ئەفسوسیێل 3:1 - کتاب مقدس به زبان کردی جنوبی - گویش کلهوری

¹ له ئی باوەته، مه پولوس، که وەبونەێ ئیوه ناجویلەکەیل زندانی مەسیح عیسام

ئەفسوسیێل 3:1 ပူးပေါင်းရင်းမြစ်များ

لوقا 21:12

«وەلێ وەرجه ئی هەمگه، گرنەدان، ئازاردان دەن و دەنەدانه دەس کەنیسەیل و زندانیل، وەبونەێ ناو من، کیشنەدانه لاێ پادشایل و فەرمانداریل.

کاریل ڕەسولەیل 21:33

فەرماندەگه هاته نزیک و پولوس دەسگیر کرد و دەستور دا وەگەرد دو گله زنجیر بوەسنێ. ئمجا پرسی که ئەوه کیه و چه کردێه.

کاریل ڕەسولەیل 23:18

جا ئەویش بردێ لاێ فەرماندەگه و وەت: «پولوس زندانی چڕیەم و داوا له لێم کرد ئی جوانه بارمه ئەڕا لاد؛ چشتێ دێرێ تواێ وەپێد بویشی.»

کاریل ڕەسولەیل 26:29

پولوس وه جواوی وەت: «له خودا توام که دێر یا زوی، نه تەنیا ئیوه، بەڵکەم گشت کەسیلێ که ئیمڕو گوش دەنه مه، جور منه پێان باێ، هەڵبەت نه وەناو زنجیر!»

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

دویم قورنتییل 1:6

ئەگەر تویش بەرد تێیمن، وەبونەێ دڵنەوایی و نجات ئیوەس، جا ئەگەر دڵنەوایی چەوەڕێمانه، ئیەیشه باێه بوده بایس دڵنەواییدان، یانێ وەختێ که ئیوەیش جور ئیمه تویش ئەو عەزاویله تێین، سەور و تاموڵ بیاشتوین.

دویم قورنتییل 10:1

من، پولوس، وه ڕوی نەرمی و مێرەبانی مەسیح له لێدان توام - وه پێ وتار بڕێگیدان، وەختێ لەلادان نیم بێ فیسم و وەختێ هامه لادان تنم! -

دویم قورنتییل 11:23

ئێ خزمەتکار مەسیحن؟ جور شێتیل قسیه کەم، مه فرەتر هەم! له گشت سەختتر کار کردمه، چەن جار فرەتر له ئەوانه کەفتمەسه زندان، له گشت فرەتر قەمچی خواردمه، چەن جار وەگەرد مەرگ ڕوی وه ڕوی بیمه.

نامه وە غەلاتییل 5:11

ئێ برایل، ئەگەر هێمراێ من خەتەنه بانگەوازی کەم، ئێ دیتر ئەڕا هێمراێ عەزاو دوینم؟ ئەگەر ئەوجورە بویاد دیتر بانگەوازی سەلیب بایس نویاتیاد کەسێگ بڕەنجێد.

نامه وە غەلاتییل 5:2

بنوڕن: مه، پولوس، وەپێدان ئویشم که ئەگەر خەتەنه بوین، مەسیح ئەڕادان هویچ سودێگ نێری.

نامه وە غەلاتییل 5:24

ئەوانه که هن مەسیح عیسان، جەسه وەگەرد هەواوهەوەسیل و ئاوەختیێل کیشانەسه سەلیب.

ئەفسوسیێل 3:11

ئیه وه پێ ئەو ئامانج ئەزەڵیە بی که خودا ئەوه وەناو خوداوەند ئیمه مەسیح عیسا هاوردێەسه دی،

ئەفسوسیێل 3:13

جا داوا لەلێدان کەم وه سەوەو رەنجیلێ که وەبونەێ ئیوه کیشم، دڵسەردەو نوین، ئەڕا ئیه که ئەوانه مایەێ شانازیدانن.

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

ئەفسوسیێل 4:1

جا من که وەخاتر خوداوەند هامه زندان، لاڵکمه پێدان وه لەونێگ زنەیی بکێن که شایسەی داوەتێگ بود که ئیوه ئەڕاێ دەنگ کریاینه،

ئەفسوسیێل 6:20

هەر ئەو ئینجیلێگ که مه سەفیر ئەوەمه، هەر چەن هامه ناو زنجیر! دوعا بکەن که ئەوه وه ئازای جار بێەم، ئەوجورە که باێه بویشم.

نامەێ فیلیپییل 1:7

من حەق دێرم که له باوەت گشتدان ئیجور ئافتوهەستێگ بیاشتویم، ئەڕا ئیه که ئیوه هاینه ناو دڵم؛ چوینکه گشتدان وەگەردمەو وەناو فیز خودا بەشدارین، چ وەناو زندان بوم و چ خەریک دەفا و مور بین ڕاس درسی ئینجیل.

نامه وه کولوسییل 1:24

ئێرنگه له رەنجیلێ که وەبونەێ ئیوه کیشام خوەشاڵم و هەر کەم کەسری بەردیلی که مەسیح وەبونەێ جەسەێ یانێ کلیسا کیشاس، وەناو جەسەێ خوەم کامڵەو کەم.

نامه وه کولوسییل 4:18

مه، پولوس، ئی سڵامه وه دەس خوەم نویسم. زنجیریل مه وەناو ئی زندانه بارینه هویردان. فیز خودا وەگەرددانەو بود.

نامه وه کولوسییل 4:3

هەر وه ئی وەخته ئەڕا ئیمەیش دوعا بکێن، تا خودا دەرێگ ئەڕا کەڵام وه ڕوی ئیمه واز بکێد تا بتویەنیمن راز مەسیح جار بێیم، رازێگ که وەبونەێ ئەوه هامه ناو زندان.

دویم تیموتاوس 1:16

بەزەیی خوداوەند وه مل بنەماڵەگەێ ئونیسیفوروس بود، ئەڕا ئیه که چەن جار گیان مه تازەوه‎ کردێه و له زنجیریلم شەرمزار نوی.

دویم تیموتاوس 1:8

جا، له شاێەتی داین وه خوداوەند ئیمه شەرمزار نەو، نه ئەڕا مه که وه خاتر ئەوه هامه زندان، بەڵکەم تنیش وه پاڵەو داین وه هێز خودا له زامەت کیشاین ئەڕا ئینجیل بەشدارەو بو.

نامه وه فیلیمون 1:1

له پولوس، زندانی مەسیح عیسا و براگەمان تیموتاوس، وه هاوکار عەزیزمان فیلیمون،

نامه وه فیلیمون 1:23

ئپافراس، هاو زندان من وەناو مەسیح عیسا، سڵامد رەسنێد.

نامه وه فیلیمون 1:9

وه ئی حاڵەو خاستر زانم که له ڕوی مابەت له لێد داوا بکەم. جا مه، پولوس پیر، که ئێرنگەیش ئەڕا مەسیح عیسا زندانیم،

وەحی وه یوحەنا 2:10

له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.