ئەفسوسیێل 3:17 - کتاب مقدس به زبان کردی جنوبی - گویش کلهوری

¹⁷ تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

ئەفسوسیێل 3:17 ပူးပေါင်းရင်းမြစ်များ

ئنجیل مەتا 13:6

وەلێ وەختێ خوەر هەڵات سزیان. چوینکه ریشه نیاشتن، وشک بین.

لوقا 6:48

ئەوه مینێده کەسێ که تواێ ماڵی بسازێ، زەویێگ هەڵکەنید و قویلێ کەی و بنەواێ ماڵەگه وەبان کوچگ درسی کەی. تا وەختێ سەیل باێد و لافاو باێده مل ئەو ماڵه، نەتویەنێ تەکانی بێید، چوینکه قایم درس کریاس.

یوحەنا 14:17

یانێ روح ڕاسی که دنیا نیەتویەنی قەبوڵێ بکێ، چوینکه نه دوینیدێ و نه ناسێدێ؛ وەلێ ئیوه ناسینێ، چوینکه له لاێ ئیوه نیشتەجێه و وەناو ئیوه مینێ.

یوحەنا 14:23

عیسا جواو دا: «ئەگەر کەسێگ دوس مه بیاشتود، کەڵامم پارێزنێد و باوگم دوسی دێرێ و ئیمه تێیمنه لاێ و لەلاێ نیشتەجێ بویمن.

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

یوحەنا 6:56

هەر کەس جەسەێ مه بخوێ و خوینم بنوشێ، وه ناو مه نیشتەجێه و مه وەناو ئەو نیشتەجێیم.

رومیەگان 5:5

ئمید نیوده بایس شەرمزاریمان، چوینکه مابەت خودا وه وەسلەێ روح‌القودوس که بەخشریاسە ئیمه، ڕشیاسه ناو دڵمان.

یەکم قورنتییل 3:6

من تویەمەگه کاڵیم و ئاپولوس ئاوێ دا، وەلێ خودا بی که سەوزی کرد.

یەکم قورنتییل 8:1

له باوەت خواردەمەنی پیشکەشی وه بتیل: زانیمن که «گشتمان ئایەمیل زاناێگیم.» وەلێ زانایی بوده بایس لویتبەرزی، وەلێ مابەت، بنیاد نێ.

دویم قورنتییل 13:5

خوەدان ئەزمون بکێن تا بزانین هاینه ناو ئیمان یا نه. وردەو بونه خوەدان. ئێ نیەزانین که عیسا مەسیح ها ناودان؟ مەر ئەوەکه وەناو ئی ئەزمونه ڕفوزه بوین!

دویم قورنتییل 6:16

یا چ وه یەکەو کەفتنێگ ها له بین مابەد خودا و بتیل؟ چوینکه ئیمه مابەد خوداێ زنەیمن. هەر ئەوجورە که خودا وەناو تەورات و کتاویل پەێخەمەریل فەرمایش کێ: «وەناوێان نیشتەجێ بوم و وەناوێان ڕێ کەم و مه بومه خوداێ ئەوانه و ئەوانه بونه قەوم من.»

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

نامه وه کولوسییل 2:7

وەناو ئەیو ریشه بکوتن و بنریەنە سەرپاوه و هەر ئەوجورە که تالیم گردین، وەناو ئیمان بەردەوام بون و نیقەڵتوز شوکر کردن بون.

یەکم یوحەنا 4:16

جا ئیمه مابەتێ که خودا وەپێمان دێرێ ناسیمنه و ئیمانه پێ هاوردیمنه. خودا مابەته، ئەوه که وەناو مابەت نیشتەجێ بود، وەناو خودا نیشتەجێه و خودایش وەناو ئەوه نیشتەجێه.

یەکم یوحەنا 4:4

ئێ ڕوڵەیل ورد، ئیوه له خوداین و وه سەر ئەو نەبوەتکەریل دروەکانیه زاڵەو بوینه، چوینکه ئەوه که ها ناو ئیوه له ئەوه که ها ناو ئی جهانه گەوراتره.

وەحی وه یوحەنا 3:20

بنوڕ، له دەم دەرەگه وسامه و دەر کوتم. کەسێگ ئەگەر دەنگ مه بشنەفێد و دەرەگه واز بکێد، تیەمه ناو ئەڕا لاێ و وەگەردیەو هاوسفره بوم و ئەویش وەگەرد منەو.