ئەفسوسیێل 3:19 - کتاب مقدس به زبان کردی جنوبی - گویش کلهوری

¹⁹ مابەت مەسیح بناسین که فره بانتر له ماریفەت بەشەریه، تا له گشت پڕی خودا نیقەڵتوز بوین.

ئەفسوسیێل 3:19 ပူးပေါင်းရင်းမြစ်များ

ئنجیل مەتا 5:6

خوەش وه حاڵ ئەوانه که ورسی و تیەنی سالح بوینن، چوینکه ئەوانه تێر بون.

یوحەنا 1:16

پڕی ئەیو نسیو گشتمان بیه، فیز له بان فیز.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

رومیەگان 8:35

کیه که ئیمه له مابەت مەسیح جیاوه کەێ؟ بەرد یا پەشێوی یا عەزاو یا قاتوقڕی یا ڕویتی یا خەتەر یا شمشێر؟

رومیەگان 8:39

نه بەرزای و نه قویلای و نه هویچ چشتێگتر وەناو گشت درسکریایل خودا، نیەتویەنی ئیمه له مابەت خودا که وەناو خوداوەندمان مەسیح عیساس، جیاوه بکێ.

دویم قورنتییل 5:14

چوینکه هایمنه ژێر دەس مابەت مەسیح، وەختێ دڵنیايم که یە نەفەر وەبونەێ گشتیەکی مرد، جا گشت مردن.

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

ئەفسوسیێل 1:23

کلیساێگ که جەسەێ ئەیوه، یانێ پڕی ئەیو که گشت چشتێگ له هەر لاێگەو پڕەو کەی.

ئەفسوسیێل 3:18

تا تویەنایی ئەوه بیاشتوین که وەگەرد گشت ئیمانداریل وه مەسیح وه پانا و دریژا و بەرزا و قویلای مابەت مەسیح پێ بوین و

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

ئەفسوسیێل 5:25

ئێ شوییل، ژنيلدان دوس بیاشتون، ئەوجورە که مەسیحیش کلیسا دوس داشت و گیان خوەێ ئەڕاێ قوروانی کرد،

نامەێ فیلیپییل 1:7

من حەق دێرم که له باوەت گشتدان ئیجور ئافتوهەستێگ بیاشتویم، ئەڕا ئیه که ئیوه هاینه ناو دڵم؛ چوینکه گشتدان وەگەردمەو وەناو فیز خودا بەشدارین، چ وەناو زندان بوم و چ خەریک دەفا و مور بین ڕاس درسی ئینجیل.

نامەێ فیلیپییل 4:7

ئاشتی و سڵامەتی خودا که فره بانتر له گشت فامەیله، دڵیل و فکریلدان وەناو مەسیح عیسا پارێزنێد.

نامه وه کولوسییل 1:10

تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

یەکم پتروس 1:8

ئیوه هەرچەن نێنەسێ، وەلێ دوسێ دێرین و هەرچەن ئێرنگه نيوینینێ وەلێ ئیمانه پێ دێرین و له خوەشیگ که نیود شێوێ کرد و پڕ له جەڵاڵه، نیقەڵتوزەو بینه و

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.