3:9

باێه راز ئیمان وەگەرد وژدان پاکێگەو بپارێزنن.